{ الحب الاعمي }
الجزء الثاني
باقي الحلقه 9️⃣
فاطمه: وخلاص ياحنه قالتلي و وصلتها في رجالها واحساسها في حلم بدفأ وامان معاه
هي راحتها وسعدتها معاه في حياتها زوجيه
انا: ابتسمت. سبحان الله يافاطمه عليك تفسير ننقنها شاطرا بكل صبيتك
فاطمه: اها مش قتلك . وياحنه هي من يومها فسرتها ليا وبيني وبينك انا خفت وقعدت مشغوله مع ان الحلمه نهايتها ريحتني بس قلت يستر الله ولما ازوجتي كنت ديما خايفه عليك بس بعدها قلت بالك الحلمه ماتحققش يعني
لان ماصارش شي من جيزتك لكن توا بعد صارت المشكله هذي عرفت ان لفعه الكبيره هيا الحقيره هذك وهي الي مصبيا بينك وبين يوسف
انا: اتصدقي يافاطمه انك تو بعد قتيلي تفسير الحلمه . من بدايه للنهايه انا فعلاً صارلي بكل حذفيرها
انا في بداية زواجي عانيت مع يوسف وااجد ورفضني بس مابيتش نقولها لكم وكتمتها وخليتها سر
فاطمه: فنصت عيونها. احلفي
انا: والله . بس الحمد الله بعدها حبينا بعضنا بس ديما مشكلنا كانن بسبب اميره عند اخر وحده المشكله هذي
فاطمه: ان شاء الله هي اخر مشكله تقعد لان في حلم قطع راسها . يعني حتنقطع عليكم بأذن الله ومعش تجي شوركم بكل وحتجيها من يوسف
انا: تنهدت والله ان شاء الله ربي يبعد علينا شرها
وخلاص ماعندي مانقول
فاطمه: باهي ماتبيش اتسامحيه حرام عليك .
انا: فطوما الله يربحك ماتغصبينيش خليني براحتي
فاطمه: خلاص بعد بكره العيد . وعيب تخليه يعيد بروحا سامحيه وشعفيه بعدين بطريقتك لما تقعدي امعاه بس هكي مش حل
لكن سمحيه وروحي معاه بس شعفيه بطريقه اخره اتخليه معش يفكر يدير اي شي
انا: يصير خير . خلاص توا اطلعي وخليني نكمل باقي الكتابه متاعي
فاطمه: باهي تو نطلع بس فكري في موضوع
انا: ان شاء الله
فاطمه: صبت وطلعت من دار وسيبتني نفكر بروحي ونكتب في باقي القصه
وبعد تلت ساعه خشت عليا هدي
انا: يااي عليا ماهنيتني بكل . كل مره وحده خشا عليا
هدي: لاياحنه انا مانبي وجهك . بس في حد اخره يبيك
انا: من يعني
هدي: يوسف برا
انا: اووف . شن قلتيلي
هدي: عدي حرام عليك والله وجه باين عليه تعبان بكل والله وجعني
انا: بحتت في هدي . ونفجعت ع يوسف. كذابه
هدي: والله . عدي شوفيه كنا واحكي معاه دبينا باتي ولعيال مش قاعدين
انا: مشكله هو يجي يزن يقعد بيردني
هدي: تنهدت. باهي شوفيه وخلاص انتي بتخليه مصبي هكي
انا: باهي تمام ، تو نطلع سكنتي خلاص
هدي: خلاص علي ماطلعتيلا انديرلا قهوه
انا: باهي وحطيلا من لقمة القاضي يحبها
هدي: ياعيني . مش كنتي توا داير روحك مش طيقتيه شن الحنان الي نزل عليك فجأه
انا: عدي خلاص بلاش حناطه
هدي: تو نمشي ياحنه
وطلعت هدي ومشيت صبيت عند المرايا لقيت وجهي
منصفر وباهت خذيت متاع مكياج ودرت اشوية مكياج عشان نبان كويسه
ويخيت عطر وطلعت خشيت للمربوعا
ولقيت يوسف مقعمز ومطبس راس لوطا
