الحلقه8️⃣
يوسف: كاين مقعمز ويقرأ في ورقه ومنصدم
ضعط ع ورقه بيدا بالقووه وكرمشها
وصبا بسرعه وهو رقيلا ومايحقش قداما في شي
وطلع من شقه ونزل ينزل من دروج بسرعه ومشا شور حوش سيدا جمال
في حوش جمال
كاين جدي علي وجمال وابراهيم ومعاهم هيثم يباركو للرحمه ويسلمو عليها ومقعمزين في مربوعا
ومعاهم سالمه وعزيزه وفتحيه
وباقي صبايا مقعمزات في صاله الجوانيا
علي: الف الف مبرووك وربي يفرحني بخوتك ان شاء الله
رحمه: وهي مبتسمه ومنحرجا . الله يبارك فيك ياجدي تسلم
هيثم: مصبي وحاط يدا ع كتف رحمه وحضنها
والله كبرتي ياطشه وقعدتي عروس
رحمه: مبتسمه ومنحرجا من عمها هيثم وهو يبصر معاها
هيثم: توا اي شي تبيه قوليلي . باهي
رحمه: حاظر
ساره: صبت من صاله وخذت سفرة لميا وخشت للمطبخ تحط فيها
وهما مقعمزين
يدق باب بالقوووه
في مربوعا كلهم يبحتو في بعضهم شنو هذا
هيثم: عقد حواجبا و باستغراب ، وهو يمشي شور باب بيفتحا ، من الي قريب يكسر باب هذا
علي وجمال وابراهيم يبحتو في جيهة الباب .
عزيزه وسالمه وفتحيه: منفجعات ويبحتن في جيهة الباب
هيثم: فتح باب . يوووسف
يوسف: ماسك في يدا الورقه . باعد هيثم من باب
وخش للمربوعا وهو منفصل ويبحت
كلهم: يوسف كنك
يوسف: مايحكيش مع حد ومنفصل وباين عليه ان رقيلا بكل
وهو يعيط بصوت عالي
وينها الفرخا هذي وينها
علي: كنك بسم الله اتعيط هكي من هذي
هيثم: يوسف كنك وسع بالك
يوسف: خطاني ياهيثم وينها . وقعد يعيط بصوت عالي . امييييييرررررره
اميره: سمعت صوت يوسف يعيط قلبها دق وصبت منفجعا
هند واروي واحلام وساره ورحاب وحليمه ومروه وهديل
يبحتو في اميره ومنصدمين
علي: كنك اتعيط انت وطي حسك
ابراهيم: يوسف كنك
يوسف: يحكي بعصبيه عند عروق رقبتا بانن ، ويشير لجده باليد الي ماسك فيها الورقه
تعرف ياجدي كان ماتكلمهش هنا اقسم بربي واقسم بربي نخش نكرها من شعرها
يا اميييره تعالي عارفك جوا
علي: بنبرة حزم وأمر ، هيثم امشي كلمها
هيثم: التفت وطلع للصاله عند بابها الجواني
جت عينا في عين ساره مصبيا ع باب المطبخ ومقابلتها الصاله ومن جنب يقابلها الباب الي يفتح للمربوعا
ساره: نزلت عينها بعد جت في هيثم
هيثم: ساره كلمي اميره
ساره: عيطت للاميره . يبيك هيثم
علي: كنك شن في قعمز واهدأ وقول كنك
يوسف: يهز براسا . تو تعرف توا شن في اصبر بس خليها اتجي
حليمه: جت لهيثم . كنا يوسف شن يبي فيها اميره وكنا يعيط هكي
هيثم: غير كلميها ليا بس
حليمه: تلبس عبايتها وتو تجيك . شن في
خليني نخش للمربوعا
هيثم: وسع للحليمه من باب . عدي خشي
حليمه: مشت شور مربوعا لقت يوسف يبرم فيها ويرجا
صبت ع باب . خير كنك يا يوسف
يوسف: بحت في عمتا . تو تعرفي غير اتجي بنتك بس
