الحلقه 4️⃣
ورن هيثم ع رقم قدام ام ساره
فتحي: الو
هيثم: هيثم الو السلام عليكم
فتحي: وعليكم السلام
هيثم: فتحي الفلاني
فتحي: اها تفضل من معايا
هيثم: انا هيثم الفلاني . الي واخذ بنت خوك مفتاح الله يرحما
فتحي: مرحبتين بيك اهلين
هيثم: رنيت بنقولك كان بتفضل اليوم بعد صلاة التروايح للحوش انت وهلك مرحبتين بيك
فتحي: ابتسم . تمام بأذن الله نكون عندكم
هيثم: نعطيك وصف الحوش
فتحي: انا منطقه عرفها بس الحوش بزبط صراحا مش عارفا
هيثم: خلاص لما بتطلع رن عليا وتو نوصفا لكي
فتحي: تمام بارك الله فيك . سلام عليكم
هيثم: وعليكم السلام
وسكر هيثم وبحت في صالحه
صالحه: شنو قالك بيجي
هيثم: اها قالي ان شاء الله حيجي
صالحه: باهي احسن حاجه استعجلت بيه اليوم . لان ساره مرات تغير رايها
هيثم: اها
صالحه: باهي وينها كنها ماجتش معاك مش عابين تفطرو عندي اليوم
هيثم: ارتبك . اها والله طلعت مستعجل وماقالتش للساره
صالحه: باهي عادي مش مشكله جيبها قريب حتي من فطور
هيثم: باهي رني عليها انتي توا وخليها توتي روحها وقوليلها ان عمها بيجي في ليل . واكتبلي شن تبو ونجيبا لكم
صالحه: تسلم ياهيثم والله ماني عارف كيف نشكرك ع تصبايتك هذي . فعلاً انك ولد بالنسبه ليا
هيثم: ابتسم . لا عادي ياعمتي
صالحه: خلاص تو نكلمها ونقولها لها . مع اني امس كلمتها وع اساس بتجي قالتلي . مش عارف كنها
هيثم: ابتسم مجامله للصالحه. وعرف ان حتي ساره مابتش اتقولا انها بتمشي علشان الي صار بينهم
صالحه: خذت موبايلها . ورنت ع ساره . وماردتش عليها
حاولت اخره ومافيش رد
هيثم: ماتردش
صالحه: اها رنيت كم مره ماردتش
هيثم: بالك ماتسمعش فيه . عطيها اشويه ورني عليها
ساره: كانت في شقه فوق . ومكملا الفطور . وطلعت من الحمام تبي اترن ع امها بتعتذر منها . انها ماتبيش اتجي
خذت موبايلها ولقت مكالمتين فايتت
فتحت ورنت علي امها
صالحه: الو ياسويرا
ساره: ايوا ياماما لقيتك رنا عليا كنت اندوش
صالحه: اها توا رنيت عليك بنقولك وينك كنك ماجيتيش مع هيثم
ساره: استغربت. هو هيثم جاك
صالحه: اها وقاعد عندي مش بتفطرو عندي اليوم
ساره: تحك في شعرها. اها بس طلع هيثم وماتفقتش انا وياه
صالحه: باهي خلاص وتي روحك قالك هيثم تو نجي ناخذك توا
ساره: باهي
صالحه: وديري احسابك راه عيت سيدك جيين اليوم بعد الصلاه
ساره: كيف اليوم .
صالحه: تو كلمنهم وقنالهم ايجو
ساره: وعليش ياماما الاستعجال هذا مش كان خلتوها يوم اخره
صالحه: وعليش انبهدلو فيهم
ساره: مش قصة اتبهديل . بس ليش الزر يعني ونحنا مش دايرين شي
صالحه: ماعليك غير تعالي وتو نصرفو ساهل لوكال
ساره: تمام باهي . وبتكشيخا . قوليلا مايطولش عليا
صالحه: باهي تو نقولا
وسكرت ساره . وفتحت دولاب اتشوف شن تلبس
هيثم: صبا خلاص ياعمتي انا نطلع نجيب ساره
وانتي قوليلي شن تبي واكتبيه ليا في ورقه بعد انجي انجيبا
صالحه: باهي تمام
