اسفة عالتأخير الضي دارها فيا امبارح ماجا الا توا صيانه في شارعنا ، وهذي الحلقة ، تفاعلن مليشيا ،
__________________________
رواية #جميلة_في_عالم_الذئاب للكاتبه الهميل الشارد هميلو
الحلقة / 21
___________قراءة طيبة__________
وصلنا لرقية بعد شافت للدكتورة وعدلت وشاحها وقالت : ان شاءالله خير شنو في ؟
فراس منقههههر وماسك اوراق التحليل وقال : روعه،
حسين : كنها ؟
الدكتورة : المدام روعه حامل في خمس اسابيع ،
رقيه وحسين انصدمو ورقيه بخوف : حاامل !؟ ب بس ..
الدكتورة : بس لازم انديرولها عملية حالا ،
رقيه : 😱
حسين : عليش عملية ؟
الدكتورة : لان الحمل خارج الرحم ومسببلها مضاعفات عالمبيض وعندها كتلة واحتمال يكون دم ولازم نزيلو بعملية حااالا ،،
رقيه تبكي : اووو بنتي روعه ي حبيبتي شنو درت فيك انا !؟ يارب بنتي يارب ، 😭
فراس : توكلي على الله وديري اللي فيه صالح لها ،
الدكتورة : تمام ،، محتاجة للتوقيع عالعملية ،
فراس : بعظ اءنك ي عمي انت وعمتي اسمحولي نوقع علي عمليتها ،
حسين : تفضل ي ولدي ،
وفعلا مشا فراس وهو خايف وفرحان في نفس الوقت علي حبيبته ، خايف علي صحتها من العملية وفرحان لانها حتكون حرة مافيش شي يربطها بعبدو ،
والموضوع جا طبيا يعني مالهش يد فيه ،
وفعلا وقع فراس ودخلو روعه للعمليات وكانت امها وعمها حسين وفراس يرجو برا ،، وماسيبوها الا بعد كملت العملية بعد ساعتين طلعت الدكتورة من الغرفة العمليات مرهقة وشالت كمامتها ،
جوها رقيه وحسين وفراس خايفين ،
رقيه بخوف : طمنينا ي دوكتر بنتي روعه شنو وضعها ؟
الدكتورة : الحمدالله عمليتها نجحت وشلنا الحمل اللي في الانبوب الحالب لانه كان مسببلها تكتل وتجمع الدم وتخثر سببه مش معروف بس يمكن يكون نزيف ،
رقيه : الحمدالله ياربي الحمدالله ،
الدكتورة: ماتخافيش حتكون احسن بس توا بنخلوها في العناية عشان نراقبو حالتها ،بالاذن توا ،
ومشت الدكتورة حسين وفراس تنهدو براحة ،
ومشت الدكتورة تكتب في تقرير عن الحالة وروعه طلعو بيها من قسم العمليات وكانت مغيبة طبعا والقناع مازال علي خشمها وفمها ومغطيينها ورقيه مسكت يدها وتبكي وحسين يدعي ربي يشفيها وفراس وهابا من فراس قلبه طلع رسمي لما شافها عالبريلا لا حول لها ولا قوة حس بروحه توجع وشعر بالم في روحه وكيانه عليها ،💔
