اسفة عالتأخير ،، مايغباكن حال الجري وقلت الفضوة ،،
واهي حلقة وبكرة بإذن الله حنزل حلقة ،،
_________________________________
رواية #جميلة_في_عالم_الذئاب للكاتبه #الهميل_الشارد
الحلقة / 23 ,
_____________💚قراءة ممتعه💚 ________________
وصلنا لعند عرضن سيارتين طانطا لسيارة فراس اللي مركب بوه وعمه ومرت عمه وروعه وماشي بيهم للمحكمة عشان تطلق روعه من سي عبدو ،،
وقلنا حاول فراس يطلع من بيناتهن لانهم متحاصرين بينهن و تنخبط سيارته من لاورا نين طلعت سيارتهم من الطريق وقبل انقلبت وجت عالرملة لان الطريق كان قطران من مكان زي المزارع لمكان والمدينه مازال ماوصلو فيها ومافيش حد طريق فاااضية فهمتن !؟
وحاول فراس يطلع السيارة من الرملة بس غرقن العجل ، واول مانزل هو وباته وحسين شافو سيارات الطانطا كملن طريقهن ولا كانهن قبل قلبنهم لكن لاحظ زي رتل من اربع سيارات عاليات صحراويات ومظلمات وسود كيف بعضهن ومتجهات ناحيتهم ،
حسين : شن في ؟
فراس قارن حواجله وقال لباته : اركب في السيارة ي عمي بسرعه ،
حسين : عليش شن في ؟
وفراس خذا عمن واتجه للسيارة وركبه وفتح درج السيارة اللي جوا وطلع فون
وقال لباته : اتصل بالشرطة حتلقا رقم مكتوب عليه النجدة يرد عليك واحد عطيه موقعنا بسرررعه ،
اسماعيل : ان شاءالله خير ، باهي هي ،
رقيه لحسين : شنو في هسين ؟
حسين : ماتخافيش ان شاءالله خير ،،
ووصلن السيارات لسيارة فراس ودارن حولاقه عليهم وفراس يرجا فيهم يطلعو او يطلع اللي جايب هالرتل ،
وينفتح باب السيارة الوسطية وينزل منها عبدو لابس هذك السروال الجينز الاسود والبدي الاسود والجاكيت الجلد الاسود يحساب روحه من جماعة وادي الذئاب الراجل !! بس ينقنه طرف عاطه دعوة 😁
المهم
اسماعيل وحسين ورقيه شافوه ،
حسين : هضا عبدو !؟
روعه تقول حد شلطها بضي بدت ترررعش وتبكي وهي تشوف لعبدو وهو نازل من السيارة ولابس النظارات ومتجه لفراس ،
حسين : الفرخ هضا مش ناوي يحلها بالساهل ،
رقيه : هسين انا خايفة على روعه ،،
حسين : ماتخافيش نموتو قبل مايلمسها ،
روعه تبكي وحاضنه امها وخلاص ، اسملا عليها جية سودا نودة جيتها لليبيا 😑 Hamelo
وروعه تهسترت اتشوف في عبدو وكيف وااثق من نفسه وهو يحكي مع فراس ومايسمعوش شن يقولو وعند فراس وعبدو ،
