| أمانة حيدر | ' باللهجة العراقية '

الفصل السابع عشر

#امانة حيدر
#بقلم:الروايه
#الفصل"١٧"

بسم الله 🌹❤

.

يُسر..

من خليت ايدي على رقبته حسيت بالنبض، تنهدت براحه على الاقل بي روح
و بصوت يرجف حچيت و دمعتي ما قبلت تبطل

- سلام..

- سلام عفيه اگعد لا تمووت

ما جاوبني و لا فتح عينه رعب و خوف تملكني بهذيچ اللحظه و شعور انو يموت هنا ترعبني اكثر

- سلام عفيه لخاطر امك لا تموت تريدك

بچيت و صوتي على و اني اخلى راسه بحظني ملامحه مغطي دم باوعت لقميصه الابيض الي چان لابسه بقعة دم على خاصرته تخبلت و اني اصيح برعب

- عزززا، يا رب ساعدني يا ربي لا تموته

احس الدنيا ضاقت عليه حتى نفسي احسه ضاق، ما اتحمل اشوف هذا المنظر شفت حيدر من جابوه بدمه ما اريد اشوف سلام هماتين
ما اريده يموت و اني هنا و هو بحظني

- سلام تسمعني الله يخليك لا تموت
والله گلبي بعده ملچوم

مسحت على وجهه بيدي و دمه كله غطى كفي وخرت شعره عن عيونه الي جواهن لون ازرگ

- اگعد لا تموت عفيه بس فتح عيونك، والله بعد ما ازعجك و لا اضوجك بس لا تروح عفيه سلام اگعد

اجهشت بالبچي ربي دخيلك ساعدني محد يسمع صوت بكائي و نحيبي ؟ محد سمع صوت ضربهم و لا دخولهم للشقه؟
بهذيچ اللحظه يأست و گلت ها هي سلام راح
سندت جبيني على گصته المغطي بالدم و اني ابچي و دموعي تنزل على وجهه

- لا تموت عفيه ولك حيدر يشتم ريحة ابوه بيك
لا تعوفه انتي هماتين، اذا مو لخاطري لخاطره هو

بللت شفتي و اني امد ايدي على خاصرته اريد اشوف جرحه باوعت و ماگدرت اشوف شي بسبب الدم باوعت ايدي كلها دم رجعت ابچي و اني اوگف يم الباب اصيح بلكتن احد يطلع و يشوفنا بلكتن نلحگ عليه قبل لا نخسره

- عفيه احد يجي الرجال راح يموت

رجعت لمكاني و خليت راسه بحظني و مسحت على وجهه احس بالبرد يمشي على وجهه لا يربي لا تفجعنا و تلچم قلوبنا مرة الخ

- اروحلك فدوه اگعد سلام، لا تروح عفيه
فكر بأمك فكر باهلك، فكر بالي تحبها لا تروح و تعوفها عفيه سلام

- يا الله يا رب سترك

رفعت راسي ناحية الباب شفت رجال يطلع عمره بالتلاثين و شعره بي شيب حمدت الله انو احد گدر يسمع صوتي فات و گال

- خيه شبيه

- ضربوه الي ميخافون الله

دنگ و حسيته متوتره و اني ابچي حچيت