وهذي حلقة لأحلى فانز 😁😍
وين التشجيع توا 🙄
______________________________
رواية #جميلة_في_عالم_الذئاب للكاتبه #الهميل_الشارد
الحلقه /،24
_______________,قراءة طيبه،______________
ضغط عبدو علي يدها بقوة نين توجعت وقال : كلامك هضا اخر مرة نسمعه منك والا مش حيصيرلك طيب ي روعه ،
روعه : 😢
وشوية ونادو عاارحلة وعبدو وقف وقال لروعه : هيا حبيبتي هذي طيارتنا ،
روعه اتشوفله ونفكر في داخلها شن ادير لازم تصرف قبل مايسافر بيها وتقعد بروحها معاه ،
عبدو مسك ذراعها ووقفها وهي بدون مقاومة صبت وقعد يمشي بيها وهي تفكر وتخمم ،
وعند فراس كان يسوق بسرعة جنونيه وقبل دار حادث في اكثر من مرة مغير ربي الحافظ ،،
وخذا فونه يتصل ، واول مافتح اللي متصل بيه ،
فراس : ي داوود اتصل بيك مراد ؟ حلو انت ماسك اليوم والا لا ؟ .. حلووو بالله عليك في واحد خاطف بنتتا وبيسافر بيها اليوم وتوا هض في المطار لو توقفوه قبل مايسافر بيها .. لا هي زوجته لكن تبي تطلق منهورافعه عليه قضيه والكلب خطفعا منا جاب شلة ياراجل قصة طويلة اامهم تقدر والا لا ،، تمام نعطيك اسم البنت واسمه وعرقلهم بس ، ،، عيب ي راجل ،، تمام انا في ااطريق ،
وقفل فراس من صاحبه اللي اتصل بيه ، وهو يدعي ،
المهم
عبدو ماسك يد روعه وماشي بكل ثقة وجا دوره ايمد جوازه وجواز روعه وروعه تتلفت يمين ويسار تبي اي حد ينقذها ،
عبدو يرجا يختمولا لكن الموظف نادى شخص جا شاف للجوازات وشاف لعبدو
وقال : انت عبد الكريم يوسف ؟
عبدو : ايوا نا هضا جوازي والا مش باين ؟
الراجل : معليش ممكن شويه معانا ،
عبدو رفع حاجله وقال : عليش !؟ انا ورايا طيارة ومستعجل مش فاضي ،
روعه تشوف للنقاش وتدعي ،
الموظف: عارفين انك مسافر ، بس عشر دقايق بس مش حنأخروك
عبدو يتأفف ومشا ناحيتهم وروعه شادها ،
الموظف : معليش نبوك بروحك ،
عبدو شاف لروعه وتوتر وقال : هذي زوجتي ومانقدرش نخليها بروحها .
الموظف : ماتخافش عليها حنوصي موظفة معانا تقعد معاها ومش حنعطلوك
عبدو شاف لروعه وروعه شافتله وبعدها نزلت اعيونها تحت خوفا من نظراته ونادا الموظف موظفة تشتغل في المطار وجت خذت روعه قمعزتها ع كرسي جنب مكتبها وعبدو اعيونه مع روعه والموظف يبيه يمشي معاه عبدو عارض ويبيه يحكي هنا لكن الموظف اصر وفهمه ان في شي في اوراقه بيتأكدو منه ،
