الحلقه 6️⃣
علي: وانا مانرضش بالظلم
هيثم: عقد حواجبا واستغرب . كيف
علي: يعني انا مش حنرضا انك تظلم ساره علشان بس تحقق رغبتك
هيثم: رقالا. وحس ان الدم قعد يجري في عروقا من كلام باتا. ياحاج شنو نفهم من كلامك هذا
علي: لازم نسمع من ساره ونعرف اذا كان موافقه بأرادتها او لا
هيثم: ولو موافقه بأرادتها
علي: وقتها ماعندي عليش نعترض . كان هي موافقه وراضيا
هيثم: خلاص تو نكلمها لكي و شوفها
علي: لا . خليك انا حنركبلها ونسألها بروحي
هيثم: استغرب . وعليش ياحاجه للدرجه هذي ماعندكش ثقه فيا
علي: الله اعلم اصلاً شي مايخشش عقل شخص . ان في مرأ ترضا براجلها يزوج عليها بشهر بس
هيثم: بحت في باتا. تمام دير الي تلاقه مناسب . وانا حنرجاك هنا
علي: صبا. وتكا بعكوزا . وطلع من مربوعا وسيب هيثم مقعمز ويفكر
ساره: كانت في مطبخ . ودير في كيكه مثلجه بيش اتشيلها معاها لعيت سيدها
سمعت صوت الجرس متاع الشقه . استغربت ان هيثم يرن
مسكت منشف . ومسحت يدها
وطلعت شور الباب . منو
علي: انا ياساره جدك علي
ساره: فنصت عيونها واستغربت. ونزلت الماليا متاعها تغطي في افخاذها . ونزلت شعرها ع رقبتها
وفتحت باب
. وبأبتسامه . اهليين ياجدي وحبت ع يدا . خش تفضل
علي: قدم عكوزا قبلا . وخش
ساره: تمشي ورأ علي. مرحبتين بيك . شن زياره الحلوه هذي
علي: ابتسم . وهو يقعمز سمحيني اني جيتك من غير مانقولك
ساره: لا كيف انت اتجي في اي وقت . والله جيتك هذي بالدنيا عندي
علي: بارك الله فيك . فعلاً الله يرحما معاه الحق ان كان يحبك
ساره: ابتسمت. الله يرحمه ويسامحه
علي: انا جايك نبيك في موضوع . بس لو عندك شي انجيك بعدين
ساره: لا ياجدي انا كملت . بس عطيني اشويه ونجيك
علي: تمام
ساره: صبت بسرعه. ومشت شور المطبخ وخذت الطاجين الي كانت ادير فيه الكيكه مثلجه وحطتها في تلاجه
وجت شور الصاله وقعمزت
علي: كملتي
ساره: ابتسمت. اها. وياريتا مش صيام راه شربنا مع بعضنا فنجالين قهون
علي: مره اخره ان شاء الله انجيك ونشربوها مع بعضنا
ساره: ان شاء الله. باهي ياجدي قولي شن الموضوع ان شاء الله خير
علي: قبل كل شي . هيثم قالي ان سيدك فتحي جا وصالحكم
ساره: الحمد الله ياجدي ردينا لبعضنا. وان شاء الله يكون قراري صاح ومانندمش عليه
علي: وعليش تندمي عليه
ساره: بحتت في ايديها. وهي تحكي. نخاف في يوم من الايام يفوتنا مره اخره
علي: لا ان شاء الله لا. لان هو ماجاش يبي الصلح غير لما جرب وحس بأنا غلط وارتكب ذنب في حقكم
ساره: ان شاء الله يارب
علي: ساره
ساره: رفعت راسها . وبحتت في علي. نعم
علي: انتي تعرفي ان معزتك عندي كيف بناتي بزبط ونعد فيك بنت ليا مش مرات ولد
ساره: عارفا ياجدي والله
علي: وانتي الي بنتي مش هيثم . بالنسبه ليا هيثم هو الي براني
ساره: ابتسمت. بارك الله فيك ياجدي والله انا حسا معاكم اني في حوشي مش في حوش هل راجلي بالعكس كلكم نحس فيكم هل ليا والله
علي: تمام . بما انك تعتبري فينا هلك . واكييد البنت مستحيل ادس علي هلها حاجه
ساره: زمطت ريقها . وتغيراً ملامح وجها للخوف. مش دسا شي عليكم انا
علي: عارف بس هيثم قالي . وقعد يكح
ساره: انصدمت . وجها تغير . وماتوقعتش هيثم يقول ع قصتها والي صارلها
علي: سامحيني ع كحه
ساره: بتوتر . لا عادي. لاباس عليك . بس هيثم شن الي قالا لكي
علي: انا بنعرف الا قالا هيثم ليا صاح ولا غلط
ساره: هزت براسها. لا غلط
علي: انصدم . يعني يكذب عليا
