..ي بنات نزلتها بنت شفرة الضي دايرها فينا ، والتغطية زفت ، لايك قبل ماتقرن وديرن تاق لبعضكن ،،
******************************
رواية #جميلة_في_عالم_الذئاب للكاتبه #الهميل_الشارد
الحلقة / 20
_____________💓قراءة ممتعه💓______________
واول ماطلعت تحاول تجري بس مش قادرة ووصلا لبوابة المزرعه لقتها مصكرة قعدت تبكي شن بدير وكيف الراي واول مارفعت راسها حست بيد لمست كتفها جت بتعيط من الخوف والرعايش لكن الشخص قفل فمها بيده الثانيه وشالها بقوة يجري بيها ورا الفيلا ،،
واول ماوصل بيها للساس لفها ليه و روعه بتموت من الرعب واللي تقهر معش عندعا جهد تقاوم او تتحرك كل مكان في جسمها يوجع فيها 💔 وترجا في اللي بيصيرلها وخلاص من عبدو ،،
وتسمع صوته يهمسلها : روعه انتي كويسه ؟
رفعت راسها بسرعه بعد سمعت صوته وكأنها مش مصدقه وفراس يشوفلها بحنية وغيره وقهر ،
روعه ساكته ومش مصدقه اللي تشوف فيه هو فعلا فراس مصبي قدامها مش عبدو !!!
فراس يهز فيها بالشوية : روووعه تسمعي فيا ؟
روعه بدون ماتحس رفعت ايديها تلمس في صدره واكتافه هو فعلا فراس والا تحلم وفراس تقول خبطه ضي من لمساتها الرقيقه ورفعت ايديها لوجه ولمست خدوده وحي علما حي فراس سايح وهي بدون وعي ي ناري تخستب روحها اتخايل ،
فراس شد ايديها ونزلهم بالراحة وبلع ريقه وقال : روعه كنك ؟ تسمعي فيا والا لا احكيي ؟
روعه بصوت ضعيف : ف فراس ! هضا انت !؟
فراس : اي هضا نا ،،
وتحضنه بقوة وتقعد تبكي في صدره وصاحبكن قبل اغمى عليه حبيبته وحضناته هو في احسن من هكي 😁
وقعدو وقت وعمكن فراس يبس رسمي وروعه شاده في ظهره بعد طاوقاته بيديها،
هووو ي فراس هووو انت يااا خوذ البنت وخوذ وجك ضروري نحكو يعني !! 😑Hamelo
فراس بعد روعه منه وهو يبلع في ريقه وقال : روعه ماتبيش تقعدي معاه ؟
روعه تررررجف بعد اذكرت عبدو وقالت : ط... طل .. طلعني من هنا ي فراس بليز نبي ماما مانبيش نقعد معاه بليز بليز 😭
فراس : اوكي تم تعالي نرفعك عالساس بيش نشيلك لامك ،
روعه شافت للساس وقالت : مم. م. من هنا قصدك ؟
فراس : مافيش طريقة ثانية لان هو داير كاميرات ،
روعه : او كي اوكي ،
ورفعها فراس من خصرها وكانت اول مرة يلمسها وروعه ماسكه فيه بقوة وهو عاد وين تلقنه قريب ذاب مغير تمالك روحه ورفعها لعند مسكت في الساس..
وهمسلها : حطي رجليك علي كتافي بسررعه ،
وفعلا ركبت روعه وقعدت مقمعزة عالساس وفراس بخفة ركب وروعه اتشوف لحومة الفيلا خايفة عبدو يطلع نزل فراس الاول وروعه لفت ناحيته وهي خااايفة وموجوعه ،
