شاب: حط يدا ع فما لقاه دم . ياولد....
وحط يدا لورا ع خصرا طلع موس بخوصا
وقدم ع هيثم . بسرعه
ونغزا في جنبا اليمين بالقوووه عند خش جوا
هيثم : حسا بخشت الموس في جنبا ، اااااه
حط يدا ع جنبا ونزل ع ركبيه
وهو ينزف ، وقعد يشوف في دنيا حواليه
ادور ، طحا ع جنبا اليسار واغما عليه
التمو شباب ع هيثم وخذوه وركبوه في سيارتا
وسعفوه بيها للمستشفي
طلعو هلي امي وهدي وهاجر وفاطمه
وكاين معاهم موسي ومراتا أمل وعيسي
ومراتا
هدرزو معايا اشويه وطلعو
انا: أوفتي تراه ساعدني بنخش الحمام
يوسف: يانا عليا هيا
انا: بلا قلة ادب ، وكلملي ممرضه هي الي تساعدني
يوسف: تي وراس امي ماتصير انا نقعد قاعد ويجي حد اخره يساعدك ، ماتنكتب عليا بكل
انا: باهي هيا بس ماتقعدش سامط وتسمط
يوسف: خلاص والله حنقعد مؤدب
انا: باهي طلعلي من ساكو الي جبتا ليا امبدري ، التوتا متاعي ، بنلبسها
يوسف: انتي بدوشي
انا: اها خلاص انحس في روحي مضايقه بكل
يوسف: باهي هيا، وقدم يوسف عليا ومسكني من يدي
وصباني من سرير
وخششني للحمام
وخش معايا فتحلي الدوش وقعد يسخنلي في اميا
وساعدني ع تغير دبشي
انا: اوفتي جيبلي المنشف
يوسف: هيا لحظه
وطلع يوسف للساكو متاعي وجابلي منشف وطلعلي التوتا ورديا متاعي وجابلي لوشن وخش للحمام عطاهن ليا
مسحت بالمنشف ودرت من لوشن متاعي ، ولبست التوتا
يوسف: الله وخلاص رايفت ع ريحه هذي انا
انا: بلا منبشا راه يخش حد
يوسف: باهي بوسه وحده . وقدم يوسف عليا وطبس حبني ع رقبتي
ااااه وخلاص ، هيا نطلعو
انا: اها هيا
خذاني يوسف من يدي وطلعني من الحمام
يوسف: اصبري صبي هنا
انا: باستغراب . كنك
يوسف: نلتقطلك صوره وانتي هكي ،
انا: مجنون انت .
يوسف: اكييد مجنون بيك
انا: صبيت في مكاني . وابتسمت
وطلع يوسف موبايلا ، وقعد يصور فيا
انا: خلاص تعبت
يوسف: هيا تعالي . خذاني يوسف وحطني ع سرير
وجابلي الايشارب متاعي وحطا ع راسي
وكر الكرسي متاعا وقعمز جنبي قعدت نحكي انا وياه
رن موبايلا
انا: كنك
يوسف: مش عارف رقم غريب
انا: رد باهي
يوسف: حط موبايل ع وذنا ، الو
الشاب: السلام عليكم ، يوسف الفلاني
يوسف: اها تفضل
الشاب: معليش ياخويا. صاحب الموبايل هيثم فلاني
يوسف: وجه تغير . وصبا من جنبي وطلع قدام الدار
اها خير كنا
شاب: هو في مستشفي ونحنا تو كيف سعفناه
يوسف: بصدمه وهو يفنص عيونا ، كنا حادث ولاشنو
وفي اين مستشفي
شاب: لا تعارك هو واحد ، وماعرفنش نوصلو لحد من هلا
لكن هو موبايل ايفون لما جيت بنفتح مكالمات الطورائ
كاين كاتب اسما ومواليده
ومن ضمن البيانات اسمك ورقمك ،
يوسف: تم قولي في اين مستشفي وانا جاي
شاب: مستشفي ...
يوسف: انا فيها ، انتم في قسم الطوارئ
شاب: ايوا
يوسف: اني نزل توا
سكر يوسف من شاب ، وحط موبايل في جيبا وحاول ان يكون عادي قدامي ومايفجعنيش ويبن كل شي طبيعي
خش عليا وهو يحاول يبتسم
حيو حبيبي
انا: كنت مطبسا راسي ع موبايلي الجديد الي شراه يوسف ليا ، وفاتحا النت ونكسد عليه ، رفعت راسي وبحتت فيه ، نعم
يوسف: قتلك انا جيني صاحبي تحت بننزل نشوفا وانجي تمام
انا: باهي عدي ياروحي
يوسف: خلاص انتي تحتاجي شي رني عليا ان شاء الله مانطولش
انا: باهي
يوسف: طلع بسرعه من جنبي وسكر باب الدار عليا
ومشا للأصانصير
ونزل بسرعه منا مشا شور غرفة الطوارئ
وقعد يدور ع هيثم
عند لقاه مغما عليه وينزف والدكاتره ملتمين عليه
ويشوفو فيه
