شمس الليل بقلم شهد اكرم (كامله)

شمس الليل الفصل السادس 🙊

...ليث:ايييه ي عم انت سرحان ف ملكوت ربنا ليه كدا..
مالك:هاا ولا حاجه انا مش عارف اي الي جابني معاكو الاماكن دي ما كنت قاعد ف بيتي مع اختي..
محمود وهو يدفع نائل من كتفه:ماالك ي عم انت كمان بتفكر ف ايه..
نائل:معرفش..
محمود:معرفش ايه..
نائل بتوهان:معرفش طلعتلي منين
محمود:ترااارااااا لا ي ليث واضح كدا ان الاساتذه ف بدايه قصه حب ملهبه..ثم اقترب منه اكثر.. هو احنا هنفضل كدا لوحدنا ي بيبي
ليث:كدا اي ي... انت لندن طبعت عليك ولا اية
ضحكو اربعتهم وكل منهم مشغول بشئ ف راسه.. منهم من يفكر بتلك المجنونه التي كلما ظهرت امامه تجعل قلبه يتراقص.. ومنهم من يفكر بعمله وكيف يكسب صفقته.. ومنهم من يتمني ان يتعطل به المصعد مره اخري.. كل انسان ف مواله الخاص
====
ف صباح يوم جديد
عصام وهو جالس يفكر بمسكينته التي اهانها البارحة ولكن جزء منه قد انطفئ مع الزمن اصبح ظلام حالك بداخلة وخارجه ظلمه وجبروته قد طبعو عليه فشوهو وجه الاف التشوهات..
سماح بجبروتها الذي لم يظهر سوا بعد زواجهما البارحه بعقد عرفي حتي يحللو ما حرمة اللة:جرا ايه قاعد بتفكر ف ايه..
عصام وهو يعتدل ف جلستة:اي رايك ف الي عملتة مع ورد امبارح غلط مش كده..
سماح بضحكه مائعه: غلط..
تكمل كلامها بطرقعه لبانها وميلانها عليه..
سماح:طب اقسم بالله ي عصومي لولا انك عملت كدا مكنتش قعدت معاك ساعه واحده..وبعدين ماهي بنتك طول عمرها معاك انا بقي مش ناوي تديني مساحتي معاك وبعدين انا معايا حاجه جديده حلفت ما اجربها من غيرك..
وكالعاده بكلمه منها جعلته كالعجينه بيدها تشكلها حتي اماتت ذلك الجزء الوحيد المتبقي بداخله واصبح عبد تحت اوامر سيده
===
ورد وهي تدفع ساق ريم من فوق ارجلها:ريييم ي ريييييم انتي ي زفته قومي الله يخربيتك هنتاخر ع اول يوم شغل دا حنا لسا هنستاذن بدري ساعتين عشان نحضر السكشن ف الكليه..
ريم:يووة بقي ي ورد حرام عليكي لا انتي لو هتصحيني كدا كل يوم روحي نامي جمب ابويا احسن
ورد : قومي بقي..
ريم:اوف قايمه قايمه
زينب:صباح الخير ي ولاد يلا عشان نفطر
خرجت ورد وريم بعد ان تجهزو للنزول والفطور مع عائلتها الجديدة...
ورد بحرج زائد:صباح الخير ي عمو..
هب خالد لاحتضانها..
خالد:صباح الفل ي حبيبتي عامله اي النهارده
ريم:الله الله تعالي شوفي ي زوزو البيه جوزك بيحضن برة
زينب:بس ي بت اسكتي اقعدي يلا ي ورد الفطار جهز
انتهو من فطورهم وسط ضحكات ع ادم ومليكه ومشاكستهم مع ريم اختهم الكبري حقا عائله سعيده تتمني لو تصبح منهم.. ثم اخذو اغراضهم ع عجاله وذهبو الي مقر العمل
ورد:صباح الخير..
ظهرت امامها فتاه خاليه المساحيق التجميليه بملابس تكاد تكون محتشمه قليلا
نور بابتسامه صافيه:صباح الخير.. انا نور انتي ورد مش كدا
ورد:اه انا ورد..
نور:طيب بصي ي ستي...
وابتدت نور ف تعليمها بعض اصول العمل ثم هبت واقفه تنظر الي ساعتها..
نور:ورد بصي معلش انا عندي شغل مهم دلوقتي لازم احضره مع اخويا مالك خدي الورق دا عشان ليث يمضيه واعمليله فنجال قهوه هو ف طريقه يلا باي..
ورد:بتشتت فهي لا تعرف مكان المطبخ حتي.. ذهبت حتي تسال عن مكانه حتي اصتدمت بشخص
ورد:اه معلش معلش اسفه
لم ينظر لها حتي تحدث وهو معطي لها ظهره ومكمل طريقه..
ليث:ابقي فتحي ي حلوه احنا مش ف ملاهي
ذهبت ورد بغيظ منه الي المطبخ حتي شعرت بخطوات خلفها..
محمود:انتي بقي السكرتيره بتاعت ليث مش كدا
ورد بابتسامه:اه انا حضرتك تطلب حاجه اعملهالك
محمود بنظرات جريئه بعض الشي وهو يستند ع الحائط ليكمل..لا شكرا
توترت ورد قليلا وذهبت من امامه..
محمود:ايوه ي باشا
=عملت ايه..
-بحاول ع قد ما اقدر..
=اليوم قرب وانا مش هضيعها من ايدي سامع..واغلق الهاتف بوجه
