نزلت وطلعت بسرعة بعد الصلاة مشينا للمأذون وهو بسألني اذا موافق او ﻷ انا كنت بتقطع ابوي كان وكيل ليها قلت
موافق
المأذون:موافق؟.غمضت عيوني وفتحتها تاني
موافق.سأل ابوي والشواهد واعلنا زوجين دموعي جات نازلة وحسيت نفسي متجمد مراد جاء داخل قال بسرعة
استنوا استنوا.التفتوا ليه جاء وقال
العقد دا باطل روين انا عاقد ليها من شهر لصاحبي.التفت ليه كأنه رجع لي الأوكسجين مهاب جاء داخل
مراد:مهاب اديني قسيمة روين.مهاب طلعها من جيبه واداها للشيخ قراها وقال
ايوا القسيمة دي صحيحة والعقد بطل💛.ابتسمت وعاينت ﻷبوي قلت
ممكن اعقد على ميراي؟.ابوي هز راسه وقال
خلينا نسألها
طيب.ضرب ﻷمي وقال
لوسين ادي التلفون دا لميراي ضروري
امي:طيب.شوية وادته ليها
ابوي:ميراي موافقة تتزوجي المجنون أسيف؟.سكتت مسافة وقالت
عمو!!
انا:ميراي موافقة ولى ﻷ؟
ميراي:امم
المأذون:موافقة يا بتي؟
ميراي:موافقة يا عمو💚.بعد عقدوا لينا كنت مبسوط شديد فادي جاء داخل قال
ما فاتني شي صح؟.ضحكت وقلت
فاتك كتير والله.مراد وقف وقال
فادي راجل روين يا جماعة.سلم علينا وقمنا طلعنا البيت دخلت كانوا بزغردوا ومبسوطين شديد ويادوب لاحظت انهم عرفوا انو كنا مطلقين همست ﻷمي
ميراي وين؟.ضحكت وقالت
فوق معاها انجل
عادي اطلع ليها؟.قاطعتني تيتا
أسيف اطلع لميراي فوق.ابتسمت ليها مدت لي عكاز قصير كدا شلته وبخت علي عطر ومسك ابتسمت وطلعت فتحت باب الغرفة وطلعت كانت لابسة توب اسود وم قادرة تمشي بيه ضحكت جات حضنتني وكانت ح توقعني ختيت العكاز واشتغلت اغاني وضميتها التوب وقع منها وكانت لابسة تيشيرت كت في نص بطنها بست راسها وهي غطت وشها بصدري اصوات ناس قربت والباب فتح فجأة جوا داخلين امي وعمتو منار وتيتا ومرت عمو احمد عمتو جود رفعت طرف التوب ختيته على اكتافها وهي لسة حاضناني بخجل مشيت وانا ضاميها دخلنا الغرفة لوليا كانت نايمة على السرير ابتسمت زيادة ووقفتها على الحيطة رفعت ليه راسها خدودها وردوا ضحكت وبست خدها وهمست:- سأقبلك عند كل يوم تتمردين فيه
همست لي بخجل:
- اذا سأعلن بكل يوم عصياني التام لك💜
.بست رقبتها وفكيت ليها التوب قلت
دا ح يعذبك .هزت راسها بأي وقالت
لبستني ليه انجل لم سمعناك بتفتح الباب.قعدنا على الكنبة وفضلت ضاماني وانا محاوطها قلت
عذبتك صح؟.نزلت راسها وضمتني زيادة بست راسها الباب دق قمت فتحت لقيتها انجل ابتسمت وختت يدها على خدي وقالت
مبروك ليكم و م تزعل البت دي تاني💛.ابتسمت وقلت
ان شاء الله. قالت
عايزة لوليا علشان ح نمشي وماما قالت ليكم تعالوا برا شوية
طيب جايين.اديتها لوليا وطلعت عاينت لميراي كانت لابسة شورت صغير ضربتني في صدري وضمتني وهي اساسا م طويلة راسها بيوصل كتفي يادوب همست
عايزة تطلعي؟ ماما عايزانا.هزت راسها قلت
تعالي اختار ليك حاجة حلوة طيب🌚.هزت راسها مشينا طلعت ليها فستان من لون بشرتها بينك فاتح شديد اوف شولدر وومن تحت واسع 3/4 وكعب بني م عالي قلت
اجهزي ح استناك برا.هزت راسها طلعت خليتها شوية وجات طالعة وقفت جات وقفت قدامي مسكت وشها بيديني وبست راسها وانفها نزلت راسها بخجل ضحكت وضميتها وطلعنا قعدوا يزغردوا ابتسمت وانا بعاين ليها شوية والناس طلعوا بعد اتفقوا روين وفادي ح يعملوا حفلة بعد بكرة يعلنوا فيها ارتباطهم مشيت استحميت وطلعت شربت موية ورجعت ميراي كانت في الحمام اتسطحت وانا بعاين لصورها في التلفون شوية وجات جمبي وحضنت يدي اتقلبت عليها وحاوطتها قلت
كأنو في حب زايد حاصل.ابتسمت وقالت
الزول بعرف قيمة الحاجة في حافة الفقدان
افهم اني حاجة قيمة عندك؟.غطت وشها بيدينها وقالت
انا بحبك💜.عاينت ليها بخلعة بعدين ضحكت ونزلت ليها يدينها وقلت
عيدي
اعيد شنو؟
القلتيه
أسيف😶.بست انفها قال
والله كدا كتير علي.ضمتني بخجل غطيتها وبست راسها ونمنا صحيت الصباح لقيتها ضاماني لسة وبتعاين لي بست خدها قلت
صباح الخير💛
صباح النور💕.فضلنا بنعاين لبعض قلت
ماشي استحمى تحبي علشان م تفكيني تدخلي معاي؟.فكتني بخلعة ولونها قلب احمر ضحكت وقمت استحميت وطلعت لقيتها رجعت نامت طلعت لقيت البيت فاضي نزلت تحت كانوا جايطين
تيتا:ميراي وين؟
انا:نايمة يا تيتا
امي:ميراي م نوامة مالها الليلة😳
انا:ياامي مافي حاجة ساهرنا علشان كدا بس.ابتسموا اتسحبت منهم وطلعت الجنينة لقيت مراد ومهاب مع بعض قعدت معاهم
مهاب:ها طمنا مبسوط؟.هزيت راسي
مراد:م بعرف ليك شي انا تعبت علشان فادي يقتنع ويعترف لي ويعقد لم سمعت قبل شهر خالو بخطط للعرس دا ف ح اكون اول حد ياخد العربية الجديدة لم تنزل.ضحكت وقلت
اكيد💚
مهاب:عايز اتقدم لمي
مراد:انت متأكد انو م عندها زول لكن؟
مهاب:انجل ورتني
انا:طيب والمشكلة وين؟
مهاب:خايف انها ترفض والله
انا:جرب اتكلم معاها اول.هز راسه قمت علشان اشوف ميراي استأذنت وطلعت
![](https://img.wattpad.com/cover/201833024-288-k665704.jpg)