ﻷنك بتحبها
وﻻني بحبها م بقدر اعذبها لانو لو فضلت معاي ح اكرها وم عارف ح يطلع شنو معاي💔
فكر بعقلانية وح تتحلى.هزيت راسي والتفت ليها قلت
كيفك والبيبي؟.ختت يدها على بطنها وقالت
الحمدلله💚.ابتسمت وقلت
كان ح اكون منتظر ولدي برضو💔.صوت تلفونا قاطعنا قالت
دا نايف يلا خلي بالك من نفسك.باست خدي ونزلت ضربت ﻷمي قلت
خليك معاها انجل حامل م صح تقعد معاها طول اليوم بدون راحة
طيب انت بطل جنان وخلي بالك من نفسك
حاضر.قفلت ورجعت بيتي عيوني كان لونها احمر لم بتخوف مشيت اتوضيت صليت الظهر كان بأذن وفضلت اصلي وادعي ربنا يعوضها بالأحسن مني ،، شعور انك بتدعي لروحك براجل غيرك شعور مؤلم فوق الألم الطبيعي شلت قلم كتبت على التلاجة كان
وكأنك يا حبيبتي أثينا اغرقتي الألم بي حد الغرة جميلتي❤..
شربت موية وضربت للمحامي خليته يجهز اوراق الطلاق تاني يوم العصر الجرس رن انا كنت سرحان وشغال سمعته بعد مسافة اتنهدت وقمت فتحت كان ابوي عاين لي بحدة ورمى على اوراق الطلاق قال
والله كويس البت معاها اكتئاب حاد وتعبانة وفي المستشفى وانت بتجهز للطلاق؟
اليمين وقع وانتهى💔.عاين لي بإزدراء ومشى رجعت وانا ببكي شوية وامي جات داخلة مبسوطة قعدت جمبي وقالت
ميراي اتحسنت وخرجوها وانا حسي كنت معاها في البيت💛.التفت ليها شافت دموعي قالت
في شنو؟😳
امي انا تعبان من غيرها انا اشتقت ليها بالجد😢.ضمتني وقالت
ارجع ليها يمكن الشفته غلط وانت اتسرعت💔
انا سألتها واكدت لي😭.ربتت علي مسحت دموعي وقلت
عايز ارجع البيت هناك
بس هي هناك
انا ح افضل تحت وهي في العدة يعني ح تفضل فوق
ح تتعب
م تخافي اتعودت على المراقبة.هزت راسها وقالت
طيب قوم اجهز هزيت ليها راسي.وقمت استحميت وخففت لحيتي وظبطتها ونزلت ليها وطلعنا قالت
اهلك م عارفين انكم اتطلقتوا سامعني؟
وح اقول ليهم شنو يعني؟
كنت برا البلد.هزيت راسي قالت
لو عرفوا م عارفة ح يقولوا شنو خصوصا انها بحنتها ودخانها يادوب
طيب والنوم؟
اطلع قبل م حد يلاحظ واقفل الباب عليك
امم.وصلنا ونزلنا كان في تيتا وانجل وعمتو منار والبنات ومرت عمو عمار وعمو احمد والباقين سلمت عليهم وقعدت كانوا بتونسوا
عمتو جود:لم ميراي عييت كنا مفكرين في بيبي.ابتسم وقلت
ان شاء الله.استأزنت وطلعت العربية شلت الأوراق وطلعت الشقة بالسلم البرة رنيت الجرس فتحت لي هي دخلت وقفلت الباب بدون م احس لقيت نفسي بايسها وهي شدتني ليها بعدت عنها بعد مسافة قبل م نتمادى ودموعي نزلت مديت ليها الفايل وقلت
ميراي انتي حرة💔.عاينت لي بدموع وانهارت على الأرض وختت يدينها على وشها وهي بتبكي قعدت جمبها ورجعت شعرها لورا
عملتي كدا فينا براك💔
انا م عملت حاجة انت الطلقتني وانت نفسك الم اتكلمت معاي واستنيتني ابرر ليك😠
حسي قولي وقسما ارجعك
ﻷ م ح اقول م عايزة ترجعني م عايزة حاجة بس تاني مرة كون قدر كلامك قدر حروفك ولحنك صح انا م كنت فاهماك وفهمت حسي بس كون قدرهم.قمت ونزلت الجنينة لقيت الاولاد والبنات قاعدين في الجنينة جمب المسبح قعدت جمبهم لم اصروا
مهاب:أسيف حلفتك بميراي غني لينا.عاينت ليه بغيظ م كان نفسي اغني نهائي
مهاب:اسف اسف بس ما حاجة غير كانت ح تجبرك
انا:ﻷنو انا تعبان😒
مي:غني وح ترتاح
انجل:النبي عربي
نايف:بالجد صوتك فيه مريح جدا.اتنهدت وغنيت ليهم
قولوا ليها انني لازلت اهواها هي التي سقتني من شهد رياها ...(اتأكد منها) كنت مغمض وبتذكر لحظاتي معاها فتحت عيوني نزلت الدموع الكنت حابسها
لارا:ام الأبداااع.انجل جات حضتنتني وقالت
ربنا يحفظك ياخ.عاينت للشقة فوق بألم قمت طلعت بالعربية بقيت لافي وانا م عارف بعمل في شنو رجعت بالليل مريت بغرفة لكن غرفة منو م عارف الحاجة الوحيدة العارفها حقت بت الباب كان نص مفتوح وبتتكلم باللابتوب فيديو كول بس لابسة سماعة قالت
ام عيون زرق ايوا لازم ... اهم رهيبة والله انت استنى وشوف دا م حق هنا يا ولد .. ضحكت وقالت
راجلها مغطية بيه ساي م تخاف ... وهو جسم بس؟ انت م شفت اللون الأبيض ولى اتكلم عن الشعر الأسود؟... ههه اي لازم جهز نفسك بس.مشيت بعصبية من القرف السمعته دا وكانت بتتكلم عن ميراي اكيد بخططوا لحاجة زفت انا حافظها م ممكن تخوني ابدا اي هي نزلت البيبي بس يمكن كانت خايفة؟قعدت وختيت يديني على وشي بتعب ونمت بدون م احس صحيت الصباح تعبان استحميت و نزلت تحت بدون م حد يشوفني تيتا لقطتني
أسيف الحقني غرفتي سرعة😒.هزيت راسي ومشيت قعدت وقعدت جمبها قالت
النومك تحت شنو؟
ساي يا تيتا
م تغش علي شكلك م مطمن قول.ابتسمت وقلت
انا مالي حسي
كئيب حزين وعيونك مرقرقة وعندك هالات وضعفت وصوتك محروق.اتنهدت وقلت
انا وميراي اتطلقنا
شنو؟.هزيت راسي بأي
