قالت:امم لانو بكابر
بكابر؟
اعترف انو بحبني وتاني عمل رايح.ضحكت بوزت وقالت
م تضحك علي
انا م بضحك عليك بضحك عليه هو😂.ضحكت معاي قالت
همم حبيت المركز؟
امم حلو ومريح جدا❤
انا وهو شريكين فيه من سنة كملناه وبدينا نشتغل فيه ومعانا كم دكتور بس بالأيام
كيف؟
يعني كل دكتور عندوا جلسات معينة مع مريضه يعني مثلا انت جلستك ح تكون بعد بكرة تاني.هزيت راسي وقلت
يلا نرجع عندي اجتماع بعد نص ساعة والسكرتيرة ح تكون جايطة بدوني.هزت راسها وقمنا طلعنا نزلت الكرسي وغمضت عيوني فتحت ميوزك هادية وانا استرخيت ونمت صحتني لم وصلنا نزلنا قلت
شكرا💛
بيناتنا؟.هزيت راسي نكشت لي شعري وقالت
يلا الإجتماع قرب.قلت
ياخ نسيتو.وقمت جاري وهي بتضحك مشيت فتحت تلفوني واللابتوب لقيت كاتي ومحمد والباقين ضاربين الف مرة رجعت لكاتي كان باقي 5 دقايق للإجتماع قالت
ياخ انت وين من امبارح م قادرة اوصل ليك😧
نسيت يا كاتي ها في شنو
الإجتماع خلص محمد جاء مشاه بسلام يا سيد😒.ضحكت وقلت
اوه نسيت فرق الزمن😹.ضحكت وقالت
م مشكلة مرا حلو
الحمدلله طيب طمنيني انتي كويسة؟
الحمدلله بخير كيفك انت وميراي
لالا نحنا رواق
لدرجة نستك لينا صح يا بياع؟.قعدت اضحك وقلت
معقولة بس
والله انت معقولة ونص😹
طيب يا حقارة بنتلاقى
يلا يلا انا طالعة محمد مستنيني
سلمي عليه طيب
يوصل.قفلت ودخلت استحميت امي جاتني قالت
شايفة انك رواق؟.هزيت راسي وقلت
الحمدلله.ابتسمت وقالت
ميراي عدتها كملت شهر.ابتسمت بألم قالت
حبوبتك مصرة تعرف سببكم شنو وميراي بتقول مافي حاجة م اتفقتوا وكل زول مشى بسبيلوا
اكيد م ح تقول انها نزلت طفلها صح؟
ربنا يهديك يا أسيف
جمعا يا امي
ابوك بسأل منك
ح امشي ليه بس هو فوق؟
لالا في الجنينة خليته.هزيت ليها راسي وقمت مشيت ليه بعد طلعت كان شغال وبشرب في كوفي قلت
بابا السلام عليكم.عاين لي بطرف عينه وقال
وعليكم السلام تعال اقعد.قعدت جمبه قفل اللابتوب وقال
حابي تقول لأهل البت الراميها فوق دي شنو وانت حايم مع بت عمتك ومبسوط؟
ابوي؟
كلامي واضح عايز تقول ليهم شنو؟
ابوي انت م عارف حصل شنو
طيب م انا سألتك وم قلت ح اعرف كيف؟
ابوي ميراي نزلت الولد بدون م تسألني وبدون م يكون عندي خبر بحملها
نعم؟
دا الحصل واذا هي قالت لأهلها انها عملت كدا انا م ح اكذبها ودي الحقيقة واذا قالت غير كدا م ح اسألها
استغفر الله العظيم يا رب💔.م اتكلمت فضل ساكت مسافة قال
قوم قوم امشي ارتاح.بست يده وقمت طلعت غرفتي وفضلت اعاين للسرير
- اعود اليك يا فراشي بكل قمر منكسرا ف ارمي اليك م بالفؤاد من اوجاع وتربت علي مثلما تفعل امي لتضئي قلبي المذبوح...
اتسطحت وانا بفكر الح يحصل شنو ونمت بدون م احس صحيت بصوت انجل بتصحيني الصباح
حبيبي اصحى . فتحت عيوني كانت متسطحة على يدي ومدمعة بست راسها وقلت
صباح الخير💛.بوزت قلت
الحلو الزعلو منو؟
نايف شاكلني يا أسيف😢
نايف شاكلك؟.هزت راسهل بأي قلت
ونايف شاكلك ليه؟
بدون سبب😭.مسحت ليها دموعها وقلت
خلاص بطلي بكى خليني استحمى وامشي اتكلم معاه.هزت راسها قمت استحميت وطلعت لقيتها فاتحة تلفونها وبتشوف في صور ملابس بيبي جريته منها وقلت
انا عايز اجيب ملابس البيبي كلها م تجيبي شي😐.عاينت لي بإستغراب قلت
والله جد حتى مع اصحابي بعمل كدا بحب اجيب حاجات البيبي لانها حلوة🐸❤.ضحكت وقالت
طيب ماشي . قلت
انجل رايك شنو تولدي في المانيا؟
ونايف اخليه براه؟
نايف موضوعه م صعب دكتور يعني شغله ساهل ومستشفته الشغال في بناها حسي من هناك ممكن يتابعها.رفعت اكتافها وقالت
اول انا م ح اسامحه ابدا لانو شاكلني😢.ابتسمت وقلت
استنى اضرب ليه
هو قاعد تحت
طيب يلا.نزلنا كان قاعد مع مراد وأيهم وبابا وعمو عمار سلمت عليهم ولقطته بحمر ﻷنجل وهي مبوزة قلت
نايف تعال عايزك ثواني.قام طلع معاي الهول التاني وانجل لحقتنا قال ليها
انجل امشي البسي عبايتك ياخ😑
انجل:أسيف😢
انا:ممكن تفهموني الحاصل؟
نايف:انجل اتحجبت وانت عارف صح؟.هزيت راسي قال
سألتها قبل م تتحجب انجل م ح تقلعيه وتحافظي عليه قالت اي والليلة م عايزة تلبس طرحتها ولاحظ فستانها قصير كيف.التفت ليها وقلت
انجل اطلعي غرفتي حبيبتي استنيني هناك.هزت راسها ومشت قلت
نايف انت دكتور واكيد عارف هي بتعمل كدا ليها😐
ايوا دي الهرمونات عارف
وغير كدا يا نايف هي خايفة من الولادة خصوصا انو حصل الحمل فجأة وبدون تخطيط وهي لسة ممكن تقول صغيرة.ابتسم وقال
كلامك صح.ابتسمت وقلت
انت الليلة م شغال صح؟.هز راسه قلت
طيب يلا سوقها وطلعها ونسيها خوفها دا
امم مفكر نسافر هاواي نستقر هناك
هاواي؟
اشتريت ارض للمستشفى هناك وبدا البناء فيها بعد ولادتها وترتاح شوية ح نمشي
بالتوفيق ان شاء الله.ابتسم لي واستأذنت وطلعت لأنجل لقيتها نامت مشيت يدي على شعرها وغطيتها
