لا حولا ولا قوة الا بالله ادوكم عين والله💔.نزلت راسي وقالت
طيب ليه م كلمتنا؟ مش كان تحاول تحلها معاها؟
الموضوع اكبر من انو اقعد واحلها معاها وانتوا عندكم لو العروس اتطلقت وهي بحنتها بتطلعوا فيها كلام وانا م عايز كدا وح اخليها تكمل عدتها وارجعها المانيا بدون م حد يعرف.هزت راسها وقامت طلعت ليها شوية وجاتني
انت الغلطان وانت برضو الخسران واتسرعت.نزلت راسي وقمت طلعت لقيت انجل في وشي قالت
أسيف تعال معاي
وين؟
بس عايزاك ثواني.هزيت راسي وطلعنا الجنينة قعدنا على المرجوحة مسكت يديني وقالت
انا مش اختك حبيبتك؟.هزيت ليها راسي قالت
طيب ممكن توريني انت مالك موجوع؟
ﻷني حرمتها على نفسي وانا م قادر اتنفس من غيرها.قالت
ميراي بتحبك عارف كدا؟.هزيت راسي بﻷ ختت يدها على بطنها وقالت
والخلق الطفلة دي في بطني بتحبك شديد كمان💙.دموعي نزلت مسحتها لي وضمتني مشيت على شعرها قلت بطلي بكى.هزت راسها مسحت ليها دموعها قلت
سؤال الغرفتها جمب غرفتي دي منو؟
في روين وفي مي ليه يعني؟
ﻷ بس سمعتها بتتكلم بطريقة م كويسة
ح تكون روين لانو مي مستحيل
امم م اظن روين انا عارف غرفتها وصوتها دي مي.هزت راسها بستها وقلت
انتي البجيبك كل يوم شنو يا بت؟
نايف رافض اقعد براي بالزات بعد الحمل ف بجيبني والعصر بياخدني
مش عندك شغالة؟
ايوا
طيب؟ بعدين الحاجة دي متعبة ليكم الإتنين
ياخ انت مالك انا بكون مشتاقة ليكم😐.ضحكت وقلت
طيب طيب.مهاب جاء وقال
كالعادة الجوز حاضنين بعض وبتتكلموا🐸
انجل:بنعوض في 9 سنة راحت🐸.ضحكت وقلت
طولت منك ياخ الأخبار🌚
وانت فاضي لي كمان🐸.رميته بالمسند مسكه وقعد جمبي قال
الحاصل؟
ولى شي سلامك بس
ميراي وين؟
انجل:خليك من ميراي وقوم شوف مي بوين🌝.حمر ليها وقال
انتي مالك انتي؟
تحب اناديها ليك؟.صرخت:
مي يا مي تعالي سرعة.قفل ليها خشمها وقال
هسس اسكتي يا فضيحة في البيت دا م حد يربط؟.ضحكت وقالت
م حد يربط يعرس بس😼
انا:بالجد اذا عايزها اطلبها
مهاب:مستني الاخت دي تولد اول
انا:ايك ياخ لسة دي باقي ليها شهرين
مهاب:اعمل شنو انا الله اداني اخت وحدي وكمان زفته.انجل رفعت راسها عاينت لي وهي نافخة خدودها قالت
انا زفت يا أسيف؟😟.ضميتها وقلت
معقولة بس؟ غيور بس م تشتغلي بيه😂
مهاب:غيور في عينكم.مي جات قالت
انجل معليش انتي ناديتيني وتيتا برضو عايزة حاجة؟.ركزت انو نفس الصوت بس هناك كان مخنوق شوية
انجل:لابسة طالعة وين؟
يا بت انا جيت داخلة من الجامعة يادوب
مهاب:امشي ارتاحي م تشتغلي بأنجل نحنا معاها.ابتسمت وقالت ليها حاجة في اضانها خلتها تضحك ومشت انجل قامت وقالت
يلا انا ماشة لماما نايف الليلة ح يخلص بدري.بسنا راسها ومشت
مهاب:انجل حنونة شديد
انا:وبيبي شديد.ضحك وقال
ومدلعة شديد😂.ابتسمت وانا بتذكر اهل ميراي لم بقولوا لي مدلعة وهي بتنفخ خدودها ابتسمت بحزن وقلت
همم
مالك؟
ولى حاجة
بتغش علي؟
م بغش عليك بس بفكر في الشغل.ابتسم وقام قعدت جمب المسبح نزلت رجولي في الموية وفضلت افكر جات روين قعدت جمبي عاينت ليها بطرف عيني قالت
المزعلك كدا شنو؟
ولى شي بفكر في الشغل بس
عندك مشكلة يعني؟
روين المسكنة الزايدة شنو؟
انت نسيت اني طبيبة نفسية وبحب اساعد؟
م محتاجك معناها اتفضلي قومي يلا🌝
اوف منك الزول م يفكر يستكين معاك؟.ابتسمت وقلت
انا كنت مستكين وانتي القاطعتيني
اسفة يا سيدي كدا ارتحت؟.ضحكت وقلت
خليك طيب بدون م تتكلمي كتير😂.عاينت لي وابتسمت ورجعت عاينت لرجولها في الموية وفضلت فترة كدا كانت بتعاين لي بطرف عينها ضحكت وقلت
مالك يا بت
براقب تصرفاتك🌚.ضحكت تاني وشفت ابوي داخل وبعاين لي بحدة نزلت راسي وشوية عاينت لبلكونتي انا وميراي كانت داخلة على الغرفة قمت بسرعة روين عاينت لي بإستغراب جريت على السلم تيتا مسكتني
على وين؟
عايز اتكلم مع ميراي ثواني
لا ماف طلعة طبعا
ليه ياخ؟
كدا ممنوع
تيتا😐
كلامي واضحك يا أسيف😒.اتنهدت ومشيت غرفتي امي جاتني بعد فترة ختيت راسي على رجولها وفضلت تمشي على شعري لحد م نمت صحيت بالليل قمت استحميت وطلعت الجنينة لقيتهم قاعدين كلهم عدا ميراي وتيتا اكيد وانجل كانت في بيتها قعدت معاهم اتكلمنا شوية
ايهم:حلفتك غني لينا🌚.اتنهدت وقلت
انت مزعج عارف؟.هز راسه بأي عاينت للبلكونة كان ظاهر ضلها ماشة وجاية ابتسمت وقلت
عايز تسمع شنو؟
مي:without me🐸
أيهم:دي شنو الكأبة دي يا مي.عاينت ليها وقلت
قلتي كدا؟.هزت راسها ضحكت وقلت
طيب.ايهم بوز وشه قلت
عندي ليها مسجلة ح ارسلها ليك بعدين😂
مي:ظابط يا مان🐸.ضحكت
مهاب:بقيتي شماسية يا مي
لارا:وانت مالك🌚.مهاب حمر ليها
مراد:لدي فرة رائعة
ايهم:يلي هي؟
مراد:روين صوتها حلو برضو ف خلوهم يغنوا حاجة مع بعض🐸
مهاب:روين صوتها حاد وهو صوته مريح ونحنا عايزين نرتاح🌚
أيهم:عدا الزمان🌝
