اخبطي لايك ياللي تقري مش مسامحة راه ،🙄
رواية #جميلة_في_عالم_الذئاب للكاتبه #الهميل_الشارد
الحلقة / ،27
_________قراءة طيبة حبيباتي __________
وحسين يرعش ماتقول الا هضا وين تزوج وشاف ولية المنجوه وعالعصر جهزن البنات ورقيه ارواحهن وشالهن لحوش اسماعيل واول ماخشن لقن نجاة ومعاها خولة جاية هي وبنتها انتصار ورتاج الا مهيبة قعدت في الحوش ،
وخشن يسلمن وخولة مابت اتمد يدها لرقيه ولا لروعه ، وكان الموقف محرج بالذات لرقيه والرجالة في المربوعه .. ورقيه مدت الحلويات لنجاة ،
نجاة : سلمك جيابة عليش متعبة روحك ،
رقيه : ولا يهمك هادا واجب اختي ،
خولة بغل : اي اختك ! وكان جا خطبك راجلها تجي عليها 😒
رقيه سكتت تحشمت وروعه توترت ،
حنان بتنقذ الموقف : كل شي نصيب ، وعميمة رقيه ماكانت حاطة في راسها زواج بكككل لكن عمو حسين اللي جبرها والكل عالم ،
خولة : ايااه قلتيلي حسين جبرها !! بس الواحد شن بيقول اصلا هضا اللي بيسير بدفنها في حسين وعيت حنة يرسمن ويخططن من زمان ونا الغااافلة ،😏
روعه كانت متوترة من كلام خولة وتشوف لامها وحنان اللي تشوف لمرت خالها ،
نجاة تبي انغير الجو نادت تنسيم : تنسيم ي تنسييييم ،
تنسيم جت من جوا وسلمت علي روعه ورقيه وحنان والتفتت لامها وقالت : نعم ي ماما ،
نجاة : خوذي السطولة هذين من مرت عمك حطيهن جوا ،
تنسبم : من من ؟
حنان : من ابلة رقيه طبعا لها اسبوع توتي فيهن وامبارح كملتهن ، حاجة من الاخير بالذات نوع الكراميل ،
تنسيم التفتت لرقيه : شكرا ي ابلة رقيه تعبتك ان شاءالله مردود في فرح روعه يارب ،
رقيه : ولو هادا واجب ي قلبي ، وربي يسعدك ويملا حياتك سعادة مع شريك هياتك يارب ،
وطبعا تنسيم خشت بالحلويات جوا
ونجاة بتغير الجو وروعه وامها حسن بتوتر ،
نجاة لروعه وحنان: خشن مع البنات انتن تلقنهن في الدار يعانن في بتات العروس ،
حنان وقفت لكن روعه لا ،
روعه بادب : اسفة عميمة انا بنقعد جنب ماما ،
رقيه لبنتها : هبيبتي امشي لبنات عمك عادي ، انا كويسه ،
خولة : وعليش ؟ خايفة عليها منا والا شنو !
روعه ؛ انا خايفة علي ماما لانها اليوم تعبانة وكان حيغمى عليها ، ،
نجاة بطيبة : لا باس عليك ي خية ،
رقيه : شكرا نجاة ،
وروعه خذتها حنان معاها وهي ماحتى تبي تسيب امها خايفة عليها من خولة ولسانها ،
وخولة ماعقبت عزق دوة وماقالاته ورقيه ساكته ومكبرة عقلها ،
ونجاة اتحاول تغير النوضوع وخولة شي متررررسة في موضوع اللي تجي علي ولية واللي تخطف راجل من عياله واللي واللي ،،،
