رواية #جميلة_في_عالم_الذئاب للكاتبه الهميل الشارد هميلو
الحلقة / 18
_____________,قراءة ممتعه ،____________
وصلنا لعبدو وروعه وقعد يوكل فيها وهي علي قابيتها جيعانه مقهورة منه معش فهمت مع من اتعتنل هو من شنو اصلا لتوا غامض معاها ،
ورن جرس الباب و .....
___________________
وعند فراس تلاقا مع رفيقه مراد ومشو للجيم وصارت بينهم هدرزة ومراد كان يبي يعرف كنه متغير رغم انه شاك في رفيقه واول ما نهو تمارينهم ،
مراد يمسح في وجه بمنشفه وجا قمعز وفراس يربط في خيزط سبيدروه ،،
مراد : ممكن تفكنا من العناد وتسكيرت الدماغ وتحكيلي كنك ؟
فراس : كني ؟ مافيا شي ،
مراد : لو مش حاسبني رفيقك ماتحكيش ي فراس انت حر ،
فراس تنهد وشاف لمراد وقاله : متضايق ي را ياريت تقدر اني مانقدرش نحكي ،، بعد نجمع افكاري ونلقا روحي مستعد نحكي نوعدك انت اول واحد نحكيلا ،
مراد بضحة : وعد ؟
فراس : وعد ،،
مراد : خلاص تم ،، توا هيا نمشو لمطعم وتعزمني علي وجبة معتبرة هكي ومعاها مشروب ،
فراس بضحكة عالجنب : ماصح وجك ، دوبك مكمل تمرين ، وكيف صار بالدايت ؟
مراد : لاايت زلا كابت البطن لا تستغني عن الاكل ، نتمرن من هن وناكل نقوي روحي من هنا ،
فراس : هههه باه هيا وانت ديما مفجوع خوذ حاجتك وخلينا نمشو ،
مراد : انت اللي بتعزمني راه ،
فراس: اوكي ،
وبعد خذو صاكوات اللي فيهن دبشهم وجو طالعين
مراد : ماكسبها الا عبدو تجوز وفاتنا بكككل ،
فراس غمتله وقرن الحواجب ،
وركبو في السيارة وفراس يولع في سيارته لس حب يقصقص هكي جاه شعور ينشد ،
فراس : قالو طلع برا ولغو حفلة الاسبوع ،
مراد : صاح ؟ امتا سافر ؟
فراس فوووق من النفس : امس ،
مراد : تي كيف صار ،، هو مخطط يقعد في المزرعه اسبوعين وبعدها يروح لفيلا هله ،
فراس : مزرعة الساحل ؟ كيف صار صينوها؟
مراد : لا يارا وحده ثانية جديده خذاها قبل العرس وفيها فيلا شطبها بس وشرالها اثاث ، ويوم الزفة وصلتهم لعند بابها لانها مستخطية شوية وتبيلك ساعه بيش توصل فيها ،
فراس حس بغيرة واستغرب كيف عبدو ماحكالا عليها وحاكي لمراد عليها ، ليش ما قاله وهم رفاقه ،
واتجهو الشباب لمطعم اكلات سريعه طلب مراد اللي في خاطره ، وعمكن فراس يخمم وين المزرعه وليش عبدو ماقاله عليها ،