===
دخلت ورد الي المكتب ف يدها كوب القهوة وف الاخري بعض الملفات..
ورد:اتفضل حضرتك دا ورق مطل...ي نهارك اسود انت بتعمل اي هنا قوم قوم بسرعه ليث جاي دلوقتي
فرد ليث ظهره ع كرسيه واستند بيديه تحت ذقنه وهو يتطلع بها بتهكم:ليث حاف كدا...
ورد:هو دا وقته انت بتطلعلي ف البخت لي قوم شوف شغلك قبل ما يجي انا خايفه عليك دا شكله معقد اوي
ليث بدهشه من سليطه اللسان:معقد! شغل اي الي اقوم اشوفه انا مش بشتغل هنا
وضعت ورد الاشياء من يدها ثم وضعت يدها ع خصرها بتمايل قليلا:وطالاما مش شغال هنا قاعد ع المكتب ليه ولا هي قله قيمه وخلاص مين دخلك بس انا مش عارفه واضح ان كل الي شغالين معاه شبهه
حقا قد ادهشته عديمه الحياء سليطه اللسان تسبه ف حضوره وتنعته بالمعقد بجديه من منهم المعقد الان ينظر لها باعين ع وسعها من التعجب
نور وهي تدلف للمكتب:ليث ليث كويس انك جيت قبل ما امشي خد امضي ع الورقه دي بسرعه عشان الاجتماع الي مع شركه التوريدات هروحه انا ومالك حالا
فرغت ورد فمها من الصدمه ظلت بمكانها لا تعلم كيف تبرر ما تفوهت به من بضع ثواني فقط تريد فتح النافذه والقاء نفسها بها.اذلك مديرها الجديد(المعقد).انتهت نور من توقيع الورقه ثم ذهبت الي ورد
نور:ورد اتاكدي ان ليث مضي ع الورق عشان هنحتاجه كمان يومين ف الميتنج الي هنعمله عشان المناقصه الي قولتلك عليها يلا باي
اي سلام هذا تلقيه عليها الا تعلم بماذا وضعت نفسها فيه
ذهبت ورد اليه وهي تفرك بيدها لا تعلم ماذا تقول اعطته الورق ليوقعه تحت نظراته الماكره والمتفحصة لهاا..
ليث وهو يكمل توقيعه:اسمك ورد
ورد بخجل:اه ي مستر ليث
ليث لتهكم:ههه ليث ليه بقي معاكي المعقد..
انهي جملته وهو يمد يده ليصافحها
ورد بخجل اكبر ووجها اصبح كحبه الفراولة:انا اسفه جدا والله ماكنتش اعرف انو انت.
ليث ببرود وهو يضع الملفات بيدها وينظر امامة:خدي الباب ف ايدك وانتي طالعة..
نظرت ورد له نظره ناريه تريد عض تلك اليد الممدوده لها ثم اخذت الورق وذهبت صفعت الباب خلفها.. اما ليث مازال ينظر امامه يكمل اشتمام عطر الورد النابع منها كاسمها وكأن رائحتها تعلقت بانفه.. لينفض تلك الافكار من رأسه ويعود لصوابه ف بالتأكيد لا يريد ما حدث له من قبل ان يتكرر يكفي انه سمح لفتاه بالماضي اللعب به والاحتيال عليه وكم احبها لن يسمح لقلبه بالانفتاح لاخري
===/
سليمان:يعني فاضل قد ايه
دوكتور:بالكتير سنه ي سليمان بيه الوضع حرج
=حلو اوي سنه يا دوب الحق
_تلحق اي ي سليمان بص بقي انا ساكتلك من بدري بس والله اكلم ليث واحكيله...
ضغط سليمان ع زر اقفال الهاتف بتسليه ثم ذهب ينفذ ختطه فلو وصل به الامر لان ينزل بالشوارع يبحث عن عروس لليث فسيفعل
===
عصام:انا نازل ي سماح
=رايح فين..
_ف واحد هيعرف يديني كوك بنص تمن الي بنشتريه..
= سماح بتهكم يبقي مضروب وهيديك نصهم بودره تلج..
_ي ستي هجرب سلام
ذهب عصام وهو يصفر بفمه ويضع يديه ف جيب بنطالة حتي توقفت سياره امامه
سليمان:عصام..معقول انت.. دانا مشوفتكش من سنين ي راجل اركب اركب
عصام:سليمان ازيك واحشني..
سليمان:انا الحمد للة كويس تعالي هقعدك ف حته نتكلم انت واحشني
عصام:لالا حته اي اصلي مستني صاحبي يعني
سليمان:ي سيدي مش هيطير يلا بس..
ثم اخذ السيارة وتحرك بها

بعد فتره من الوقت
سليمان:بس ي سيدي وهو زي ما هو دماغه حجر من بعد البت بتاعه زمان دي وهو كان بيحبها ومبقاش يبص لاي واحده اتعقد زي ما تقول
عصام بنظرة ماكرة:والي يجبلك عروسه
سليمان:اديله عيني والله الواحد مبقاش كويس ومش ضامن عمره
عصام بنظره استغلاليه:وانا مش عايز عينك انا عايز مهرها..
سليمان:بمعني ايه
عصام وهو يخرج صورتها من جيبه بتلهف وجشع: اقدملك عروسه ابنك..ورد

شهد_اكرم
#شمس_الليل
رايكو ايه 😍😍