لايك ودعم حبيباتي ، واسفة عالتأخير بس مشاغل الروتين اليومي وهذي حلقة ،
رواية #جميلة_في_عالم_الذئاب لاكاتبه الهميل الشارد هميلو
الحلقه / 32 ,,
____________✒قراءة ممتعه✒_____________
وقلنا روعه حست بملل والدنيا خفت والبنات لاهيات في الحوش مع اكهن لعند قررت تركب لشقتها لان فراس طول ، وبعد خشت لشقتها واتجهت لدارعا اذكرت ورقة اللي عطتها لها ام عبدو خذت الورقة وفتحتها ولقت فيها رقم فون ارضي نرددت في الاول تاصل والا لا بعدها اتجهت لفون الصالة واتصلت واول مافتح الخط قعدت ساكته واللي رد عليها كانت ام عبدو ،
ام عبدو : الو من ؟
روعه بلعت ريقها وتنفست بالشوي وردت عليها ،: انا روعه ،
ام عبدو : مرحبتين ي بنتي كيف حالك ؟
روعه تحاول اتكون قوية : الحمدالله انا بخير ، انتي طلبتي مني نتصل بيك عشان تفهميني شي ،
ام عبدو : عارفة ي بنتي ونا كنت نرجا في اتصالك وندعي لربي انك تتصلي بيا ،
روعه : خير شنو تبي تحكيلي ؟
ام عبدو بحزن : الكلام عالتلفون مايصير منه ممكن نتقابلو !؟
روعه بحدة : لااا مانقدرش ،، قولي عالالفون والا انسي خلاص ،
نجاة بسرعه : لالا خلاص ، اللي نبيك تفهميه ان ولدي عبدو في طفولته صارله شي خلاه قاسي وسادي ،
روعه : شنو اللي صارله وخلاه يعذبني ويأذيني في نفسيتي قبل جسمي ،
نجاة : والله ي بنتي غصبن عنه وهو يقعد يندم في روحه ،، واللي بنقوله ماتحكيه لحد ، اللي صارله انه في مرة مروح من المدرسه وعنره ديما سبع ثان سنوات اخطفه واحد كان يتردد عالحارة وهرب بيه في مزرعته واعتدى عليه اهي اهي 💔
وقعدت تبكي وبعبرة
روعه انصدمت وحطت يدها علي فمها ،
نجاة : وليدي كان عويل صغير وماعرفش ايدافع عن نفسه ،، وهو كان راجل وغفير مزرعة المجرم هو اللي بلغ فيه الشرطه واتمسك لكن بعد دمر نفسيه ولدي عبدو اول ماجابوه للمستشفى كان منهاااار وقعد اسبوع ماحكا مع حد مفيت اعياط في الليل كوابيس يحلم ببهن والراجل انحكم بكم سنة وطلع لكن عو تعبت نفسيته وسافرنا بيه برا ،، وحاولنا نعالجوه وانسوه اللي صار ،، وبعد بلغ وقعد عمره ١٨ سنة قعد ايصر علينا نرجعو للبلاد وفعلا رجعنا لكن بعد ثلاث شهور عبدو .. عبدو دار بحث عالراجل اللي اعتدى عليه وشكله قعد يراقب فيه وبعد حصل فرصة فيه هجم عليه بموس وطعنه اكثر من عشر طعنات وهو يوريلا في صورته وهو طفل نين الراجل طاح ميت ، وطبعا بحكم نفسيته وتقارير الدكاترة برا انحبس شهر وطلع وسافرنا بيه اخرا لعند كبر وتزوج من مراته الاولى وكانت ضحيته الاولى من الضرب والتعذيب لانها كانت ضعيفة وهربت منه لكن ماطلقها وبعد كم سنة علمنا امها جابت وليد ، وهي الفترة اللي قرر يتجوزك فيها وتجوزك والباقي انتي عارفتيه ،
