صحيت الصباح استحميت وفتحت اللابتوب اشتغل وانا بسجر على البلكونة شفت امي طالعة الجنينة طفبت السيجارة ونزلت ليها بابا كان معاها عاينوا لي بخلعة ابتسمت ليهم ومشيت ضميت امي ابتسمت وقالت
متين جيتوا؟ وميراي وين؟☺
ابوي:خليه ياخد نفس🐸.ضحكت وقلت
جينا بالليل وحسي هي نايمة
ابوي:كيف معاك؟ والجو؟
انا: كله تمام الحمدلله🌚.باس راسي وقال
طيب الحمدلله يلا نتلاقى بعدين عندي اجتماع مهم.باس امي وطلع قعدت جمبها وختيت راسي على رجولها قالت
م على بعضك في حاجة؟.هزيت راسي بﻷ قالت
والخلاك تقطع الهني مون شنو؟.بست يدها وقلت
بس اشتقت ليكم.مشت على شعري وقالت
صدقتك.ضحكنا ميراي جات طالعة سلمت على امي وقالت لي
صباح الخير🌝.ابتسمت ليها امي كانت متابعانا قمنا فطرنا وميراي قالت
عايزة تمشي ﻷهلها
امي:قوم اجهز وصلها.هزيت راسي بطيب وقمت جهزت ونزلت ليها وطلعنا م حد اتكلم مع التاني وصلتها وقلت
بعد الشغل ح امر عليك.هزت راسها ونزلت وانا مشيت الشركة قضيت اليوم شغل المساء مشيت ليها فتحت لي غزلان ابتسمت وقالت
واخيرا جيت تخلصنا من مرتك المدلعة دي🐸.ضحكت وقلت
على فكرة انا م برضى في مرتي😂
يا شيخ خليها عندك معناها🐸.مهيار جاء وقال
أسيف يا وينكم اختفيتوا كدا.ابتسمت وقلت
ظروف يا😹.ضحك وقال
ادخل ادخل البت دي كلامها كتير م تشتغل بيها.حمرت ليه وقالت
كدا؟ طيب خلي حد تاني يجهز ليك الكوفي البتحبها.ضماها وقال
معقولة يا زيزة🐸.قعدنا نضحك جاء اخوهم الصغير عمره 7 سنوات نازل وبلعب بالأيباد قال
غزلان ماما بتناديك لأن ميراي ..رفع راسه عاين لي وقال
وين بابا؟
مهيار:ميراي مالها؟
غزلان:ح اطلع اشوفها ابتسمت لي ومشت عمو وسيم جاء نازل وهو بضرب كفيه مع بعض
مهيار:في شنو يا ابوي؟
عمو:البت دي غريبة ياخ ح تجنني انا وامها معاها.شافني جاء سلم علي
مهيار: قصدك منو فيهم؟
عمو:ميراي☺💔
انا:في شنو؟.اتدخل صوت خالتو غرام
جات منفسنة وزعلانة ولحد حسي كدا انتوا ،، اتشاكلتوا ولى حاجة؟.قلت
نعم؟نحنا م اتشاكلنا بس اخر ايام هي حصل ليها كدا وفكرت انو اشتاقت ليكم ف علشان كدا رجعنا.اتنهدت وقالت
يا الله ممكن تكون حامل يعني؟.عملت رايح ﻷنو م ممكن وهو حصل ليها كدا في لحظتها
مهيار:ح اطلع اشوفها
انا:ﻷ بعد إذنكم ممكن اشوفها أنا؟.خالتو غرام هزت راسها وقالت
تعال معاي.مشيت وراها وصلنا الغرفة ومشت خلتني دقيت الباب ودخلت كانت بتعاين من السرير للبلكونة سرحانة قعدت جمبها عاينت لي بطرف عينها وعاينت تاني للكانت بتعاين ليه قلت
كنت عارف انو انا المضايقك بس حسي في شنو؟.م ردت ختيت راسي على رجولها وشلت يدها ختيتها على جبهتي قلت
ها قولي.هزت راسها بﻷ وقامت قالت
خلينا نمشي
يعني افهم انك م ح توريني؟.م ردت اتنهدت وقلت
طيب يلا . نزلنا وهي زي م هي م اتكلمت مع زول ،، عدوا شهرين كدا هي في السرير وانا على الكنبة عادي قدام اهلنا ونادرا م تتكلم مع زول وكل زول في شغله جيت من الشغل لقيت امي في الهول مشيت سلمت عليها قالت
اقعد انا عايزاك ثواني
انا دا؟🐸.ضحكت وقالت
اقعد اقعد.قعدت قالت بدون مقدمات
انت م بتقرب من ميراي ليه؟ وبعدين ليه هي حزينة كدا؟ يعني انت حبيتها علشان تزعلها؟.هزيت راسي بﻷ قالت
ها طيب في شنو؟
امي هي براها متجننة وانا م سألتها
م يمكن خجلانة منك
خجلانة بتاع متين يا امي طيب اها نقول خجلانة مني انا اهلها برضو؟ انتوا برضو؟.م ردت وقفت وقلت
انا م ح أسألها حاولت اتكلم معاها وهي رافضة ف خلاص يعني.هزت لي راسها إبتسمت ليها وقمت الغرفة استحميت وقعدت اشتغل الأولاد ضربوا لي
زهيان:يا راجل البعرس بفتري ولى كيف🐸
انا:مشغول والله😹
وينتل:كان ميراي م عرفنا🐸.ضحكت
محمد:اها يلا ح نستناك في النادي يا شيخ🌝
زهيان:اياك تتأخر سامعني؟
انا:طيب طيب😂.قفلت وميراي كانت في الجنينة سرحانة دخلت استحميت واتجهزت جات داخلة عاينت لي بإستغراب كنت في المرايا قالت
طالع؟
عايزة حاجة؟.هزت راسها بﻷ واتكرفست على السرير اتنهدت وطلعت شكلها م كان طالع من بالي بقت كئيبة طول الوقت وحزينة وابتسامتها م بتتشاف الا نادرا وصلت للأولاد وانا داخل م قدرت اكمل رجعت طوالي ضربت ليهم
وينتل:انت وين؟
انا:معليش بس في حاجة ضرورية في الشركة ف مشيت بكرة تعالوا لي في البيت احسن
محمد:اوف منك ياخ😑.ضحكت وقلت
بتتعوض
زهيان:طيب يلا م مشكلة.قفلت ورجعت البيت دخلت بباب الجنينة كان فاتح كانت مدياني ضهرها وبتتنهد قعدت جمبها مسحت دموعها مسكت يدها وقلت
ميراي قومي.هزت راسها بﻷ.قمت قعدت قصادها بالجهة التانية من السرير وشها كبدي من البكى مسحت دموعها وقلت
المزعلك شنو؟.هزت راسها بﻷ مشيت على شعرها وقلت
يلا نطلع نغير جو
م عايزة
طيب ممكن افهم انتي مالك؟.م ردت اتنهدت وقلت
انا عارف انك م بتطيقيني وفي البداية كنا كويسين م عارف الحصل شنو بس اذا م قادرة تحكي لي اكتبي في دفتر وح ترتاحي.هزت راسها بطيب بست راسها وم قدرت ابعد عنها بسرعة بس بعدت وقمت استحميت وطلعت نمت
