التأخير من التغطية حبوبات قبل دارتها فيا ،😁✌🏻
رواية #جميلة_في_عالم_الذئاب للكاتبه الهميل الشارد هميلو
الحلقة / 30 ,,
______________,قراءة ممتعه،_______________
المهم وصل لفيلة عمه وبدا يرن بازعاااج بيقهر خولة 😂 والعيلة ناضت علي هرجة الجرس وفراس خاط صبعه علي الجرس فتح خالد ووراه حسين منفجعين ،
خالد : فراااس كنك ؟
فرلس : صح النوم ،، نبي عمي
حسين : كنك ي ولدي لاباس شن في ؟
فراس : جيب كتيب العيلة وهيا للمشفى مراتك حالة وضع ،
حسين لا تعرفنه فرح ولا انصدم وخش وبعدها كلع وقارن الحواجب
وقال : وكيف علمت انت ؟ و و كنهن مااتصلن بيا ؟
فراس : تلفونكم ماعلقش اتصلت روعه بيا بسرررعه حالتها حرجة راه ،
وخشو يجارو حسين وخالد ويتبارمو وكل واحد هش لداره هالد لبس جبوتيه بس عالتوتا وحسين لبس كبوطه وهذا الشنة ومفاتيح سيارته وطلع الكتيب ،
جاته خولة منفجعه : كنكم شن في ؟
حسين : رقيه تولد حولي بنمشي بسرعه ،
خولة بغل : حاجة والله كبييييرة ماتقول عندك اولاد ولا نا جايبتلك خمس أبطن 😒
حسين طلع ولا عبرها وعمتكم خولة طلعت وراه لقاتهويلبس في كندرته وخالد طلع يصكر في جبوتيه
خولة بقرنت حواجب : وانت وين ماشي ؟
خالد : ماشي مع باتي طبعا ،هيا كان بتمشي ،
خولة غمتلها : يكلاااا نمشي وحتى انت مافيش مشي ،
حسين: مالكش داخل يمشي والا لا ،، خشي انخمدي ،
وطلعو لقو فراس علي نار يرجا فيهم ركب معاه حسين ،
وخالد خذا مفاتيح باته وشغل سيارته ولحقهم ،،
توا مش ملاحظات ان الرجالة احن من عيت حنه والا نا دايخة 🙄
المهم ،،
وصلو للمشفى وعطوهم الكتيب ووقع حسين وهو خايف علي رقيه هبيبة القلب عاد 😁
ورقيه دخلوها للعمليات وروعه دموع وتدعي بسلامة امها والرجالة معاها وبعد وقت طلعت الممرضة تبي دم لان الحالة صارلها نزيف وطبعا علي كول بيتبرعو الرجالة لكن ماصدفش حد نفس الفصيلة الا روعه بس وفراس قبل عارض لكن روعه اصرت تتبرع لامها ومشت مع الممرضة ،
خالد : جايب تلفونك ؟
فراس : جايبه في السيارة ،
خالد : جيبه خليني نتصل بالشباب عندي بالك يصادف واحد منهم نفس الفصيلة ،
فراس : تم ،
ومشا للسيارة وخذا تلفونه وفتحه وخطر في باله يتصل بمراد في الاول القيه مشغول فاته وخش للمشفى وخذا خالد الفون واتصل بصتحبه الانتيم وفعلا لبو النداء وكانو في اسرع وقت في غرفة التبرع ومراد رن علي فراس وحكاله فراس علي حالة مرت عمه وجا طووول تبرع باللي قدر عليها ،،بيبيض وجه عشان تسمع بيه نسمة الدبة بالك وترضا عليه 😁
