.دخلت استحمت كنت عايز اشوف الحنة لكن م شاء الله التقول عارفة لبست بنطلون بيجامة طويل اتجهزت على بال تخلص شعرها لبست بدلة لونها احمر وقميص ابيض وقفت وهي بتعاين لي قالت
عارف شنو بالجد احسن نفضل هنا😢
ميروستي لو فضلنا هنا انتي م ح تفضلي بخير🌚.عاينت لي بصدمة ودخلت غرفة الملابس بسرعة قعدت اضحك شوية وجات طالعة لابسة فستان ازرق حرير طويل اياديه واقعة من فوق ضيق ومن الخصر واسع وشاقة شعرها من النص ومرجعاه لورا وعاملة روج احمر لون بدلتي وقفت جمبي وقالت
نمشي؟.بستها وحصنتها وطلعنا كانوا عاملين الحفلة في الجنينة وبدوا يلبسوا المحابس وم حد متذكرنا همست ليها
كأنو م حد بعرفنا؟ جينا غلط نحنا؟.ضحكت قاطعنا صوت انجل جات حضنتني قلت
شنو يا حلو مختفية لقيتي لوليا وبعتينا😪.قعدت تضحك قالت
معقولة بس
ميراي:لوليا وين؟
انجل:في البيت جوا انا كمان كنت في البلكونة
انا:تعالوا خلاص نطلع نايف معاها؟
انجل:طبعا😂.مسكت يد ميراي ومشينا طلعنا وبقينا نتونس ونعاين ليهم بالبلكونة فجأة جابوا الأضوية علينا نايف مد لي المايك واصروا الا اغني ضحكت وعاينت لميراي هزت لي راسها بأي مسكت يدها وغنيت ليهم جوايا حاجة💜.وانا بعاين لميراي في نهايتها فكتني ودخلت وهي بتبكي كملتها بسرعة ومشيت ليها كانت خاتة يدها على وشها وبتبكي ضميتها وقلت
اشش م تبكي في شنو حسي؟
انت كل دا بتحبني وانا م حسيت وم عرفت😢.مسحت ليها دموعهاوقلت
وانتي كنتي ح تعرفي كيف؟
م عارفة😢.بست راسها وقلت
بطلي جنك دا.ضحكت وهي بتبكي جات انجل قالت
م سكتت؟.ميراي مسحت دموعها وقالت
همم سكت سكت.انجل ابتسمت وقالت
تيتا وماما لوسين عايزنكم تحت.مشينا وانا ضاميها وهي لونها احمر من الخجل كلهم كانوا بعاينوا ليها عمتو منار جات سلمت علينا وقالت
مي تعالي سوقي معاك ميراي☺.عاينت لمي واتذكرت كلامها في التلفون عن ميراي قلت
عمتو خليها
تيتا:يا ولد!
انا:شنو يا تيتا انا عايز اخليها معاي☺.امي ضحكت وقالت
ميراي امشي مع مي وانت امشي مع مهاب ونايف ثواني وارجع.عاينت ليهم بإستغراب مهاب جاء جراني ومشينا دخلنا البيت طلعوني غرفتي كان في صواني مختوته ومغطية نايف شال وحدة مداها لي وقال
ادخل غير سرعة بالله.عاينت ليه بإستغراب شلتها فتحتها كان فيها جلابية بيج وفيها احمر
مهاب:تيتا مصرة تعمل جرتق
انا:جرتق؟
نايف:انت امشي البس وتعال.هزيت راسي ودخلت لبست وطلعت جابوا لي شبشب كدا معاه شال وطاقية جات عمتو منار وشايلة بخور وعطر وكذا انا كنت بعاين ليهم مستغرب بس😹
عمتو:يلا تحت.نزلنا وكانوا بزغردوا وفي وحدة بتغني وجهزوا قعدة لونها دهبي قعدت شوية وجوا البنات ومعاهم ميراي لابسة توب احمر وكعب دهبي وحجول وحنتها مبينة من تحت التوب لحد فوق الركبة ووشها مغطى بشال لونه اصفر باهت فيه خطوط بكبدي ولابسة كمية من الدهب وسلسال كدا شكله غريب وحزام دهب على خصرها كانت حلوة شديد💙قعدوها جمبي وعملوا لينا حاجات كدا بعدين فتحت وشها كانت لابسة لينسس اسود ومتقلة الروج الأحمر ولابسة زمام متصل بشعرها تيتا ادتني حليب ارشه فيها شلت شوية ورشيته لم جاء دورها شربته قعدنا نضحك بست خدها وانا بضحك عاينت لي بخجل❤بعدين قومونا ورقصونا وكذا الحفلة كانت حلوة شديد🐸💕 بعد الناس مشوا دخلنا البيت انجل ونايف مشوا روين وفادي فضلوا في الجنينة تيتا قالت نعسانة طلعت عمتو منار اخدت مي ومشوا البلكونة ايهم ولارا ومهاب طلعوا السطوح ومراد تلفونوا ضرب عمو احمد وماما وبابا وعمو عمار مشوا الهول التاني مرت عمو احمد ومرت عمو عمار كانوا بتونسوا في ركن بعيد كدا فضلت انا وميراي برانا عاينت ليها قلت
الناس ديل فرتقوا نمشي؟.عاينت لي بإستغراب وقالت
نمشي وين؟
كيف يعني نمشي وين!! م عايزة تطلعي تنومي؟ م تعبانة؟.هزت راسها بفهم جريت ليها انفها وضحكنا قمنا طلنا وكانت بتمشي بالتوب بالسيسي قلت
ميراي ح تمشي كويس ولى اشيلك؟
اعمل شنو لكن م بعرف امشي بيه😐.قعدت اضحك ودخلنا الاصانصير لصقتها على المراية ومسكتها من بطنها وشها جاب الوان ضحكت وقلت
انا م نعسان تحبي نعمل شنو😼.عاينت لي بصدمة الأصانصير فتح قامت جارية دخلت الشقة بسرعة ضحكت ومشيت لقيتها قاعدة وماسكة قلبها بقيت بضحك زيادة حمرت لي وقالت
كنت ح اوقع بسببك😒
انا م قلت ليك اجري بعدين انتي فكرتي في شنو؟🐸
انت مالك انا فكرت في شنو😒.مشيت اصبعي على رقبتها وقلت
انتي متأكدة انا مالي؟.ضربت يدي وقالت
اتلمى.كلها قلب لونها احمر وسخنت قعدت اضحك وضميتها ضربتني على صدري وقالت
م تعمل كدا تاني😶
انا م عملت حاجة لكن🐸.عاينت لي بطرف عينها بستها وشلتها وهي مصدومة نزلتها على السرير وختيت راسي على بطنها ختت يدها وبدت تلعب بلحيتي لحد م نمنا
