رواية #جميلة_في_عالم_الذئاب للكاتبه #الهميل_الشارد
الحلقة / 34 ,,
__________،،💚قراءة ممتعه حبوبات،،___________
لوين وصلنا ي زهايمر 🤔
ايواا لعند عمتكن روعه منفصلة علي راقد الريح فراس 😁
وقالت : انا صاح مطلقة ،، ومش بنت بنوت بس حافظت علي روحي نظيفة وطاهرة حتى ونا نفسيتي صفر ، لازم انت الاول تنظف نفسك واتوب لربي قبل بعدها ساهل ي فراس ،
وخشت تجري للدار وخلاته يشوفلها بقلة حيلة وغل وقهر ، وطلع من الشقة وهو يسب في حظه ،
مرو اليومين وجا يوم زيارة روعه لامها ومشت معاها نجاة ونسمة واستقبلتهم رقيه احسن استقبال وطبعا جاب فراس الذبيخة والخضرة من الصبح وحليمة وحنان حاضرات طبعا ،، وسميرة جت لقت كل شي واتي عاد هذي عالواتي بس 😏
وعمتكن خيريه ماسكة التواما وين تلقنها عاد اطبطب واتلعب وفرحانه بعويلة ولدها ، هم الحق التواما ياخذووو العقل بياض وعيون زرق ونسخة من بعضهم ايهبببلو ، طالعين لامهم ولاختهم مع اختلاف بسييييط واخذينه من عمكن هسييين عاد 😁
وروعه لبست بدلة بلون عنابي لنص الساق ورفعت شعرها فوق ومايكب عالعنابي هااادي ،، طالعة تخبل ،، وروعه حضنت خوتها وتبوس فيهم وفرحانه بيهم بطير ،
وطبعا جهزت رقيه وحليمة الغدا وكان راقي ويشهي وكامل مكمل من كل شي لعند الحلو والفواكة والشاهي ،، وحسين طبعا كلم اسماعيل وخالد واكيد فراس بس فراس مامشا ولا شالهم لانهن جن مع اسماعيل وهالشي حير روعه وخلاها تستغرب كيف ماجاها ،
ومر الوقت حلو وسمح والناس تغدت وحلت بالحلو وصبن الصبايا الشاهي الخضرا مع الحلويات الزمنية ،،
وقريب من المغرب ،، استأذنت نجاة وبنتها بيروحن ،
حليمة لرقيه : امسكي بنتك تبات معاك الليلة ،
رقيه بحيرة : عليش ؟
حليمة : هضا سبرنا العروس اول زيارة لهلها اتبات ليلة عالاقل وبعدها ايجي راجلها يروح بيها ،
رقيه بفهم : اووو ، اوكي ، زعما نجاة ماتعارض روعه تبات ؟
حليمة باستغراب : وعليش بتعارض ي بتي !؟ لا لا مش حتعارض ،
وخشن في الدار وكانت نجاة تهدرز علي عزوزتها ، وماسكة واحد من التوامة ، وحطت الولد في حضن حنه
وقالت : اسمحولنا ي خياتي ع التعب وان شاءالله ديما ملتمين في الفرح والهنا ،
حليمة : ان شاءالله ي حنه والعقبة لنسومة نفرحو بيها وتجي تزورك يارب ،
نجاة : ان شاءالله ي حنه ، هيا توا تعقبني عليكن العافية ، .
والتفتت لروعه وقالت : وانتي ي عروسة الليلة تباتي عند امك وبكره ايروح بيك فراس باهي ؟
