ونزلت شربت كوفي بس وطلعت الجنينة فضلت اعاين لظل ميراي في الغرفة كنت مشتاق ليها شديد بس بكابر روين قعدت جمبي وقالت
متفقة معاك ميراي فيها من الجمال البخلي المرايا تشتاق ليها م انت بس.ابتسمت وقلت
ظاهر اني اشتقت ليها يعني؟
عيونك فضيحة والله😹.ابتسمت ليها ميراي جات طالعة البلكونة لم شافتنا دخلت الغرفة قلت
يا ريت يرجع الزمن سنة بس
روين:والسنة دي حصل فيها شنو؟.ابتسمت وقلت
نزلت الشغل يادوب بتذكر ويادوب بدت تسحرني كنت براقبها بالصباح لم تمشي القناة ولم ترجع ولم اضرب واتكلم معاها بدون م تعرف ولم ارسل ليها الورد والهدايا💚
أسيف انا عندي سؤال
اسألي
انت احم قصدي عدد المرات القربت عليها بتعمل حمل بالجد؟ انا عارفة انها مرات بالعدد
مرة يا روين
مرة؟
يمكن صادف وحصل
وصادف دي كانت كم ساعة
ساعتين او تلاته م متذكر.هزت راسها وابتسمت قلت
ح ارجع المانيا
قبل ولادة اختك؟
في الشهرين ديل برجع بس في شغل مهم ح امشي اخلصه.هزت راسها وقالت
متين؟
المساء بعدين
بالسلامة بس م تنسى ودعني قبل م تمشي☺
ان شاء الله.قامت وانا دخلت الغرفة فضلت اشتغل لحد المغرب قمت ودعت ناس البيت واتجهزت وطلعت على الطيارة بعد وصلت مشيت استحميت وكان عندهم ليل نمت طوالي صحيت الصباح اتجهزت ومشيت الشركة عدا اليوم ممل وانا راجع ضربت لي روين رديت عليها وفضلنا نتكلم لحد م وصلت بعدين قفلت عدوا الشهرين كدا صحيت ابدر من وقت الشغل وكنت بتكلم مع انجل صرخت وقالت
واي أسيف الحقني بطني😭.وقعت من السرير وقلت
بسم الله مالك😨
واي ح اولد😭
ااا قولي نايف وين؟.نايف جاء جاري شال التلفون وقال
أسيف انا ح اوديها المستشفى يلا اقفل
طمني بعدين .قفلت وفضلت على نار 3 ساعات كدا وضربت ليهم كانوا متشاكلين قالت
اسيف الدكتورة دي غبية كيف طلق كاذب وانا بطني وجعتني بالجد😭
انا:كيف؟
نايف:اسيف م تخاف م ولادة دا طلق كاذب ﻷنها خايفة بس
انا:وبتبكي ليه طيب؟
نايف:علشان قالوا ليها لسة بدري.ضحكت وقلت
يلا انا يوم الليلة اظبط شغلي واجيكم
انجل:م تتأخر الوحوش ديل م بهتموا بي😢
انا:طيب حاضر☺.قفلت منها وطلعت الشركة فضلت اشتغل لحد المغرب رجعت البيت استحميت واتجهزت ومشيت الطيارة وصلت بالعصر روين كانت في المركز فكرت اعمل ليها سبرايز بعدين امشي ﻷنجل في الحديقة كان في تدريبات للحوامل من بينهم وحدة انا بالجد شفتها ميراي وكنت ماشي عليها ظهرت قدامي روين قالت
أسيف😳.هزيت راسي حضنتني بعدتها وقلت
يا مجنونة اهدي😂
جيت متين انت؟
م مشيت البيت لسة.تلفوني ضرب وكانت انجل رديت بسرعة خايف كانت بتبكي قلت
انجل في شنو؟😨.قالت بتقطع
انا م قادرة تعال تعال😭.صرخت بوجع قلت
في منو في البيت معاك؟
ولى حد مافي زول طلعوا كلهم😭
انا جاي ثواني😨.سمعت صوت ميراي بتقول بصدمة
انجل مالك؟
انجل:ميراي تعالي انا بولد😭.صوت كعبها كان عالي كانها كانت جاية من برا قلت
انجل ادي ميراي التلفون سرعة
طيب😭.ادته ليها قالت
نايف؟.سكته مسافة كأنو لساني اتشل مع صوتها قلت
انا اسيف
ااا أسي ييف ط ط طيب وريني المستشفى وين.قلت
نفس اللقيتك فيها وانا ح الحقكم هناك.طلعت سرعة وخليت الخط فاتح وصلت المستشفى معاهم ميراي كانت لسة م نزلت انا نزلت جري سرعة فتحت باب انجل كانت معرقة ومتألمة شديد شلتها بسرعة ومشيت ختيتها على الكرسي الدكتورة دخلتها بسرعة غرفة الولادة كنت سامع صريخها دخلت ليها وانا م قادر اسمع بكاها مسكت يدها قالت
أسيف انا م قادرة😭 انا ح اموت😭.دموعي نزلت قلت
انجل انجل روقي
الدكتورة:انجل ساعديني وساعدي نفسك يلا😐.صرخت بوجع وهي ضاغطة على بطنها قامت ورقدت تاني بوجع وهي بتبكي بست يدها وقلت
يلا يلا.عاينت لي بدموع وقالت
أسيف انا موجوعة😭
معليش
ااااهه😭واااي😭.كنت بمشي على شعرها وهي بتبكي لحد م ولدت بعد3ساعات نشفت ليها العرق ختوا ليها البت في حضنها باست راسها وبكت بست راسها وقلت
حمدلله على السلامة💜.غمضت عيونها وفتحتها اتكلمت بتعب
نايف م جاء؟
ح امشي اضرب ليه.هزت راسها بستها وطلعت لقيت ميراي قاعدة بتوتر كانت لابسة بنطلون جينز مشرط ازرق فاتح و تيشيرت قطني رمادي اوفر سايز مظهر بطنها وم لابسة على رجلها قامت بسرعة لم شافتني قالت
انجل كويسة؟.نزلت راسي وعاينت حولي قلت
الحمدلله كويسة هي وبتها.قعدت قالت
الحمدلله الحمدلله طلعت تلفوني ضربت ﻷمي ونايف جاء جاري قال وهو بتنفس بصعوبة
انجل وين؟
انا:ولدت حسي ودخلوها الغرفة ادخل ليها.هز راسه ومشى عاينت حولي عدا عن ميراي للحظة كنت ح اقعد جمبها واحضنها وافضل ابوسها بس اتراجعت ناس امي جوا اطمنوا عليها ورجعوا وميراي فضلت قاعدة قلت
م رجعتي ليه؟
ح افضل هنا
انتي م لابسة على رجلك لكن
م بفرق.نزلت الصيدلية اشتريت ليها شبشب ومشيت ليها ختيته ليها قدامها
