{ الحب الاعمي }
الجزء الثاني
الحلقه 1️⃣
هيثم: قرب شور الطاوله. وبحت في ايدين ساره وهيا ادير في بيتزا وكانت ديرا زمالتو قهوي غامق مايل للاسود .
انحبك
ساره: قلبها دق و رفعت راسها. وبصدمه. بحتت في هيثم
هيثم: ابتسم بخبث. انحبك بعد نخش معاك في تحديات .
ساره: زمطت ريقها . وطبست راسها . بعد عرفت كلمة هيثم مش القصد منها كيف ماهي توقعتها
هيثم: تنهد. باهي ياشيف ساره نسيبك تفنني في وكالك ونطلع انا نتلاقو بعد المغرب
ساره: بحتت في هيثم بنظره حاده. تمام . ونزلت راسها ادير في بيتزا
هيثم: ابتسم وطلع من المطبخ . وكان يركب للدروج وهو مبتسم وكأن بحس بنصر بعد يلعب بمشاعر ساره ويتغلب ع تمردها وثقتها في نفسها
ساره: مسحت ع جبهتها بظهر يدها . وبعصبيه وقعدت تخبط في عجينه بيدها بالقووه . مريض هذا
وكان رقيالها ساره وكأن زعلت وتعصبت بعد خاب امالها في كلمة هيثم . وعرفت ان هو يلعب بمشاعرها ويقيس فيهن اوقات
حستا متقلب ومش ثابت معاها
اوقات يبان هادي وطيب ويهتم بيها واوقات اخره اناني ومكار ومتحدي لها
معش عرفت كيف توصف شخصيتا متقلبا معاها
حطت ساره طاحين في كوشه وعدت اتجيب في طنجره اصغيره وحطت فيها الدحي عشان تطبخا للبيتزا الملفوفا
وقعدت اطيب بكل قلبها وبكل مشاعرها عشان تثبت لهيثم انها كيف ماقالتلا شطرا في طبخ
وبعد ساعتين كملت ساره كل الحاجات وحطتهن في كوشه وكلمت الشغاله وقالتلها اتجي تغسل مواعين
سلحت ساره المريلا متاعا المطبخ
ونزلت اكمامها وطلعت من مطبخ
عزيزه: شن كملتي
ساره: اها كملت ياعميمه . وبنركب نغير دبشي وتو ننزل نوتي الطاوله وسفرة الفطور للمغرب تمام
عزيزه: باهي . عدي ونعني مانفقدك تعبتك معايا
ساره: لاعادي مافيها تعب
وركبت ساره للشقه ولقت هيثم مش قاعد
مابتش ادور عليه لان كان رقايلها منا سلحت دبشها وخشت الحمام ادوشت
وطلعت لبست سروال واحد اخره وبلوزه وحده اخره
ودرت مكياج بسيط وبخت عطر
وحطت الايشارب ع كتوفها ونزلت
وخشت للمطبخ وقعدت توتي هيا والشغاله في تباسي والكبابي والكواشيك وتحط فيهن ع طاوله
وحطت سلاطه وليمون
وتت سفره حليب والتمر العادي والمعجون وزينتهن
ودرتلهن منظر وشكل حلو
وكانت حتي لسلاطه ديرتها بطريقه حلوه
يعني العين كانت تاكل قبل الفم من شكل الطاوله وشكل التقديم والحاجات
علي: مشاء الله مشاء الله وين ابنيتي ع حركات هذينا
عزيزه: مبتسمه
ساره: ابتسمت ، ونحرجت
عزيزه: مشاء الله علي كنتي شاطره
علي: اها بيش تعرفي بس . بنات توا كيف شطرات في كل شي
عزيزه: ايوا صدقت ياحاج
وكان عزيزه وعلي يشكرو في ساره مع خشت هيثم
هيثم: بحت في طاوله ، وعجباتا شكلها
علي: شفت مراتك
هيثم: دار روحا مش معدل . اممم شفتها ، كنها
عزيزه: كيف كنها . عمرا طاولتنا قعدت هكي وشكلها حلو
هيثم: اها علشان هكي انتم . عادي مرات يقعد شكل سمح بس الطعم العكس
علي: ريح روحك انت بس . اي شي اديرا ساره يقعد سمح
ساره: زرتها ضحكه . وبحتت في هيثم . ورفعت حاجبها
هيثم: عرف ساره تقصد بنظرتها هذي. ع كلمتها لما قالتلا اي شي نحط فيه يدي يقعد سمح
علي: تراه واطي ياعزيزه صوت تلفزيون . حسا يأذن
هيثم: صبا . وطلع برا لجنان . وعيطلهم جوا
اذن اذن
علي: صبا من كرسي متاعا. بسم الله هيا ياساره هيا عزيزه
هيثم: جا وهو يمشي شورهم وصبا جنب باتا
وقعدو يفطرو
ساره: كانت ادير روحها تفطر .
هيثم: بحت في ساره . وين بتصلي ياساره فرق ولا لوطه
ساره: شرقت في الحليب. ونحرجت من كلمة هيثم
عزيزه: بسم الله بشويش يابنيتي بعدك شرقت الحليب سامطه
ساره: احممم . لا تمام كويسه
هيثم: ابتسم بخبث . وعطا نظره لساره بنص عين
ساره: الحمد الله وربي تقبل منكم
انا نعدي انصلي فوق . وبحتت في هيثم بتكشيخا
عزيزه: عليش صلي هنا . عندي دبش صلاه
ساره: بنجيب حتي موبايلي ونجي ياعميمه
عزيزه: باهي عدي
