صحيت الصباح نزلت تحت ميراي كان قاعدة على السرير وخاتة يدها على راسها بتعب قعدت جمبها ومسكت يدها قلت
مصدعة؟.هزت راسها بﻷ وقالت بضيق
راسي لافي شوية
دا ﻷنك م بتاكلي يا ميراي.ختيت راسها على صدري ومشيت على شعرها دموعي نزلت للحظة ندمت اني وافقت اتزوج لانها غير الحزن م شافت حاجة حسي💔رفعت راسها عاينت لي وركزت مع شامة تحت شفايفي رجعت شعرها لورا وانا ماسكها علي قلت
همم؟.هزت راسها بﻷ بستها ووصلنا السرير بعدتني وقامت بسرعة دخلت الحمام كانت شبه بتبكي اتنهدت بضيق وقمت ليها دقيت الباب قلت
ميراي؟.م ردت قلت
انا أسف ممكن م تزعلي؟.م ردت برضو.قلت اوف في نفسي وطلعت مشيت الغرفة التانية استحميت واتجهزت وطلعت الشغل رجعت العصر لقيتهم بختوا في الغداء قلت
ميراي وين؟
امي:نايمة من جات من الشغل
انا:همم طيب ح اطلع اغير
ابوي:تعال عايزك ضروري
انا:خير ان شاء الله
امي:خير خير امشي وتعال.هزيت راسي ومشيت وانا متحير لقيت ميراي صاحية يادوب وماسكة تلفونها قلت
كيفك؟.ردت بدون م تعاين لي واتقلب لونها احمر
الحمدلله.دخلت استحميت وطلعت لقيتها بتلم في شعرها قلت
يلا الغداء.هزت لي راسها ودخلت الحمام استنيتها خلصت ونزلنا قعدنا اتغدينا ومشينا الهول
ابوي:ح ننزل السودان اجازة طيب؟
انا:م عايز ياجماعة
امي:م عايز في عينك نحنا نازلين عشانك اساسا
انا:طيب معناها م تنزلوا وخلاص😊
ابوي:أسيف😒
امي:أسيف حبوبتك طالباك
انا:ايوا كدا ممكن امشي🌚.ضحكوا عاينت لميراي كانت مبتسمة وبتعاين لينا قلت
ح أخد ميراي معاي عايز تعرفها🌚.عاينت لي بخلعة وانا عاينت لأبوي
امي:اكيد طبعا نحنا ح ننزل كلنا
ابوي:ميراي م عندك مشكلة صح؟.عاينت لي ورجعت عاينت ﻷبوي وهزت راسها بﻷ قال
طيب بإذن الله الصباح نتحرك
انا:طيب يلا انا طالع اظبط اموري في الشغل
ميراي:وانا ح اشوف لي بديلة☺
بابا:طيب يلا.طلعت مع ميراي الغرفة ضربت لكاتي واتكلمت معاها وظبطت موضوع الهدايا ونزلت الغرفة تحت لميراي كانت شغالة في اللابتوب عاينت لي ورجعت لشغلها قلت
لقيتي بديل؟.هزت راسها بأي قلت
في السودان عايزة ننزل في بيتي ولى مع ناس امي؟
شوف البريحك بس م عندي مشكلة.هزيت راسي بطيب وضربت لشركة التنضيف علشان يتنضف البيت لانو احتمال م ترتاح هناك خصوصا انو في اولاد قدري هناك بعد خلصت قلت
يلا نتعشاء برا الليلة.هزت رأسها بطيب قلت
ميراي؟.التفتت لي قلت
في حاجة؟ههزت راسها بﻷ بس شكلها كانت متوعكة قلت
محتاجة دكتور؟
انا كويسة.هزيت راسي دخلت استحمت وانا دخلت بعدها بعد طلعت لقيتها لبست شورت لحد الركبة بني كاكاوي واسع وعندو رباط من فوق وتيشيرت ابيض فيه لولو من نفس اللون نص كم ومرجعة شعرها لورا ببندانة ولابسة ساعة لون بشرتها وكعب وشنطة ابيض كنت سارح فيها كانت حلوة شديد وما عاملة ميكب كتير عيونها كانت حلوة شديد😧💕 م كانت شايفاني اتنحنحت التفتت لي وقالت
انا خلصت.هزيت راسي ودخلت اتجهزت وانا بفكر فيها وهل هي ح تتأقلم مع السودان الكم يوم ديل؟ طلعت ليها عاينت لي واشرت على لحيتي عاينت ليها بإستغراب جات جمبي و قالت
م رتبتها كويس.هزيت راسي ورجعت ظبطتها وطلعنا كانت ساكته طول الوقت ونحنا بناكل قلت
عايزة نمشي ﻷهلك؟
ممكن؟
طبعا.ابتسمت وقالت
طيب.ابتسمت ليها وقمنا طلعنا بعد خلصنا كانوا قاعدين كلهم في الهول وبتونسوا جاء تيم جاري ليها نزلت بوسته وهي بتضحك ابتسمت لم شفتها بتضحك من فترة م قصيرة سلمنا عليهم وقعدنا قالت
نحنا نازلين السودان الصباح☺
امها:نعم؟
ابوها:خير ان شاء الله؟
انا:ام بابا تيتا طالبانا
مهيار:بالسلامة ان شاء الله💚.ابتسمت ليه غزلان جات قعدت جمها وحضنتها بزعل قالت
ح اشتاق ليك
ميراي:وانا كمان مشتاقة ليك من حسي والله😐.ابتسمت لشكلهم كانوا حلوين شديد💕 قلت
يلا نمشي علشان نقدر نصحى الصباح
غزلان:خلي لي اختي ياخ😢
انا:ميراي امر عليك الصباح؟.هزت راسها بﻷ وقالت
غزلان بطلي حركات الشفع نحنا ح نرجع قريب.قلت
غزلان اول م تشتاقي ليها اضربي لي ونحنا ح نرجع طيب؟.هزت راسها بطيب وفكتها ومشت حضنت مهيار تيم جاء حضنها بوسته وودعت امها وابوها وحضنت مهيار بالجهة التاينة باس راسها وقال
بطلي دلع كتير فاهمة؟.ضحكت وقالت
طيب😂
عمو وسيم:خلوا بالكم من بعض
غزلان:م تزعل اختي اياك.ابتسمت وقلت
ان شاء الله.طلعنا وهي كانت مبتسمة بقيت مركز معاها بالمراية قالت
ممكن تركز في الطريق؟.ابتسمت وقلت
انتي م مساعدة🌚.ابتسمت بخجل قلت
من ضحكتك دي افهم اني انا سبب كآبتك؟.هزت راسها بﻷ وقالت
بس كان نفسي امشي السودان وبابا كان رافض؟
رافض؟ واشمعنا يعني؟
م عارفة والله
همم.وصلنا البيت هي دخلت وانا ضربت ليه قلت
ايوا يا عمو كيفكم؟
تمام الحمدلله
عمو عندك مشكلة في مشيتنا السودان؟ او ميراي بالتحديد؟
ﻷ طبعا ليه يعني؟
ميراي قالت انك كنت رافض
دا لم كانت صغيرة وكانت عايزة تمشي مع صحباتها وانت عارف انها م أمنة عليها وهي تعتبر اجنبية ليهم ف كنت بمنعها دا كل الموضوع
طيب الحمدلله☺.وقفلت منو
