اسفة عالتأخير ،، ومازلت تعبانة والله بس ماهنتن عليا نخليكن بدون حلقة ،
رواية #جميلة_في_عالم_الذئاب للكاتبه الهميل الشارد هميلو
الحلقه / 12
______قراءة طيبة ______
التمو الناس والجيران والاقارب وتعبا الحوش اول يوم وروعه في غرفة رتاج لا تاكل ولا تشرب دمووووع وخلاص لعند خشت عليها وحده وروعه مافطنتلها بكل ،
.........: تو بتقنعيني انك واجعك المرحوم ؟
روعه التفتت لقتها ام عمامها واسمها (خيريه )
روعه بدموع : شن قصدك ؟
خيريه : ماتقوليش تبكي واجعك ؟ اصلا انتي وامك وباتك مايجي من وراكم الا الهم والغم ،
روعه : عليش تقولي هكي ؟ فؤاد وجعني وبموته كسرلي ظهري ،
خيريه : من يوم يومكن مانبيلك خلطة لا انتي ولا امك لكن هذين رايات حسين ربي يهديه ،، وتوا لااازم تبدي في العدة رد بالك تخالفي حاجه ، لا طلعه ولا خشة ولا تطلعي علي راجل ،
روعه تشوفلها وهي مصدومة من كلام خيريه وغلها عليها ،
وخشت نجاة ومعاها صبايا بيعزن روعه وخيريه عطت روعه نظرة غل و طلعت ،
عند حسين منهار ويبكي والرجالة يصبرو فيه وخالد مش مصدق فراق خوه والشباب معاه يصبرو فيه
اما فراس كان واقف لعزا ولد سيده بس مش مدور صاح وجعاته ميتة فؤاد بس ماتأثرش ،
اسماعيل لولده فراس : ي فراس سلم ولدي اتصل بالتشاركيه ايزيدو فراشات الخيمة بدت تزحم ، وركب الكشافات انت وصحابك ،
فراس : حاضر ،
واتصل بالتشاركيه وبعد كمل اتصل بعبدو اللي اول ماسمع الخبر جا طووول ،،
ونفس الشي مراد جا ومعاه واحد قريبه وركبو الكشافات ، بحكم عبدو عنده خلفيه عالكهرباء لان هوايته الخيوط والضي والقي روحه يشتغل عليه وشاطر فيه رغم يشتغل في تجارة بوه ،
وبدن اجواء العزا وكانت تزحم عليهم عيت حسين وعيت سليمان مافارقوهم لا نجاة ولا بناتها ومصبيات يد بيد مع بعضهن الا خوات فؤاد منهااارات هن وامهن ،
وزادن كرهن روعه وكأنها هي السبب في موت فؤاد ،
مهيبة لامها : ي ماما اشربي المية هيا حرام عليك اللي اديري فيه اتعذبي فيه هكي ،
خولة : حولي خطيني مانبي شي ، ينعلاااي كبدي ذايبة ينعلاااي جنيني اللي مافرح بشبابه ينعلاااي متعذب من دون امداداته 😭
مهيبة بدت تبكي ،
حليمة بدموع قربت من خولة : استغفري ربك ي خولة حرام عليك اللي اديري فيه ، هضا امر الله وقضا ومكتوب وقولي ربي يرحمه ويغفرله ، مش هكي عاد .😢
انتصار تبكي ومتكية عالمخده ماتتكلمش ورتاج بكت واجد لكن بعدها سكتت وقعدت مقمعزة جنب امها ،
