{ الحب الأعمي }
الجزء الثاني
البارت الثالث للحلقه 1️⃣6️⃣
في حوش عم ساره
بعد ما طلعو هيثم ومعتصم ، طلع معتز للشغل متاعا
وخش فتحي للحوش جوا
قعدت ساره معاهم تهدرز وتحاول تغير جوها عشان تفكرش في هيثم
وبنات يهدرزاً معاها
وبعد مرور ساعه
صبت ساره من جنبهم وخشت دارها
ساره : قعمزت ع سرير وقعدت تبكي
بالعبره وتشهق
وهي حطا يدها ع صدرها وتبكي وتهز من لبكا
ورده: لحقت ساره عشان تشوفها لو تبي شي و فتحت باب، لقت ساره تبكي
تفجأة وبخوف عليها ، سرو
ساره: بحتت في ورده . وعيونها منتفخات وغرقات في دموعها
ورده: دمعت لبكا ساره . وقربت عليها، وحضنتها
ساره: حضنت ورده وقعدت تبكي من قلبها وتهز من لبكا
ورده: ينزلاً دموعها ع كتف ساره . خلاص ياسرو والله مايستاهل دموعك
ساره: وهي تشهق بالعبره . وتحكي بتقطيع ، م ش مني ، شن اندير قلبي ياورده
مش مني غصبن عني
نحس في روحي بنموووت ، حاولت نكابر بس معش قدرت نمسك روحي ، نحس في روحي مخنوقه ، طول ما انا مقعمزه معاكم وهو في بالي قاعد
خاطري نشوفا خاطري نشم بنة عطرا ونعرفا ان جا خاطري نشوف عيونا ونظرتا ، حتي عصبيتا وتفنيصتا خاطري نشوفها
كلمه نذكر اني خلاص معش حنشوفا ، نحس باحساس غريب ، احساس زي الي قلبك بيوقف نبض وبتموتي ، خاطري في هذا كلا ، بس معش ينفع معش ينفع ، ونهرت مره اخره ساره من لبكا
ورده: وجعها كلام ساره وحست بحرقت قلبها وهي من قبل عندها نفس نوع التجربه
ساره: باعدت من ورده، وحطت ايديها ع وجها
وتبكي
ورده: قعدت تبحت في ساره . ودمع معاها
ومالقتش كلام تحكيه . وهي عارفا ان مافيش كلام
يقدر يهون عليها
اريج : قعدت دور ع بنات مالقتهنش مشت شور دار الي عطوها لساره
لقت الباب مردود، فتحتا
ونصدمت في ساره الي تبكي . ورده الي مقبلتها
وعيونها حمر من لبكا
سااااره كنكن
ورده: حطت يدها ع فمها بمعنا اسس
اريج: قربت من سرير ، وقعمزت جنب ساره الي كانت مقعمزه في نص السرير
وحطت يدها ورأ ظهرها ، خلاص ياروحي
تبكي عليش ، ع هيثم
ورده: تفنص في اريج
اريج: لازم نسألها كنك تفنصي
ساره: حولت ايديها من وجها، وبحتت في اريج وعيونها حمر ومنتفخات من لبكا، وجها منحمر
ردي بالك في يوم اتحبي ، ولو حبيتي ماتحبيش اكثر من روحك
ماتحبيش الحب الاعمي الي يخليك تفضلي حد اكثر من نفسك ، ردي بالك
اريج ورده: يبحتن في ساره ويسمعن في كلام الي اتقول فيه ، ومتأثرات ع حالتها
اريج: دمعاً عيونها، ربي حيعوضك بالي يعرف قيمتا حبك هذا
ساره: وهي تبكي، ماهو ماحد حيشوفا لان له هو بس
قلبي مستحيل يخشلا حد ولا نقدر نعطي حب كيف ماعطيتا
ورده: بس الحياه ماتوقفش ع شخص ياساره
ساره: ماتوقفش بس حبي وقف عليه هو
اريج ورده: سكتات ويبحتن في ساره
ساره: مسحت من دموعها ، وقعدت تحكي ودموعها ينزلاً وتشير ع روحها
وتحكي من كل قلبها وفتحت قلبها للبنات
عارفات لما ترضي ع روحك وكرامتك ظلم وااجد
وتحملي كل شي بس عشان تشوفي نظره وضحكه
بس عشان تشمي ريحتا
مع انك ماشفتيش الا جروح وصدمات وااجد
انا عارفا روحي غبيه حاولت نتباعد بس معش قدرت
كل مره كنت نحس في روحي نغرق اكثر معاه
ونسيت روحي ونسيت كرامتي رضيت ع روحي مليون اهانه وجرح
بس هذي النهايه ، ونهرت ساره وقعدت تهز من لبكا
ورده: مدت يدها، لساره وقعدت طبطب ع كتفها ، خلاص ياسرو والله قطعتيلي قلبي
اريج: خزيه عليه وع رجالا ، يعني انتي ضحيتي بكل شي
وفي الاخير تكون نهايتك هكي
ساره: قعدت تبكي ، ومعش عرفت كيف تحول حرقت قلبها والاحساس الصعب الي اتحس بيه من مر لفراق
كان احساس ينحس مايوتصفش
ومهما حكيت علي مرارتا مش حتقدر توصل لوصف
صعوبتا
