رجعت البيت وانا ببكي تلفوني ضرب وانا داخل كان رقم نايف رديت قال
أسيف تعال المستشفى.وقفل قمت جاري بسرعة وسقت وانا م واعي وصلت ونزلت وانا خايف لقيتهم برا وجوة امي بس.دقيت الباب فتحته لي قالت
اتكلم معاها تاخد الدوا جمبك هزيت راسي طلعت وانا دخلت وقفلت الباب كانت عكسيني وبتبكي بوجع وماسكة راسها قعدت جمبها ومسكت يدها على راسها قلت
موجوعة؟.قامت قعدت وم ردت ضميتها علي مسكت على التيشيرت وقالت
انا تعبت بجد😭.شلت الحبة ودخلتها ليها في خشمها واديتها الموية شربتها وهي في حضني مشيت على ضهرها وانا دموعي نازلة رفعت راسها وعاينت لي رجعت ليها شعرها لورا من وشها وبست راسها غمضت عيونها بوجع لانو ملفوف بشاش ومضروب فضلت تبكي لحد م التيشيرت اتبلل بدموعها وهي غفت انا بحبها بحبها بحبها وبموت فيها بس كل م اشوفها بتذكر البيبي💔 و ببرد معاها م بقدر💔رقدتها وغطيتها وطلعت جوني كلهم بخوف م اتكلمت معاهم وطلعت البيت لقيت بابا مستنيني قال
تعال اقعد.مشيت قعدت جمبه قال
اسيف حبيبي انا عارف انك بتحب ميراي وانك م قادر ترجع ليها في نفس الوقت بس هي وقفت حياتها عارف؟ وتعبت شديد صح هي الغلطانة لكن انت برضو حرام تعمل فيها كدا صح؟.هزيت راسي وقلت
بابا من الأخر انت عايز شنو؟ اتزوج؟
اتزوج مي
ابوي مي مهاب بحبها وهي بتحبه وهم مخططين لعرسهم الايام دي
نعم؟
والله يا ابوي
طيب م مشكلة روين اساسا شايف روين ماشة معاك.اتنهدت وقلت
أعمل البتشوفه مناسب
طيب اسبوع ونعمل عقد وبعداك حددوا العرس بمزاجكم هنا او المانيا او البتحبوه.هزيت ليه راسي وقمت دخلت الغرفة مرا الإسبوع م شفت فيه ميراي او روين ابدا انجل اتحسنت ومراد ومهاب برا البلد وكلهم امورهم ماشة صحيت مصدع كالعادة دخلت استحميت وطلعت لقيت سي دي م كان في وقت اشوفه كان العقد صلاة الجمعة وباقي ساعة المفروض اجهز فيها وفيه ورقة ختيته في الدرج واتجهزت ونزلت لتيتا قالت
دا شنو دا؟
شنو ياتيتا؟
وين الجلابية والعمة؟
جلابية شنو؟
ماشي تعقد كيف طيب؟
ضروري يعني؟
اي طبعا.اتنهدت وطلعت ولبست جلابية سمنية وعمامة لونها ابيض نزلت لقيت امي وهي زعلانة مني اساسا وم بتتكلم معاي وقفتها
امي استني . وقفت وم التفتت لي مشيت ليها وقلت
والله انا بعمل كدا لمصلحتها علشان تنسى وتكمل حياتها.ضربتني على صدري وقالت
ويموت قلبك؟ وتموت هي قبل تكمل حياتها؟ وروين الإنت ح تظلمها دي؟
امي😢
أسيف انا ختيت ليك سي دي امشي احضره قبل تطلع.ومشت طلعت فتحت الدرج وطلعت اللابتوب وشغلته
(امي:أسيف دي العيادة القلت ميراي طلعت منها صح؟.قلبت الكاميرا واشرت عليها دموعي نزلت امي دقت الباب ودخلت كان في دكتور عمر اربعينات كدا سلم على امي وقالت
دكتور ميراي ورتك سوء التفاهم الحصل صح؟
ايوا
امي:أسيف على فكرة ميراي معاي.وصورتها لي قالت
دكتور ياريت تبدا الفحص وتشرح حالتها
الدكتور:طيب ،، ميراي اتفضلي.قام هو وميراي)الباب دق كانت الشغالة قالت
ابوك بناديك
انا:قولي ليه جاي.هزت راسها وطلعت رجعت شغلت الفيديو
(ميراي كانت متسطحة والدكتور بفحصها وبتكلم وبشرح ووراه الشاشة
الدكتور:ميراي حالة نادرة جدا من الرحم المزدوج الرحم المزدوج بنتج غالبا من حالة الولادة المبكرة للطفلة بسبب عدم التحام القنوات التام ف بتكونوا رحمين وزي م عرفت منها انها فعلا مولودة في الشهر السابع في بدايتو ،، الرحم المزدوج يسبب الولادة المبكرة للحامل و بتعب في الدورة الشهرية ممكن تجي مرتين وممكن تستمر شهر مصطحبة آلام حادة وتشنجات ونزيف والرحمين حجمهم صغير عن الحجم الطبيعي ودا سبب الولادة المبكرة لطفلها وممكن يحصل حمل من مرة وحدة في الرحمين بنفس الوقت
امي:دكتور انت قلت انو ممكن يحصل حمل من مرة وحدة في الرحمين صح؟
الدكتور:ايوا صح بس م في كل الحالات في حالة ميراي بس لانو خصوبتها مناسبة
امي:طيب ميراي اتعرضت لإجهاض قبل كدا؟
الدكتور:زي م قلت ممكن الدورة تستمر شهر او 28 يوم ودي حاجة مخيفة لأي أنثى اكيد ،، ميراي جاتني قبل كم شهر بسبب الحاجة دي ولم سألتها عن الأعراض وفحصتها ظهر رحمها التاني وفعلا هي كانت شاكة بحملها بس م كان في حمل من الأساس
امي:طيب والحل شنو حسي؟
الدكتور:اذا سافرت برا احسن علشان الفحوصات تكون دقيقة لانو في حالات م بثبت فيها الحمل ابدا وبكون في خطورة على حياة الأم و ممكن برضو استئصال الرحم التاني بعملية جراحية
امي:طيب شكرا يا دكتور.مد لميراي مناديل نضفت بطنها وقامت الفيديو خلص) وانا مصدوم دخلت قوقل وجاب لي نفس كلام الدكتور وصور ليه كانت قريبة لصور ميراي دموعي نزلت ﻷني م سمعتها بالجد وشكيت فيها تلفوني ضرب كان ابوي قال
الخطبة قربت تخلص ونحنا في المسجد الحقني سرعة
ابوي😢.فصل الخط قمت وانا بمسح في دموعي ﻷنو اي حاجة انتهت خلاص💔
