رواية #جميلة_في_عالم_الذئاب الكاتبه الهميل الشارد هميلو
الحلقه / الاولى ،،
بنبدا هالمرة نحكيلكن احداث واقعيه لشخصية ليبيه مكاااافحة بكل ما تحمل الكلمة من معني ,, وخلني نبدا من بداية ولادتها علي وجه الدنيا ,,
عشان كل شي يكون واضح للكل ,
واكيد بنغير الاسماء والاماكن اللي صارن فيها احداث روايتنا ,,
🌾🌾🌾🌾🌾🌾🌾🌾🌾🌾🌾
في بلاد بعيييده عن بلادنا وفي مدينة معروفة بصقعها و مغطيها الثلج كان الدكتور هيثم يساعد في زوجته عشان بيسعفها للمستشفى لانها بتولد اول طفل ليه وليها ,
وفعلا بعد ركبت في السيارة طووول اتجه بيها للمستشفى اللي يشتغل فيها واول ماوصلو استلموها منه الممرضات ودخلوها لقسم الولاده ورغم خوفه علي زوجته ويدعي ربي انه يسهل ولادتها الا فرحته بولاده اول طفل ليه كانت مش عاديه ,
ومر ربع ساعة من صراااخ زوجته اللي تتالم في حالتها وبعدها سمع صوت بيبي يعيط فرح هيثم وحمد ربي عالنعمة واشوية وطلعت الممرضه اطمن فيه ان زوجته ولدت بنوتة تجنن وحالة البيبي والام كويسه ,
وطبعا عند الاجانب يقدر الاب يخش لزوجته سوا وهي توزد او بعد الولاده عكس عندنا. بس هيثم من حنيته وحبه لزوجته ماقدرش يخش معاها ,
المهم
خش لمراته بعد حطوها في غرفتها واول ماشافها هيثم باسها علي جبينها وحمدلها علي سلامتها وشوية وانفتح الباب وخشت الممرضة جايبه البيبي بين يديها عشان يشوفوها وترضعها امها ,
هيثم اول ماشاف بنته دموعه نزلو طووول وباركتلهم الممرضه وطلعت ,, كان شايل بنته بين ايديه وفي حضنه وهو يتأمل فيها بنوتة صغيييرة بشرتها حمره ومغمضة اعيونها راقده وهي ملفوفه في بطانيتها الصغيره ابتسم هيثم وباسها برقه علي جبينها وهو خايف يزعجها اتنوض وقرب مدها لزوجته اللي استقبلتها بحب وفرح نساها الم الولاده بيها وبدت اترضع فيها ,
طبعا دايخات لتوا ومازال مافهمتن شنو القصه 😂 نبدا انعرفكن عالشخصيات اول باول.
هيثم دكتور بشري تخصص جراحه عظام وحيد والديه طبعا امه ماتت وهو صغير وعاش مع بوه ومرت بوه لعند كبر خش جامعه وباته خلاه يخش داخلي ,
مايغباكن عاد اللي في الحوش مرت بوه يعني الباقي واضح , واول ماتخرج جاته فرصة عمل برا البلاد بحكم تفوقه رغم عدة عروض له في بلاده وبلادات اخرا ,,
وقرر يسافر لروسيا وقعد يشتغل فيها راجل مواصفاته حنطي البشرة اعيونه سود وشعره ناعم واسود طويل لكتافه وطوله طويل وشخصيته حلوة رغم نحافة جسمة بس حلو ,, اول مااستقر في روسيا جاه خبر وفاة باته جا يومين حضر دفن باته ولانه مش مرغوب بيه من خوته من باته ومرت باته وخوفهم يطالب بشي من ورث بوه سافر وقرر معش يفكر في الرجوع لليبيا بكل وطبعا بعد سنتين من عيشته في روسيا تعرف علي( انجيلا ) وكانت بنت روسيه الاب من ام امريكيه ولاعجابها بهيثم وحبها ليه اسلمت وتجوزاته وغيرت اسمها من الاجنبي ل(رقيه) وكانت ثمرة حبهم البنوتة اللي فرحو بجيتها ,,
