{ الحب الاعمي }
الجزء الثاني
باقي الحلقه 1️⃣1️⃣
ثاني يوم وبعد العصر
مشيت انا ويوسف لساره عشان ناخذوها معانا وتزور جدي في مستشفي
الي تعب عليهم في ليل مره اخره وضغطا ارتفاع من جديد
واظطرو دكاتره يخلوه عند لعشاء لعند مايستقر ضغطا
تكينا ع ساره وخذينها ومشينا للمستفي وركبنا لغرفة جدي علي
خشينا وسلمت عليه وحمدتلا ع سلامتا
ساره: طبست سلمت وحبت يدا جدي علي . وحمدتلا ع سلامته
وقعمزت جنبا
علي: شن حالك وشن حال امك
ساره: الحمد الله اتسلم عليك واجد وتحمدلك ع سلامتك
علي: الله يسلمك .
ساره: باهي معقوله هكي تشغلنا عليك . كنك مادرتش بالك ع صحتك
علي: خلاص يابنتي كبرنا وتمت الصحه بالهون
ساره: لا كيف مازالت شاب مشاء الله عليك
علي:ضحك لا والله راحت علينا خلاص
ساره: والله فجعتني عليك ولما سمعتها جيتك ع طول
ردي بالك من روحك وخوذ ادويتك في وقتهن ياجدي
علي: والله يابنيتي محافظ ع ادويه بس بعد بتصيرلك حاجه مهما كنت محافظ الي كتبها ربي هي الي اتصير وبعدين كان تبي كلام الحق
ان طلعتك وجعتني وقلبي مش راضي ع هيثم وزيزتا عليك
ساره: ليش ياجدي مش انا قتلك موافقه عليش انت بس اتفكر عند خليت روحك تتعب
علي: مش بيدي لكن الي مانرضهش في بناتي مانرضها لبنات الناس وانتي كيف وحده من بناتي بزبط
ساره: بس مني انا الشي هذا وهيثم مازوجش الا لما انا وفقت ان يزوج
علي: تنهد. ياساره راني مش صغير ونفهم فيها ع طاير واضح انك مش موافقه
ساره: زمطت ريقها. وابتسمت . باهي بعد درتها انا صاح تعاركت مع هيثم في شي بس مش عشان زواج وزعلت منا ومشيت حوش ماما
لكن والله العظيم عشان بس نثبتلك اني موافقه حتي عرسا اتفقت انا وحياه ويوسف اني حنمشي معاهم
طرابلس ونحظرا
انا ويوسف: بحتنا منصدمين في ساره . ومن الي قالتا
ساره: بحتت فينا وهي مبتسمه وبنظره في عيونها . متاع ماتكذبونيش
علي: بحت في ساره مستغرب. تحكي من جدك انتي
ساره: اسألهم
علي: بحت فينا . انا ويوسف
يوسف: حك رقبتا . بتوتر وهو يهرب بعيونا. من جده . اها ياحاج صاح امس كلمتنا واتفقت معانا انها حتمشي معانا بعد بكره ان شاء الله
انا: بحتت في يوسف ع كذب متاعا . وسكتت
علي. التفت ع ساره . يعني انتي ماشيا بتحضري صاح العرس
ساره: اها وانا قتلك اني تعاركت مع هيثم بس توا خلاص ترضينا وكلمتا وهو عارف اني حنجي
وامورنا الحمد الله ، وحتي دزلي هدية العيد متاعي مع يوسف
علي: ابتسم . والله يابنتي نشهد بالله انك فرحتي قلبي بكلامك هذا . قبل حازا في نفسي اني ظلمتك وجبتك للحوش وفي الاخير يصيرلك هكي بسببي
لمت روحي واجد وزعلت حتي من هيثم
ساره: لا ياجدي ماتلومش روحك وانت الي عليك درتا
وانا وهيثم ترضينا توا والحمد الله
نبي منك حاجه وحده بس انك تطلع من مستشفي هذي كويس وطيب وترد زي قبل هذا الي نبيه
علي: ان شاء الله . بعد الي سمعتا تو نطلع شاب في العشرين
ساره: هههه
انا ويوسف: هههه
علي: ابتسم. وتنهد براحه .
ساره: مبتسمه . وقلبها من جوا بيتقطع والعبره خنقتها
يوسف: باهي ياجدي . نحنا توا انسيبوك اتريح
لان موعد الزياره قريب ينتهي وان شاء الله انشوف فيصل شن يقوللنا وامتا تطلع ونجيك
نوصل ساره وحياه ونرد عليك
علي: باهي . وبحت في ساره . بارك الله فيك ع جيتك وسلميلي ع امك وعمك
ساره: صبت . حاظر ورد بالك انت ع روحك وكيف ماوصيتك ع صحتك
علي: ابتسم ان شاء الله
ساره: مسكت يد علي وحبت عليها .
وطلعت من دار
وطلعت انا ويوسف ورها بعد ماودعنا جدي علي
ركبنا في سياره
وكنا طول الطريق ساكتين
وماحد عرف يفتح الموضوع ولا كيف نحكو فيه
