قالت
طول الشهرين بعد الهني مون وبعد اول ليلة لينا انا حسيت بالوجع انا كنت تعبانة وم قادرة استحمل وحتى لأمي م قدرت اتكلم ولحد م نزلنا هنا السودان وعمتو منار اصرت علي ووريتها رسلتني للدكتور داك وشبه متأكدة انو انا اجهضت💔
طيب ليه م قلتي لي؟
اقول ليك شنو؟
الحسيتي بيه والوجعك
الموضوع..قاطعتها وختيت يدي على خدها
ميراي في صحتك مافي خجل عادي ممكن تقولي لي بعدين حسي لو م عمتو م كنتي ح تعرفي وتفضلي في وجعك كدا؟.م ردت بست راسها
وقلت
م تعملي كدا تاني.هزت راسها بطيب قلت
خليني استحمى ونطلع نغير جوء
طيب.مسحت ليها دموعها وقلت
م القاك بتبكي.هزت راسها مشيت استحميت ولبست بنطلون كبدي وقميص ابيض نص كم وهي لبست فستان اصفر على باهت اوف شولدر نص كم واسع من فوق وماسك عند الخصر حرير وفي نص الفخذ ماسك وتاني لحد نهاية رجلها وواسع وشنطة وشبشب رمادي عملت ضفيرة بالجنبة قلت
شيلي نضارتك علشان ح يكون في شمس☺.هزت راسها وشالتها وشالت شنطتها وطلعنا مشينا اتغدينا والجوء كان كتمة لفينا شوية وبمكيف العربية هي سخنت وجسمها حمر قلت
مسافة السكة افتحي السست علشان تهوي شوية.هزت راسها وفتحتها والطريق كان زحمة شميت بالجد الفكرة الطلعتني من البيت وصلنا بعد فترة قلت
التفتي اقفلها ليها.التفتت وكانت راسمة على طول ضهرها ضحكت وانا بقفل ليها وقلت
دا منو المجنون العمل ليك كدا
عمتو منار🌚.قعدت اضحك زيادة حمرت لي ونزلت نزلت معاها دخلنا سلمنا عليهم وطلعنا طوالي كنت داخل استحمى اول لقيتها وصلت باب الحمام جريتها وقلت
ح ادخل انا اول.حمرت لي وقالت
ﻷ انا
انا
ﻷ
م على كيفك
احلف🌚
ميراي انتي لو دخلتي ح ادخل معاك انا شايف كدا فكرة برضو🐸.عاينت لي بحدة وقالت
المرة دي م حذرت م ح تخوفني😼.فتحت الباب ودخلت وقفلته عليها قعدت اضحك فضلت قريب الساعة قلت
ميراي والله لو م طلعتي افتح الباب بالنسخة التانية
طالعة طالعة😑.طلعت بالمنشفة وانا دخلت استحميت وطلعت لقيتها نامت بمنشفتها عليت المكيف وغطيتها ونمت معاها صحيت الضهر تاني يوم لقيتها لسة نايمة ومعرقة قلت
ميراي اصحي حبيبي.فتحت عيونها بتعب قالت
أسيف😩
يا عيون اسيف مالك؟.ضمتني وبكت قلت
حبيبتي في شنو؟
عايزة نرجع لناس ماما😭
طيب حاضر ح نرجع وقفي بكى وقمي اجهزي انا ح امشي الصلاة ونجي نمشي طيب؟.هزت راسها بطيب قامت دخلت استحمت وانا قمت بعدها اتجهزت للصلاة لبست جلابية رمادية غامقة كانت بتنشف في شعرها بست راسها ونزلت سلمت عليهم وطلعت مع مراد المسجد بعد رجعت لقيتهم قاعدين بست راس تيتا وقلت
ميراي م نزلت؟
امي:هي م نايمة يعني؟
انا:لالا يا امي صاحية لكن طلعت امبارح اثرت معاها وشكلها تعبانة شوية
روين:ح اطلع اشوفها
انا:روين ماف داعي نحنا راجعين المانيا بعد شوية ح اطلع ليها اخليها تنزل
تيتا:يعني خلاص ح تمشوا؟😢
انا:ميراي اشتاقت ﻷهلها وبكت عديل يا تيتا
لوسين:معاك حق طولت منهم شديد.هزيت راسي وقمت طلعت ليها لقيتها متسطحة قعدت جمبها ومشيت على شعرها قلت
حاسة بحاجة حبيبي؟.هزت راسها بﻷ قلت تعالي ناكل حاجة علشان نمشي.هزت راسها وقامت مشينا المطبخ شالت تفاحة وابت تاكل ضميتها وقلت
انتي كويسة؟
مصدعة وضهري واجعني بس
م بتاخدي مسكن صح؟.هزت راسها فتحت التلاجة شلت سلطة فواكه اكلتها ليها بالقوة ونزلنا ودعناها وطلعنا قلت
مراد تعال وصلنا م ح اقدر اسوق وميراي تعبانة
مراد:طيب يلا.طلعنا وانا حاضنها ركبت ورا معاها ختت راسها على رجولي وفضلت امشي على شعرها لحد م وصلنا ودعنا مراد وطلعنا الطيارة نامت على صدري وانا بقيت بقرا عن خطورة الرحم المزدوج م كان خطر شديد بس في حالات بكون فيها الجنين م بثبت نهائي ووجع ضهرها بسببو فتحت الفحوصات وكذا كانت صعبة وم اظن تتحملها عاينت ليها بوجع وبست راسها قفلت اللابتوب وخفيت الفايل الفيه الكلام دا وفضلت اعاين ليها لحد م نمت صحيت لم وصلنا بصوتها وهي بتصحيني نزلنا ومشينا البيت استحمينا ونمنا صحينا الصباح كانت مبسوطة واحسن دخلت استحمت ولبست بنطلون بيج على بني و تيشيرت ابيض اوف شولدر بأكمام طويلة بتربط من ناحية البطن وكعب وشنطة لون بشرتها وطلعت لي بدلة من نفس اللون دخلت استحميت واتجهزت وفطرنا قلت
اخليك تنومي معاهم ولى اجي اخدك؟
امم عادي اذا نمت عندهم الليلة؟.هزيت ليها راسي ضحكت وضمتني قلت
بس م تتعودي😂.هزت راسها بأي وطلعنا نزلت سلمت عليهم غزلان كانت فرحانة فرح تيم جاء عاين لحنتي وقال
أسيف دي شنو😕.قعدت اضحك وقلت
دي حنة🐸
حنة يعني شنو؟
غزلان:الوان يا تيم🌚.قعدوا يضحكوا
