| أمانة حيدر | ' باللهجة العراقية '

الفصل الخامس عشر

#أمانة حيدر
#بقلم:الراويه
#الفصل"١٥"

بسم الله ❤🌹

.

سلام..

مرت يومين، واني ما بين تفكيري ب يُسر و اخوها و شلون اخطط حتى اروح ل ياسر لأن والله الا اخليه يتندم على سوايته

تأففت و اني اخلي ايديه جو راسي و اني اتذكر شلون نزلت الصبح على امي و گلتلتها ها هي ارتاحي كلش مر بسلام
رغم حسيتها ما صدگت بس ضحكتلها وگلتلها باركي لأبنچ و حسيتها اقتنعت

دحگت للباب الي انفتح و فات عثمان
الي گعد بسدي، دحگتلو و هو يگول

- اگول

- ها

- شبيك انته ؟ شو صاير تصفن هواي

تنهدت و گلت

- اكو سالفه براسي گاعد افكر بيها

- اكيد يُسر ؟

هزيت راسي بلا و هو ابتسم و گال

- اول مره بالتاريخ

دحگتلو بطرف عيني و هو سكت، تعدلت بگعدتي و قررت احچيلو عن موضوع جمال

- عثمان اگلك سالفه بس خليها بينا

- گول

- جمال كسروا رجلو و ضربو بخاصرتو

ظل ساكت لحظات گبل لا يستوعب الي حچيتو و هو گال بهلع

- لا بربك ؟ منو و شلون ؟ هو مو بالسجن شلون ينضرب

جريت حسرة و گلت

- بالسجن ناس ضربوا بشفرة بخاصرتو بس الحمدلله سطحيه و قدم رجلو كسروها

- زين منو عنده غايه يسوي هيچ

- اخو الي دعمو و مات

عگدت عثمان حاجبو و لحظاته مرت و رجع گال

- يُسر تدري ؟

- من اخذتها و رحنا شافت كسر رجلو و قنعها انو وگع، و من رحت الخميس حچالي

- مگرود هالجمال

ظل عثمان ساكت شويه و گال

- زين شنو راح يسوي ؟

- اني الي راح اسوي

شفت نظرات الاستغراب بعيونو رجعت ظهري ليورا و اني اسند ظهري على الحايط و گلت

- شويه افركلو اذنو ل ياسر

رفع عثمان حواجبو اثنينهن و اني اردفت بضحكه

- شبيك استغربت اروحلو و افتهم منو الي صار

- سلام لا تتدخل انته بهاي السالفه

- يمعوده شنو ما ادخل ! ترا الي انضرب رفيجي

زفر عثمان و دحگلي و گال