انجل:ميراي وين؟
انا:عايزة بميراي شنو وانتي عندك السكر دا كله😒
امي:وانت مالك زعلان
انا:م زعلان يا ماما ولى حاجة☺.انجل ضحكت وقالت
يلا معاي الدكتور
انا:دكتور شنو يا هناية؟
انجل:البيبي
بسم الله قبل كم يوم مش كنتي معاه؟
نوو داك بتاع البشرة علشان جاتني حساسية من الفول السوداني وانا كنت باكله كتير
همم
امي:قوم امشي معاها على بال ميراي تصحى.هزيت راسي وجريت ليها خدها قلت
وانا اقدر وم امشي معاها
امي:نايف وين؟
انجل:عندو اجتماع مهم علشان كدا وصلني هنا بدري شديد الليلة
انا:طيب يلا
انجل ثواني اجيب طرحتي.كانت تقيلة وم قادرة تقوم قلت
طرحتك وين؟ انا ح اجيبها ليك
في غرفة روين
طيب ثواني واجيبها ليك.قمت طلعت سألت الشغالة من غرفتها ومشيت الباب كان نص مفتوح وبتتكلم مع وحدة صحبتها بالتلفون دقيت الباب جاتني قلت
عايز طرحة انجل
طيب.دخلت جابتها لي شلتها منها ونزلت انجل قامت ساعدتها لبستها وطلعنا كنا بنتونس وبتحكي لي حصل شنو وانا مافي لحد م وصلنا مشينا لدكتورتها وم كان في حد قدامنا دخلنا طوالي سلمت عليها وفحصتها قالت
بنوته قمر وكربوجة كمان❤.ورتني ليها كانت صغيرونة عاينت لأنجل كانت بتعاين ليها بإبتسامة جريت ليها أنفها ضربتني في يدي الدكتورة ضحكت قلت
بتشبهني😌
انجل:بطل استهبال ملامحها م ظاهرة اساسا😂
الدكتورة:ح اكتب ليك فايتمينات انزل جيبها ليها على بال اتكلم معاها
انا:طيب ماف مشكلة☺.كتبتهم لي نزلت اجيبهم بعد خلصت طلعت ليهم فجأة ميراي ظهرت في اخر الممر طالعة من دكتور نساء وتوليد في نفس الطابق م شافتني لكن شفت بوضوح انو دي هي بس الغريب الجابها ليه شنو م ممكن تكون حامل ابدا يعني لو شهر بتعرف خلي اخر واول مرة لمستها كانت قبل 3 شهور اتنهدت واستنيتها وصلتني اتخلعت لم شافتني قالت
انت بتعمل شنو هنا؟
السؤال دا انا المفروض اسألك ليه😊. م ردت ومشت عاينت ليها بغيظ ومشيت لانجل لقيتها مستنياني بست راسها ومشينا قلت
في المستشفى دي بكون في كم دكتور نساء وتوليد؟.عاينت لي بإستغراب وقالت
دكتورتي دي وواحد تاني خاص بعمليات الإجهاض.هزيت راسي قالت
ليه يعني؟
لا ولى شيء عادي يعني.وصلتها البيت قلت
انا عندي حاجة نسيتها اقضيها وارجع ثواني.هزت لي راسها وقالت
طيب م تتأخر
ان شاء الله.نزلت وانا مشيت الصيدلية جبت اجهزة فحص ورجعت دخلت بباب الشقة البرا طوالي ميراي كانت ماشة وجاية في الغرفة بتوتر اول م شافتني جفلت ورجعت لورا ربعت ايديني وقلت
مالك خير ان شاء الله؟ والبيبي العايز تنزليه؟.عاينت لي بخلعة ودموعها نزلت جيت جمبها ومديت ليها الكيس قالت بتقطع ورجفة
دا شنو😢
امشي الحمام.شالته بخوف ومشت شوية وطلعت ادتني ليهم وكلهم كانوا سالب قلت
نزلتيه يعني؟.م ردت وكانت بتبكي وانا كل الشياطين اتراقصت قدامي قلت
ردي نزلتيه؟.عاينت لي وزادت في البكى قلت
ميراي لو م رديتي انتي طالق سامعاني؟.عاينت لي بخلعة وزادت في البكى قالت
بس اا نا..وبقت بتتمتم قلت
نزلتيه؟..م ردت صرخت فيها
انتي بتهظري؟ ولى جنيتي خلاص؟😠.انهارت على الأرض وهي بتبكي وبتشهق نزلت لتحت وانا معصب وطلعت برا البيت مشيت بيتي فضلت اصرخ وابكي هل انا ببكي على حبي الغبي ولى حياتي الغلط ولى مرتي الطلقتها ولى ولدي الضاع قبل م اعرفه؟.فضلت كدا لحد م صوتي راح وغفيت على الكرسي صحيت الصباح مسحت بيدي على وشي وقمت استحميت وولعت سجارة بس م قدرت اشربها فضلت اعاين ليها وانا بتذكر كيف كانت بتمنعني منها💔رميتها على الأرض وانا بدعسها وببكي بحرقة💔 عدا اليوم كدا موية م شربتها فيه تاني يوم صحيت بصوت جرس الباب مشيت فتحته كانت روين رمت نفسها علي بعدتها عني بقرف وقلت
الجابك هنا شنو؟
انت ليه عامل كدا؟ الحصل شنو؟.قفلت في وشها م كنت طايقها ودخلت رجعت نمت صحيت بعد فترة تاني بصوت الجرس كانت امي اول م شافتني ضمتني عليها وهي بتبكي قالت
كدا يا أسيف ليه بتعمل فينا كدا؟ م امك حبيبتك انا؟.دموعي نزلت زحت مني وختت يدها على خدي والتانية على شعري وباست راسي دخلنا عاينت للحته كلها سجاير مرمية بطولها ومدعوسة والقزاز مكسر عاينت لي بخلعة وقالت
دا شنو العامله دا؟
م عارف يا امي م عارف😭💔بس كأنو السجاير دي حبي الدعسته ميراي و القزاز قلبي الكسرته وولدي الموتته💔
ادخل استحمى وتعال ثواني.هزيت راسي وطلعت استحميت ونزلت ليها كانت نضفت الحتة ختيت راسي على رجولها وانا ببكي مشت على شعري وقالت
حصل شنو؟
ميراي موتت ولدنا يا امي😭
ميراي م بتعمل كدا ثق فيها شوية
انا شفتها طالعة من الدكتور ولم سألتها بكت وم ردت
كان تحضنها وتهديها وح توريك
ساعتها وقع يمين الطلاق يا امي😭💔حرمت علي حبيبتي😭💔.مسحت دموعي وقالت
طيب وانت عندك القدرة انك تطلقها م قادر تستحمل حسي ليه؟
لانو القدرة والطاقة وكل شيء كمل في طلاقها يا امي💔
