Girl meets "LOVE" (Completed)

Girl Meets LOVE - 1.1 ❤️

Maddie Hart

"Huwang! Gising! Huwang! Gising! Huwang! Huwang! Huwang!"

Hindi ko iyan pangalan, alarm clock ko iyan. Peste. Anong oras na ba?!

Hinanap ko ang cellphone sa tabi ng unan ko para tignan ang oras.

7:15 am

"Oh shet!!!!"

Nagmadali akong bumangon at pumunta sa banyo para maligo. After 10 minutes natapos din ako. 7:30 ang klase ko kaya late ako nito.

"Nyeta! Anong nangyari sa alarm clock ko ng 5:15?!" galit na galit kong sabi sa sarili ko.

First year college na ako ngayon at ito ang second week ng klase, meaning, may lessons na. Nursing ang kursong kinuha ko kaya naman, pahirapan ito. Sigurado.

Nang makalabas ako ay nakita kong malinis ang daan at wala pa masyadong pang tao. Malamig ang simoy ng hangin at sagad ito hanggang buto. Naghihintay ako ng jeep nang makita kong may lumapit sa aking lalake. Umurong ako para magkaroon kami ng malawak na distansya. Maya maya ay dumating na ang jeep. Pagsampa ko ng jeep ay bigla akong nadulas. Nakapikit na ako ng biglang may yumakap sa bewang ko dahilan para hindi ako tuluyang masubsob. Hahalik sana ako sa pathway ng jeep kung hindi ako niyakap ng kung sino mang iyon. Tumingin ako sa kanya.

"You okay?" tanong ng lalake. Tumango ako at agad niya naman akong pinakawalan ng makita niyang kumapit na ako sa right side na upuan.

Umayos naman ako at tuluyang pumasok sa loob ng jeep para maupo. Buti nalang walang tao sa loob ng jeep ng mga oras na iyon at mukhang kami ng lalaking ito ang unang pasahero. Umupo siya sa harap ko.

"Salamat." nakayukong sabi ko.

'Ang tanga! Ang tanga lang Madz! Ang tanga! Kailan ka pa naging lampa?!'

Iniabot ko ang bayad ko sa driver saka ulit lumipat sa pinakadulo ng jeep malapit sa babaan.

Hindi na sumagot ang lalaking sumagip sa katangahan ko. Inilabas ko ang ipod ko saka ako namili ng playlist.

Now playing: Jeepney by Spongecola

Maya maya ay dumami na ang studyante sa loob ng jeep. Isa isa silang nakipag-siksikan sa loob. 10 minutes pa bago ako makarating sa school.

'Psh! Come on! I'm super late na! Huhu kaasar naman tong earphones na to, bakit ba masakit sa tenga?!'

Tinanggal ko ang earphones at saka ko inayos iyon.

"Ang gwapo gwapo niya talaga. Grabe! Sana doon nalang ako tumabi!"
"Malandi lang antey?! Haha pero super gwapo niya nga talaga noh?!"
"Ngayon ko lang siya nakita dito, baka 1st year college. Bagay pa sa kanya yung uniform. Yiiie!"

Tinignan ko ang mga babaeng nagsisitilian sa tabi ko. Tumingin sila sa akin.

"Hindi lang kayo ang nandito sa jeep, baka gusto niyong idaan yan sa bulungan?" saka ko sila inismiran at ibinalik ang earphones ko sa tenga ko. Nakita ko namang nainis sila sa akin at tatarayan pa sana ako nung isang babae pero bigla akong pumikit at yumuko. Hawak ko ang sintido ko.

'Damn! Migraine! Leche! Bakit ba kasi ako late nagising ngayon!!'

Maaga kong inaalarm ang phone ko dahil laging sumasakit ang ulo ko kapag naliligo ako kaagad pagkagising. Idagdag pang ang iingay ng mga katabi ko nung alisin ko ang earphone ko. Super very as in bad mood ako ngayon. Puro kamalasan ang nangyayari ngayong umaga. Huwag naman sanang maging buong araw.

Late na late na talaga ako ng makarating ako sa school. Naiinis ako kaya naman pumunta nalang ako sa Angel's Cafe. 7:30 to 8:30 kasi ang first subject kong iyon kaya naman nagpasya akong huwag nalang pasukan. 8 am na kasi ng makarating ako dito sa town. Ang next na klase ko ay 9:30 am pa.