| أمانة حيدر | ' باللهجة العراقية '

الفصل السابع و العشرون

#أمانة حيدر
#بقلم:الراويه
#الفصل"٢٧"

بسم الله🌹

.

جمال..

ما ان نطق سلام كلامه حتى اصفر وجهه ابو ياسر، حسيته راح ينفجر لأن ملامحه بينت عليها الانزعاج، باوعت ل بنته الي منزله راسها و ساكته..ما نطقت بكلمة او حرف تسمع و بس

جلى سلام حنجرته و كمل

- فـ اني جداً اعتذر، اعرف موضوع صعب بس هاي الحقيقه

گلت هسا ابو ياسر يگوم يضرب سلام على حچايته ايده يضغط عليها بقوة و احس بصوت قدمه تهتز من تحت الطاوله

ورا ثواني من الصمت قطعة ابو ياسر بقوله البارد

- ماكو داعي للاعتذار، اني صراحه فرحت بطلبك بس..
بس عرفت اكو شي صار خلاك تقطع كلامك، و من حچيتلي عن وضع اخوك و الله من كل قلبي زعلت عليه

باوعت لـ سلام الي گال

- شكراً لـ تفهمك عمي
اتمنى ما اكون سببت زعل او انزعاج الك و لبنت حظرتك

- لا استاذ سلام ما صار شي، كلشي قسمه و نصيب

باوعت ل بنته الي حچته و گامت من مكانها و التفتت لابوها و كملت بسمه خفيفه

- اني استأذن منكم، تگدرون تكملون كلامكم
عندي شغل مهم

سلمت و مشت و عيون ابو ياسر تتبعها، باوعلنا و ابتسم بمجاملة
و الله الله يعينك سلام الله لا يحط واحد بمكانك

باوعت لابو ياسر من گال

- سلام اني لو ما شفتك انسان خلوق و ينشد بي الظهر
و خصوصاً من وگفت وي صديقك و تعاركت وي ياسر علموده، ما چان طلبت هيچ
و اني كلش اسف لأن ما چنت اعرف انك متزوج و عندك طفل، انته الي تعذرني

باوعت ل سلام و كلمة تعاركت وي ياسر ترن هو التفت عليه و ابتسم ابتسامة چبيره
و هاي البسمه اعرفها يعني هو ظام شي لو ضايج

هزيت راسي ب اي و اني اتوعد بي اعرف شنو صار
سلام ورا لحظات جاوب

- هذا من اصلك عمي شكراً الك

گام ابو ياسر و دفع الكرسي و احنا گمنا وياه
سلم علينا و گال

- اني استأذن منكم ، المطعم مطعكم و كلشي على احسابي

- شكراً بس احنا همين مستعجلين عدنا شغل

باوعت ل سلام و گلت بگلبي دخلينا نتغدا شنو خسران؟؟

مشى ابو ياسر و باوعت ل سلام الي شال محفظته و گال

- يلا جمال انحلت القصه

- خلينا نتغدا !!

- ما اريد اظل دقيقه هين امشي

مشيت وياه و من صعدنا بالسيارة گلتلو و اني أستند على ايدي