| أمانة حيدر | ' باللهجة العراقية '

الفصل السادس عشر

#أمانة حيدر
#بقلم:الراويه
#الفصل"١٦"

بسم الله الرحمن الرحيم ❤🌹

.

يُسر..

على العشا كلنا گاعدين و نتعشى، اباوع ل سلام ياكل و لا كانو كاسر خشم شخص بگد ابوه

التفتت ل عثمان الي گال

- ترا جابوه للبيت، تحظر باچر يسوون گعده

- و اني شعليه

- شنو شعليك غير انته الي كسرت خشمو للرجال

- للشايب

- استغغر الله

- و الحمدلله و لا اله الا الله و الله اكبر

حچاها سلام و هو يلتفت عليه و رجع گال

- صبيلي لبن

صبيتله و انطيته الگلاص بدون ما اباوعله

- سلام

تنهد و التفت ل عثمان الي گال

- على كيفك بنفسك

- شبيه ؟

- شويه اهدأ ؟ شرايين رگبتك راح اطگ من العصبيه

- يا عصبيه ما تشوفني هادئ

- ايي لأن طلعتها بهاي المگروده

حچاها عثمان و هو يأشر عليه اني نزلت راسي و سكتت، هو صح ما عصب عليه بس كلامه الاخير لحد هسا يرن بأذني

- و على گولتك المگروده عليش تطلع برا
تا يتحارش بيها الزلمه

رفعت راسي ل عمتي و اني مستغربه، يعني شنو لازم انحبس بالبيت و الله حتى شنو محد يتحارش بيه ؟ شهل التفكير

التفتت ل سلام الي خلى الگلاص على المفرش و باوع لأمه و گال بصوت بارد

- يعني يمه على كلامچ هذا
لازم النسوان ينحبسن بالبيت و ما يطلعن للشارع، والله شنو حتى ضعفاء النفس ما يتحارشون بيهن
و يا يمه بدل لا نلوم البنيه لان تطلع و نخلي الحق كلو عليها
نلوم الي ما متربين و تدني نفسهم و يتحارشون ببنات الناس

بقيت اباوعله و اني ارمش بعيوني على تفكيره
والله صح ليش نلوم البنيه و ما نلوم الرجال
عمتي ما عجبها الكلام شكلها و هي ترجع تگول

- يمه الرجال الا يشوف شي حتى يتحرش

باوعت لعمتي بصدمه هاي بس لا تقصدني ؟
بس هي بررت لمن باوعتلي و گالت

- اني ما اقصدچ بنيتي ترا

- يمه يعني تقصدين البنيه هي تخلي يتحرش بيها ؟

سألها عثمان و هي گالت

- اذا الزلمه شاف بنيه لابسه مشگطم لو ضيگ اكيد يتحرش بيها

- يمه اعذريني بس هذا مو مبرر ! التحرش مالو شغل بلبس المراة لو صوتها
عندچ شباب حتلو لابسه گونيه يتحارشون بيها
ف لا نظل نلوم المراة و انزه نفسنا، ترا احنا بشر و خطائين و ذنبنا بالتحرش اذا چانت لابسه لابس مو محترم و تحرشنا بيها اكبر من ذنبها