| أمانة حيدر | ' باللهجة العراقية '

الفصل الرابع عشر

#أمانة حيدر
#بقلم:الراويه
#الفصل"١٤"

بسم الله 🖤💜

.

سلام..

دحگت لأمي و رجعت دحگت ل يُسر الي وجهها اصفر
بلعت ريگي و گلت بضحكه

- يمه بعد وكت ما صارلنا ٣ اشهر

دحگتلي و زفرت و گالت

- اي صح بعد وكت

دحگت ل يُسر و گالت

- لو ما تريدين تخلفين حتى ادللين ابنچ زين

- عمه مو هيچ

- عجل شلون

- يمه احنا ما نريد گتلچ بعد وكت

حچيتها و عرفتها ما صدگت و هي عگدت حاجبها و دحگت ل يُسر

- صحيح ؟

- اي عمه

- و عمه الدبب ان شاء الله، بكل عين صلفة گاعدين و تصفطون چذب عليه

صاحت بينا و وگفت على حيالها و گالت بعصبيه چنت اشوفها چثير بصغري

- و انته يا ابو طولاً حلو، ما تستحي تچذب عليه و شواربك ماليه وجهك

- يمه اهدي شبيچ، بشنو چذبنا عليچ

- اي اي سوي نفسك الغشيم

- يمه والله ما افتهم بشنو چذبنا ؟؟

تقدمت عليه و اني دحگت ل يُسر الساكته هسا ما تفتحين حلگچ لو بس يمي يطلع لسانچ؟
ما حسيت الا بگرصه من زندي عطت من وراها دحگت لامي و صحت

- اييي شبيچ يمه شجاچ ؟

لوت ايدها و ضربتني على راسي من ورا
حسيت يُسر راح تگوم ترگص بچفيه

- كلشي ما جاني بس طگت حوصلتي منك و من سوالفك الطايح حظها

- يمه على بختچ شمسوي ؟ جايچ اطوطح لو يوميه متكاون وي احد

جرت قميصي و گالت و هي مرة ادحگ عليه و مره على يُسر الي الحمدلله و الشكر تحركت من مكانها عاد بلچي تحچي و ادافعلي

- اسمع ولك ترا اعرف سالفتك

- يمه يا سالفه رحمه لابوچ عبد القادر

خزرتني و گالت بعصبيه و الي خلتني اني و يُسر واحد يدحگ للاخر ثواني

- ادري ما صاير بينكم شي انته و هاي وجه البومه

تعلثمت و اني اريد احچي، هاي منين تعرف ؟
دحگت ل يُسر الي وضعها مثلي و يمكن اسوء
ما لحگت ابرر لو احچي شي، و هي توخرني عنها و تصيح بعصبيه گلت هسا راح ننفضح على التمام

- و اياكم تنكرون لو تچذبون قسماً بالله افضحكم فضيحه الله، اريد اعرف جهال انتوا خوما جهال ؟
صار شهرين و اني اگول بلچي تنزل بيوم هاي المگموعه و تگول عمه اني حامل
بس وين و هذا الصخل ما جايسچ