ساره: زمطت ريقها. وسكتت
علي: يعني يكذب ياساره قوليلي ماتحشميش مني . انا جاي هنا بيش نعرف بس
ساره: شبكت ايديها في بعضهن. وماحوتك مانطقت . هو ماكذبش عليك بس انا ماتوقعتش ان يقولك
علي: يعني ياساره انتي مش موافقه ع زواجا صاح
ساره: عقدت حواجبها. واستغربت . كيف يعني مافهمتش ياجدي
علي: ساره انا نسأل فيك ك بنت ليا . انتي موافقه ع زواج هيثم ولا هو زرك انك توافقي
ساره: قصدك انت كنت تحكي ع زواجا
علي: استغرب اها امالا علي شنو تحسبيني نحكي
ساره: ابتسمت وتنهدت . وحست روحها تريحت
علي: علي شن تحكي ياساره مافهمتش
ساره: ابتسمت. وحست ان الروح ردة فيها. لا ياجدي غير انا فهمتك غلط
علي: حس ان ساره دسا شي. باهي ماجوابتيش علي سؤالي
ساره: ياجدي انت عارف ان زواجنا بسبب ان جدي خلاني أمانه عندك
علي: عارف . بس انا بنعرف موافقه بأرادتك ومش مغصوبه او لا . وتعرفي ياساره لو مش موافقه صدقيني حنوقف الزواج هذا ونوقف معاك
ومستحيل نخليه يكسر خاطرك ويجيب عليك وليه اخره
ساره: قعدت تفكر . وساكتا تسمع في علي
علي: ولو تبي تطلقي انا مستحيل نخليه يزوج او يجيب وحده ثانيه ومش حنرضا بوحدا غيرك زوجا لهيثم
وهو الي يطلع من فيلا وانتي الي تقعدي
ساره: تنهدت وقدمت ع حاشية الكنبه. ياجدي صدقني
ان هيثم مقررش ان يزوج الا لما انا عرضت عليه
علي: استغرب. كيف يعني
ساره: قتلك من اشويه ان نحنا ازوجنا بسبب كلنا عرفينا. وانا حسيت روحي حنكون مقصره مع هيثم وهو يستاهل اكثر من هكي وماحبيتش نظلما معايا
فقتلا ازوج
علي: بحت في ساره. والله ياساره . يعني انتي موافقه
ساره: ابتسمت. والله ياجدي هيثم مصبي معايا وعمري ماننسا تصبيتا . ومن حقا ان ينبسط ويكون متريح
علي: حتي ولو الشي هذا غصبن عنا يديرا لانك مراتا ومن حقا يصبي معاك
بس نبي نطمن ومانظلمكش انتي بجد يا ابنيتي موفقه ان يزوج
ساره: هزت براسها بمعنا . اها. موافقه ياجدي وقتلك اني انا الي طلبت منا هكي
علي: يعني مش حتطلبي الطلاق منا
ساره: قلبها دق وحستا وجعها. وهي تخفي في وجع الي تحس بيه ع كل كلمة كذب قلتها .
لا مش حنطلب وحنكون ع ذمتا
علي: يعني انا نوافق
ساره: اكييد ياجدي. اساساً انا قلت لهيثم لو جدي موافقش حننزل انا نقنعا . لاني عارفا مرات تستغرب كيف نرضا ان يزوج عليا في فتره قصيره
علي: والله هذي الي مستغربها
ساره: اكييد عارفا ان كلكم حتستغربوها بس . انا موافقه
وابتسمت ساره . ابتسامه ورها الف وجع وكسره
علي: انا توا بس بعد قعمزت وحكيت معاك تريحت قبل كنت نفكر وحاسس بالذنب ان هيثم يظلمك
ساره: لالا ماتخافش هيثم دار الي عليه وبزياده صدقني ، وانت ياجدي كفيت و وفيت
وربي يطولي في عمرك
علي: تسلمي يا ابنيتي . وانا بودي نشوفك متريحا ودبينا الشي هذا بقناعه منك يبقا ماعندي مانقول
بس لو كنتي رافضه كنت بنصبي معاك بس عشان تكوني انتي سعيده و قتلك امبدري ونزيد نقولها لكي اخره انتي هي الي بنتي وهيثم هو الي براني
ساره: يكفيني بس كلامك هذا. وصبت حبت ع راس علي
علي: بارك الله فيك
ساره: والله خساره . مش قادره نقدملك شي
علي: ابتسامتك هذي بس وضحكتك بالنسبه ليا كأني كليت وشربت
ساره: تسلملي يارب
علي: وهو يصبي. باهي يا ابنيتي. بيش تسلميلنا ع الي مشيتيلهم
ساره: يوصل
علي: وهو يمشي شور باب الشقه . ويفتحا. تحتاجي شي انا قاعد ردي بالك ترددي انك اتجيني
ساره: حاضر
علي: هيا السلام عليكم
ساره: وعليكم السلام.
