وهي صحت كانت بتعاين لي بس قفلت اللابتوب وقعدت جمبها مشيت على شعرها وبست راسها قلت
موجوعة؟
حاسة بتخدر بسيط
ح تخفي.هزت راسها وقامت دخلت الحمام استحمت وجات ضميتها علي من سكات شوية والدكتورة جات داخلة قالت
جاهزة؟
ميراي:امم.قامت وانا ضاميها ومشينا كانت بتعاين لي بوجع وضاغطة على يدي
الدكتورة:ميراي م تعصبي استرخي.مشيت على بطنها لحد م هدت ونامت الدكتورة بعد خلصت قالت
امم م عندها حاجة بتخوف وحتى الرحمين كل واحد احسن من التاني والعنق واحد ف دي حاجة م ح تخوف شديد بس يمكن يحصل حمل في نفس المرة بس برحمين مختلفين.هزيت ليها راسي قالت
في علاقتكم العادية م تركزوا انو عايزين بيبي حالا لانو هي شكلها متخوفة شوية ف خليها تتعود على الموضوع اول.ابتسمت وقلت
طيب ان شاء الله.بعد حولوها الغرفة انا فضلت اعاين ليها لحد م صحت نص الليل اشرت لي بيدها مشيت اتسطحت جمبها ختيت راسي على كتفها قلت
على فكرة الحاجة دي حلوة
الحاجة دي؟.اشرت ليها على حنة صدرها ضربتني وقالت
انت واحد تافه على فكرة.قعدت اضحك قلت
انا بعبر عن رأي التفاهة وين😹
مافي زول قال ليك عاين هنا
وانتي مافي زول قال ليك خليها ظاهرة او ارسمي هنا.ضربتني وقالت
بالجد م تعاين
استني علي انا ح اعمل فيك عمايل بطالة🐸.اتقلبت مني بخجل قعدت اضحك ونمنا الصباح طلعنا من المستشفى رجعنا البيت دخلت استحمت وانا طلبت الفطور من الشغالة شوية وجات نازلة قعدنا فطرنا قالت
ماشي الشركة؟
همم ماشي.قمت بست راسها وطلعت جهزت جيت لقيتها بتحضر بوستها وقلت
محتاجة حاجة؟.هزت راسها بﻷ وقالت
م تتأخر بس
طيب يلا خلي بالك من نفسك واذا حسيتي بحاجة اضربي لي.هزت راسها وطلعت كل م اكون عايز اطلع كاتي تجيب لي شغل تاني رجعت المغرب متأخر تعبان وكسلان لقيت البيت كله بولين وشموع وورود لقيت ميراي نايمة على الكنبة ومتغطية بشال شلتها وطلعت الغرفة نزلتها على السرير وطلعت منها الشال فتحت عيونه بسرعة وقامت قعدت عاينت ليها بصدمة كانت لابسة فستان كبدي لحد ربع فخذها على جسمها بدون ايادي ومبين نص صدرها ولابسة حجل بس جرت الشال مني لبسته وقامت قالت
اتأخرت ليه؟.قلت بعد مسافة
كان عندي إجتماع وطول شوية.هزت راسها وقالت
انا مستنياك بالغداء
امم خليني استحمى والحقك.هزت راسها ومشت دخلت استحميت وانا مصدوم لسة طلعت ونزلت ليها قعدنا اتغدينا وهي حرفيا لونها لون فستانها المغطياه بالشال قامت تجيب التحلية واتأخرت ناديتها م ردت قمت مشيت ليها لقيتها واقفة وخاته يدها على قلبها وبتتنفس بسرعة جريت منها الشال التفتت بسرعة جريتها علي مسكت فيني بخوف قلت
بتثقي فيني؟.هزت راسها بأي بست راسها ومسكت على التيشيرت بتاعي بست انفها وخدودها وشفايفها جسمها سخن عاينت ليها وضحكت نفخت خدودها وضمتني ورجعت بستها وشلتها صحيت الصباح كانت نايمة لسة بست كتفها فتحت عيونها ووشها ورد غطته بيدينها مسكتها من بطنها مسكت يدي وقالت
يدك باردة ياخ
يدي باردة في عينك انتي عارفة عملتي شنو🐸.عاينت لي بخلعة قعدت اضحك وبوستها بعد شهرين صحيت لقيت الغرفة كلها وورود ودبديب والعاب قلت
ميراي😴. م ردت لفيت خصري وقمت م كانت في دخلت استحميت ولبست المنشفة وطلعت لقيتها بتخت في حاجة على السرير لابسة اسكيرت بينك فاتح سكر سكر قصير على جسمها وتيشيرت في نص بطنها نفس الشي بدون ايادي ومتحننة💕 مشيت رفعتها من بطنها ودورت بيها نزلتها على السرير على ضهرها شالت صور من جنبها وغطت بيه وشها جريتها منها كانت صور ايكو لبيبين واحد في كل رحم عاينت ليها بصدمة هزيت لي راسها بأي بست يدها وراسها ودموعي نزلت قعدت تبكي وكرفست نفسها علي قلت
ربنا يجيبهم بالسلامة❤ ويخليك لي💙
تعال نضرب لناس خالتو
امهمم.فتحت اللابتوب وضربت ليهم ردت امي مشيت حضنت ميراي و قلت
تيتاااا لوسيين😻.قعدت تضحك وقالت
يا ولد مالك جنيت؟
انا:ماما استني اوريك.جات انجل ناطة
اسييف🐸
ميراي:انجل🌚.شلت صور الإيكو وجهاز الفحص ختيتهم على بطنها اشرت ليهم بيهم
امي صرخت وقالت:بالجد؟.هزيت راسي ميراي عاينت لي بخجل بستها وغطت شفايفنا بصور الإيكو 💙
#بداية النهاية🌸...
7/8/2019 __ 14/8/2019
أيتها البعيدة ،، نعم انتي هناك كوني نجمة يومك التي لطالما احببت السماء ي جميلة انتي تشبهين ازهار البنفسج العطرة امم وايضا انتي حب بقدر لا يمكن لقلبه ان يسعه ،، ذاك الغبي غبي بالفعل عزيزتي 🌼
