.بعد امي طلعت اتقلبت على السرير وانا بفكر قمت نزلت للغداء كانت ماما بتساعد الشغالة مشيت بست راسها وقعدت بعد اتغدينا امي قالت
انا طالعة الجنينة ح تجي معاي ولى ح تطلع غرفتك؟.ابتسمت ومسكت يدها وطلعنا بالرغم من عمري الكبير وحتى حجمي كبير بالنسبة ليها بس هي بتعاملني لسة على اساس بيبي❤ وانا بتبسط لانو امي دي الله يحفظها لي حنينة شديد💕قالت
م نفسك تغني لي؟.جريت ليها انفها ضربت يدي قالت
يا ولد انا امك🌚
وانتي يا امي انا ولدك كيف تستغلي صوتي كدا🐸
وانا ح استغلو كمان؟ يلا يلا وعربي علشان عايزة اتكلم زيكم كويس كدا☺.قعدت اضحك وقلت
طيب اتذكر ليك عربي
مستنية🐸💚
يا لقاها يمين يتجيني لحظة معاها واكمل حلمي ياما حلمت وياها يا حكاية مفيش حد في الكون كدا حكاية يا ليل بطول و م بيوصلش لنهاية ... انا ادفع نص عمري واشفها جاية بشوق بتجري علي وتسلم تقولي لي حبيبي بجد وحشتني سعتها يدق البي معاها وعيش انا دنيا تانية عليه سنين ح تعدي ثانية
امي ختت يدها على خدي وانا كنت مغمض وبحرك يدي فتحت عيوني كانت مدمعة مسحتها لي قالت
طلعت بالظبط معنى اسمك يا أسيف💗.إبتسمت وقلت
*رقيق القلب*
ابوك بحب الإسم دا.اتدخل صوت ابوي
بس انتي كمان كنتي كدا زي ولدك بالظبط بتحبي الرقة واهو طلع زي م بتحبي.نكش لي شعري وهو بضحك قعد جمبنا قال
اوعى يكون غنى وانا مافي لوسين؟.ضحكت وقالت
اتأخرت انت والله.ابتسمت وقلت
ماما طلبت عربي يا حاج
بابا:ﻷ والله وفاتني؟ انا م راضي عديل😐.ضحكت وانا قايم
معليش مرة تانية حظ اوفر😂.طلعت الغرفة اتسطحت تلفوني ضرب كان اصحابي ذهيان(تركي)و محمد(سعودي)و وينتل(الماني) رديت عليهم
ذهيان:يا راجل انت وين ليك كم يوم؟
وينتل:م تكون عايز تهرب من المانيا😰.قعدت اضحك
محمد:أسيف يلا ح نتلاقى في النادي بعد ساعة ف نلقاك في وشنا سامعني؟
انا:طيب خير مسافة السكة.قمت طلعت لناس ماما بباب الغرفة للجنينة كانت بتضحك مع ابوي ابتسمت على منظرهم وصورتهم💛 امي التفتت لي وقالت
تعال ليه واقف.رفعت اكتافي ونزلتها وانا خاتي يديني على وسطي قلت
انا طالع وم عارف عايز البس شنو ممكن تجي تساعديني؟.ابوي ضحك وقال
عمرك 28 سنة ولحد حسي امك هي البتساعدك في ملابسك امركم غريب🐸.قامت وجات حضنتني وقالت
وانت مالك خليني مع ولدي بس على اساس انت بتختار ملابسك براك🌚.قعدنا نضحك وطلعنا قالت
ادخل استحمى وانا ح اطلع ليك اي حاجة انت طالع مع الأولاد صح؟
ايوا
طيب يلا علشان م تتأخر.بست راسها ومشيت بعد طلعت ودخلت غرفة الملابس كانت مطلعة لي بنطلون جينز فاتح شديد وقميص ابيض نص كم و خاتة لي الساعة وحتى العطر كالعادة اختارته لي و الجزمة لونها كبدي وخاته لي مفتاح العربية التانية اتجهزت وظبطت لحيتي ونزلت كانت واقفة في الهول مع بابا وبتناقشوا لم شافوني سكتوا رفعت حاجبي بإستغراب امي جات ختت يدها على خدي وقالت
طالع خلاص؟☺.هزيت راسي وبست يدها ومشيت لأبوي بست يده وطلعت مشيت النادي لقيتهم قاعدين وبضحكواجريت الكرسي وقعدت
وينتل:شنو لكن م اتأخرت حبتين🐸.عاينت للساعة وقلت
امم باقي لسة للساعة 5 دقايق.قعدوا يضحكوا كنا قاعدين ومقاصدين الباب وانا مديه ضهري التفت فجأة ميراي وابوها كانوا داخلين كانت لابسة بنطلون واسع 3/4 بني و تيشيرت بدون ايادي شاكاه لونه اسود ومعلقة الشنطة عليها ولونها رمادي وحتى الكعب من نفس اللون كانت عاملة روج روزي ملفت💕ومرجعة شعرها لورا اول مرة الاحظ عندها شامتين فوق بعض على رقبتها وشي قلب احمر ورجعت التفت وانا بلعب بيدي بتوتر
ذهيان:في شنو يا انت🐸.هزيت راسي وتنفسي صعب شوية
ونتيل:استنى اشوف كنت بتعاين لشنو🐸.التفت وقال
هيي دي أثينا ميراي و ابوها دكتور وسيم ح امشي اسلم عليها☺.عاينت ليه بزهج اساسا هو صحبها ومديرها في الإذاعة ابتسم وقام عاينت ليه بطرف عيني مشى سلم عليهم اتبسطوا شديد لم شافوهم
ذهيان:أسيف انت مركز معاي؟.هزيت راسي بأي وانا م عارفه بقول في شنو محمد ضربني في رجلي التفت ليه قلت
ها في شنو؟😒
ذهيان:زهجان مالك؟
محمد:مش كنت كويس حسي؟.ابتسمت وقلت
مافي حاجة يلا☺.جاء وينتل ومعاه ميراي كانت مبتسمة بصورة تهبل💜سلمت عليها لم جاء دوري وينتل قال
طبعا أسيف دا ممل جدا جدا ليه فترة وهو مالك القناة *لحن*.ابتسمت و مدت لي يدها وهي محركة راسها لليسار بطريقة تلقائية ابتسمت وسلمت عليها وانا اقسم انو يدي كانت بترجف وهي حست بكدا
وينتل:يلا اقعدي☺.قعدت قصادي كانوا بتكلموا وبتونسوا و بتضحك معاهم شوية وتلفونها ضرب فصلته وقالت
يلا أستأذن بعد كدا ح امشي☺
وينتل:طيب نتلاقى بكرة❤.إبتسمت لينا وطلعت
وينتل:شنو يا الاخ بقينا م بنسمع بحتك والله🐸.ابتسمت وقلت
تعبان بس يلا ح امشي بعد كدا نتلاقى قريب💛.ودعتهم وطلعت وانا ماشي وبفكر كنت مبسوط انو قدرت اعاين ليها من القرب دا و قدرت اسلم عليها💕وفي ناحية زعلان وزهجان انها تكون مع وينتل دايما💔
