الحلقه3️⃣
ساره: هيثم انا مش زعلانه . واحكي شن موضوع الي تبيني فيه
هيثم: نبيك تسمعيني كويس وماتستعجليش في وخذ قرارك . ونبيك ترايثي
ساره: استغربت . شن في ان شاء الله خير . شغلتني راك احكي
هيثم: تعرفيه عمك فتحي
ساره: بتكشيخا. نعرفا اها . كنا
هيثم: كلم ويبي الصلح
ساره: انصدمت. صلح شنو هذا
هيثم: يعني طالب منكم انكم اتسامحو
ساره: والله . مازال بدري
هيثم: عارف ومقدر موقفك . بس انا قتلك ماتستعجليش في قرارك
ساره: نقاش في موضوع هذا مستحيل . وجت بتصبي
هيثم: مسك يد ساره. وكرها عشان تقعمز
ساره: اطلق ياهيثم يدي . وفكني منا الموضوع
هيثم: قعمزي بس.
ساره: قعمزت . وتنهدت . وكانت اتبحت في يدها الا مسكها هيثم
هيثم:مضيقتك اني ماسك يدك
ساره: سكتت
هيثم: طلق يد ساره . نبيش نضايقك بشي انا . وطالب منك اتفكري قبل ماتعترضي ع طول
ساره: انفكر في شنو . هو ليش مافكرش قبل مايتبرا منا ويفوتنا هو وتانين
ليش اها مفكرش
تعرفي انت ليش طالب السماح لاني انا يومياً بعد نصلي نتحسبن عليهم . لان لو خلونا في شقتنا وخلونا معاهم راه انا ماصارش الا صار فيا هذا وراهي توا حياتي مش هكي
هيثم: بحت في ساره . وسكت
ساره: حست هيثم زعل. انا مش قصدي عليك .انا قصدي ع الي صار
هيثم: هز براسا. عارف وحتي لو عليا معاك الحق
ساره: انصدمت . وسكتت
هيثم: نحنا توا الي صار في ماضي عدا وراح خلاص
نحنا في الحاظر توا .
هو عرف غلطه وجاي بيعتذر وطالب السماح كويس يعني حس بأن داير شي غلط
وربك يسامح مش نحنا الي عباد
وبعدين انتي انسانه اتصلي ومؤمنه وعارفا ان
و من عفا واصلح فأجره علي الله
ويقعد انتي لكي اجر كبير بعد تعفي وتسامحي
وفوق من هذا كلا تعطيه كف سمح انك سمحتيه . تحسسيه وقتها بأن اصغير . وماتنسيش ان صيلة رحمك
ساره: ساكتا
هيثم: انا مانبيش نضغط عليك والي يريحك ديريه .انا قلتلك وجهة نظري. وقرار يرجعلك في الاخير
ساره: ان شاء الله . انفكر وتو نشوف
هيثم: تمام معناها
ساره:بس هو كيف عرفك وكيف كلمك . قصدك الي امبدري كاين هو
هيثم: طبس راسا لوطا . لا مش هو الي امبدري
ساره: صبت . تمام مش لازم نعرف
وجت بتعدي تخش الدار
هيثم: ساره . كنك
ساره: التفتت مكني شي بس تعبانه بنأخذ غفوه عند ساعه 11
هيثم: باهي كيف قتيلي مش لازم تعرفي .قصدك ع شنو
ساره: رفعت حاجبها .وبحتت في عيون هيثم ،قصدي ع عمي
هيثم:بحت في رفعت حاجب ساره. اها
ساره: بنظره حاده في هيثم . شن تحسبا قصدي انت
هيثم: يحك في رقبتا من لورا . لاشي بس حسيتك رقالك. فجأه مره وحده نحسبا روحي ضيقتك في حاجه
ساره : تنهدت . وهيا تصبي. باهي انا بنعدي نرقد والموضوع تو نفكر فيه
وعدت ساره وماعدلتش ع هيثم
هيثم: قعد في مكانا. واستغرب في معاملت ساره له . بعدم مبالاه . وشي هذا الي خلاه حاير ومش عارف هي ليش اتعامل فيه هكي
بسبب ان سمعتا يحكي مع إكرام او لا
صبا هيثم ومسح بيدا ع وجها. وطلع من الشقه
ونزل لوطا
جمال: مقعمز في مربوعا ويهدرز مع الرجالا
هيثم: جمال تراه نبيك برا اشويه
جمال: ناض . ومشا شور هيثم . كنك
هيثم: نبيك في موضوع .تعال معايا
جمال: خير ان شاء الله . وارتبك وماعرفش هيثم في شن يبي فيه
هيثم: قتلك عصام حكا امعايا من كم يوم وقالي يبي يدير حاجه رسميه الفتره هذي
جمال: انا من قبل قلت عند ماتكمل البنت ثانويه متاعها . هيا خلاص امتحاناتها نهائيه . بعد رمضان
هيثم: وخلاص شن فرقت يعني . ليش معترض انت
جمال: البنت تو تشتت وتقعد تفكر وتفوت لقرايا ياهيثم
هيثم: غير انت ماتكبرش الموضوع . تفوت لقرايا عليش . هيا كان صارت حاجه توا يكمل رمضان وماعندها شي اتفكر فيه تلها في قرايتها
الايام هذينا نحنا انديرو الدفع
جمال: سكت . وتنهد
هيثم: ماتفكرش وااجد . وماتمطلش الموضوع . راجل له فتره يرجا
جمال: باهي نشوف هلي ونسألهم وناخذ رايهم وراي البنت وباتي وبعدها ساهل
هيثم: راي شنو هما موافقين . والموعد هذا انت اتحددا وبجوك . غير وافق
جمال: كلا انت سكان بدعه . باهي ياراجل توكل ع الله . امتا يبي يجي هو
هيثم: ابتسم. يوم 27 رمضان تمام
جمال: باهي راه انا مسافر
هيثم: عليش كنك
جمال: عندي شغل برا ليبيا . يعني حال الغايه قبل العيد بيومين
هيثم: معناها نقولا يوم 26 الدفع و27 التلبيس ولا مش عارف شنو هذا الي يديرن فيه صبايا
جمال: ايوا تمام بكل معناها
هيثم: خلاص يعني انثبت معاه الراجل
جمال: ان شاء الله توكل وثبت
هيثم: تمام معناها
جمال: وانا اليوم تو نقولها لهما
هيثم: تمام معناها
