الحلقه 2️⃣
هيثم: ناض مفجوع . وصبا بسرعه مشا شور الدار
وصبا ع باب وكان مردود. فتحا وبحت لقا ساره راقده
خش وهو يمشي بشويش
وقرب من ساره . وحط يدا قريب منها وحس بنفسها
ع يدا .
تنهد وحس روحا تريح ، وقعد يبحت في ساره كيف راقده ،
حط يدا ع وجه ومسحها . وطلع من دار وهو يفكر
خش حمام ادوش ، وطلع لبس سروال متاعا والسير
وطلع للحمام يمشط في شعرا
ع مرايا متاع حمام ومسكر باب بدون مفتاح
ساره: فتحت عيونها. وصبت من سرير . بحتت في ساعه .لقتها 12
صبت بتخش حمام . وقعدت تمشي ع كرعها وتحس فيها توجع فيها بس ألم خفيف كاين . فتحت باب الحمام
وانفجعت بعد شافت هيثم
هيثم: بحت في ساره . صباح الخير
ساره: كانت مرتبكه ومتحشمه . صباح النور
هيثم: تعالي بتخشي
ساره: لا خليك عادي
هيثم: لا تعالي. انا نمشط في شعري بس
وجا هيثم بيخطم من جنب ساره
ساره: كانت مطبسا راسها . تحت . لما هيثم هلب من جنبها . رفعت راسها وجت عينها ع جنب هيثم اليسار كاين فيه علامه
هيثم: خش دار . ولبس السوريه متاعا . ولبس جاكتا
وخذا موبايلا ومفتاتيح ودستان متاعا
ساره: خشت الحمام . وغسلت وجها .
هيثم: طلع للصاله . وخذا ورقه وقلم . وكتب في ورقه . وحطها ع طاوله
وطلع من الشقه وطبق باب ورأ
وكان طول الوقت وهو يسوق يفكر
ساره: طلعت من الحمام . وخشت للدار متاعها فتحت الروشن وضمت سريرها. وطلعت خشت دار هيثم . طبقتلا بطانيه متاعا وسقمت مخدتا .
وقعدت ترتب في دبشا الي سلحا . وطبق فيه له . شمت بنت عطرا ع فانيلا الي كان لبسها. قربتها منها وقعدت تشم فيها.
اذكرت ساره ان شي هذا مستحيل وان هي توهم في روحها . طبقت الفانيلا
وطلعت من دار . وخذت المصحف متاعها وطلعت للصاله بتقرأ قرآن . عند يأذن الظهر عشان اتصليه وتنزل مع الواحد ونص
لقت ورقه ع طاوله استغربت ساره . وقربت من ورقه ورفعتها
وقعدت تقرأ فيها
( ان شاء الله اتكوني كويسه اليوم . وكراعك تقعد تمام
لو حسا روحك تعبانه ماتنزليش اليوم واديري الفطور ، وانا حنجيب الفطور من برا .
ساره انا عمري مانلعب ع مشاعرك ولو حسيتي في يوم اني نلعب عليك انا اسف صدقيني معش عرفت كيف نصرف وحاس بأني مش مستقر ومتلخبط .
تقبلي اعتذاري ممكن )
ساره: تنهدت . وطبقت الرساله وحطتها ع طاوله
وفتحت المصحف . وقعدت تقرأ
~~~~~~~~~~~~~~~~~~~~~~~~~
يوسف: نزل لوطا . وخش ع أما
سالمه: بأبتسامه. هيييي جيتو
يوسف: جينا . وقرب ع اما وسلم عليها وحب ع يدها
سالمه: امتا جيتو والنبي
يوسف: مالنش كم ساعه خشين ساعه تسعه تقريباً
سالمه: والله عليك مفجأه. وعصومي جا معاكم ولا قعد
يوسف: لا جا حتي هو
سالمه: فرحت. والله تحكي من جدك
يوسف: والله
سالمه: وكيف الجايا هذي مش ع اساس بتقعدو شهر رمضان كلا غادي
يوسف: والله يا امي رحاب وحياه ملن وفي نفس الوقت الجو غادي كساد وقلق مش كيف هنا ماحسينش برمضان بكل
سالمه: ايوا صدقت ننقنا مافيه طعمه رمضان برا ليبيا
يوسف: ايوا هذا عليش روحنا
سالمه: لا ننقنا عليك مفجأه سمحا . وتوا عصومي راقد في داره قصدك
يوسف: امييد بس عدا المره هذي معاه مراتا
سالمه: ابتسمت. عارفا . باهي خليهم يرقدو ويتريحو اكييد تعبانين من سفر . وانت شن اخبار حياه
يوسف: كويسه ميه ميه سيبتها راقده ، والله طلعت من جنبها ماتندري عليا بكل
سالمه: اكييد تعب السفر والحمل مسكينه وااعر عليها
يوسف: اها
سالمه: باهي ياباتي بعد جيتو خليني نقولها للفتحيه ونديرولكم عشاء ونتعشو مع بعضنا ونعبو بيكم انتم وعيت معتصم
والله هل معتصم قعد عندا عيلا ونقولو عليه عيت معتصم
يوسف: ههههه كبر الفرخ
سالمه: ربي يسعدا ويهديه
يوسف: ان شاء الله . باهي قتلك يا امي . ماديريش فطور تمام
سالمه: هييي وعليش مانديرش
يوسف: هكي ماديريش اليوم انا الي عزمكم
سالمه: والله
يوسف: والله قوليها لعيت فيصل ومنذر ورني علي سيدي جمال وقوليلهم مايديروش
وتوا نمشي لجدي وجدتي حتي هما نقوللهم
سالمه: باهي بس هكي تكلف روحك بعد تبي تعزم العايله كلها انت ، وعلي شنو بتعزمنا
يوسف:لا مافيهش تكلفه . وخلينا اليوم نلتمو كلنا لنا فتره مالتمينش وتو نكلم احلام ومحمد
سالمه: باعي قولي شن الفطور
يوسف: شوايات
سالمه:تحكي من جدك
يوسف: اها . الجو سمح اليوم . وشوايات في رمضان فيهن جو وبالمره تريحي خيرلك من عصابين والجو الي اديرو فيه
سالمه: والله ياباتي ع راحتك بس يسدنا زعمك شوايات
يوسف: ان شاء الله حيسدن ماتخافيش . بس انتم ديرو سلاطات وما عليك في الباقي وبالغي الجماعه الي قتلك عليهم
سالمه:وباهي تمام
يوسف:باتي في عمل صاح
سالمه: اها باتك وسيدك لكن جدك تلقاه في حوش
يوسف: اها عارفا جدي في رمضان يقعد. خلاص معناها انا توا نعدي نمر ع جدي نسلم عليه وبعد نطلع نجيب الحاجات . وانتي كيف ماقتلك
سالمه:تمام
