إكرام:سمعت عيطت هيثم ، وكانت في حمام مصبيا ع حوض وتغسل في وجها
كرت المنشف وفتحت الباب وهي مفجوعا
وشافت هيثم قدامها، وهي تفنص عيونها بفجعا ومنصدمه، خيرك شني في
هيثم: يبحت في إكرام بتفنيصا ، ويتنفس بالقووه
إكرام: تبحت في هيثم ، واول مره تشوفا بالحاله هذي ، خيرك حبيبي شني في
هيثم: هز براسا بهزوا ، حبيبك ، وضغط هيثم ع سنونا ويحكي بعصبيه، طلعت حمار كبير راقد ع وذاني
وانتي تلعبي من تحتي وتخططي كل يوم كيف اديريلييييي
وعيط هيثم بصوت عالي ،
إكرام: فنصت عيونها ، ونصدمت وقعد قلبها يدق بالقووه من الخوف ، وجسمها يرعش
زمطت ريقها، وصوتها في رعشه من الخوف ، شني الكلام الي اتقول فيه
اني شن درت
هيثم: قرب شور إكرام ، وخذها من مرفقها ، وكرها بالقووه
ودفها ع كنبه
إكرام : جت إكرام طايحا ع كنبه ، ومسكت يدها مكان مسكت هيثم وهي تألم
ودموعها ينزلاً و كرعيها يرعشن من كثر الخوف
وتبحت في هيثم الي كان زي البركان
هيثم: شير ع روحا بصبعا السبابه ، ويحكي وعروق رقبتا يبانن انا عقاب الوقت تضحك عليا فرخا كيفك
تي انتي طلعتي مدرسه في حقاره ونذاله
وانا الي بسببك عاندت باتي وخذيتك وهو مش راضي
وعفست ع قلبي بسببك بيش مانخلفش بوعدي معاك
وانتي شنو ، طلعتي تلعبي وتخططي
انتي وفرخت الحرام بنت عمتك عليااا
إكرام: انصدمت وفتحت عيونها، وهو توكوك من الخوف ومرتبكه ، اا أنت ككيف عرفت قصدي ششني الي تتتقول فيه هادا
هيثم: شنو قتيلي مازلتي بتنكري ، ماتخلينيش نجيبلك صوتك ونجيبلك مكالماتك من يوم ما ازوجنا عند صبح اليوم
عند اخر حاجه اول امس وانتحارك الكاذب وحملك الوهمييي، وعلا هيثم صوتا
إكرام: زمطت ريقها ، وانصدمت
هيثم: خبط الطاوله الي قداما بكراعا بعصبيه،
إكرام: تنطرت من خبطت هيثم وخافت
هيثم: يعيط بصوت عالي ، وعروق رقبتا بينات
عند وجه انحمر من لعياط ، ويحكي بإيديه
ليش ليش ازف انا شن درتلك بيش اتجزيني هكي
شن درتلك ازح
قوليلي في شنو قصرت معاك
انا الي عندت الدنيا عليك
شن درتلككككك ، وعيط هيثم
وقعد يبحت في إكرام ويتنفس بالقوووه
وحط يدا ع جيهة صدرا ، وحس قلبا وجعا من كثر لعياط
إكرام: تبكي وتبحت في هيثم ، والله عشان نحبك والله انحبك
اني اسفه
هيثم: وهو يفنص في إكرام وحط صبعا ع فما ، اسسس اسسسس
انتي اخر وحده تحكي ع الحب
انتي تعرفيش اتحبي ، انتي وحده حقيره ومسخا
وانا غلطت بعد جبتك
عارف الحب شنو
اهو الحب اهو
وخبط هيثم ع جنبا، عند حس عمليتا، وانحنا وهو يتألم ، اااها
إكرام: تبكي، وبخوف ، صبت شور هيثم
هيثم: دف يد إكرام ، وبحت فيها بتفنيصا، حولي ردي بالك تلمسيني
ورفع هيثم روحا وهو يتألم
إكرام: مصبيا ، ودموع في عينها وتبحت في هيثم ، وتحكي بتجداي وذل، باهي هيثم اني عارفا روحي اغلطت
اني اسفه بس والله من حبي ليك شوفتك وانت تباعد عني وتتقرب منها خفت نخسرك
هيثم: حط يدا ع جنبا ، ويبحت في إكرام ، هذا مش مبرر
انتي من قبل هذا كلا وانتي اتخططي ، انا عقاب الوقت نصبي ع رجاله ، عشان يخششوني للشركه ونسمع في مكالمات مراتي كلهن , وهي تخطط كيف اديرلي
ومش هكي و بس انتي حتي شن يصير بيني وبينك
تحكي فيه ، وتحكي ع هلي ومافي حاجه ماتحكي فيها
كيف بنأمن روحي عليك كيف بنخليك مراتي وع ذمتي وأم لعيالي
انتي مش كويسه انتي انسانه ماعندكش قلب
كيف اديري في هذا كلا وتضحكي في وجهي وترقدي جنبي وانتي مستغفلتيني
وتقوليلي حب
اين حب هذا حب.... يانعن....
انا كلب الي خذيتك انا نستهلها
إكرام: وايديها يرعشن وتحكي بخوف ، باهي هيثم اعطيني فرصه نشرح لك ، علاش درت هكي
هيثم: يبحت مفنص في إكرام ، تشرحيلي شنو مازال عندك وجه تبي تشرحيلي
شن تشرحي كل شي واضح مايبيش شرح
شن الي بتكذبي وتلفقيه ليا
مشاعرك وكلامك كلا وحقيقتك عرفتها
ماعندك ماتشرحي بتكذبي في شنو وتقولي مش صوتك يعني هذا ومش كلامك مثلاً
