اسفة عالتأخير ،، قلت فضوة ي بنات ياريت تقدرن ظروفي واصلا التنزيل قعد يوم انزل ويوم لا ويوم نفضا انزل كل يوم ان شاءالله ،
✒✒✒✒✒✒✒✒✒✒✒✒✒✒✒
رواية #جميلة_في_عالم_الذئاب للكاتبه الهميل الشارد هميلو
الحلقة / ،10 ,,
،،، قراءة طيبة ،،،
جينسن كان ماسك في المشفى اللي فيه اخته ،
خش لغرفتها القيعا تبكي وعرف انها تصلي وهي مقمعزة ، طلع وخلاها براحتها ،
جينسن كان حنون ويحب اخته واجد وحتى لما اختارت هيثم زوج لها واسلمت كان موقف معاها وماجاش ضدها ،
ورقية كانت تدعي لبنتها بالثبات والتوفيق وتدعي ربي يرعاها ويحفظها وترجع لبنتها في اقرب وقت ،،
كانت حاسة ان روعه تمر بأزمة ووحيده رغم عارفة ان عمامها معاها ..
وعند روعه اول ماوصلت الطيارة كانت مرهقة وتعبانة وواصلة حدها ، فاقت علي صوت فراس واول مافتحت اعيونها شافت وجه قريب منها نين نفضت بعيد منه .
فراس : هيا ننزلو وصلنا ،
روعه هزت راسها باوكي وماحبتش تخمي ونزلو من الطيارة والارهاق واااضح عليهم بالذات روعه ،
وروتين معتاد في المطار و ر وحو في تاكسي واول ماوصلو كان ليل
فراس لباته : خلونا نمشو لحوشنا وبكره بعد الفطور انشيلك لحوش عمر حسين .
روعه : لا مافيش داعي للتعب حطوتب انا اول وحده .
فراس : من الاخير تعبانين ومرهقين وراسي بينفجر من السفر نروحو للحوش وتباتي مع البنات والا مش حوش عمك حتى هو ؟
روعه سكتت واسماعيل نها الكلام ،
اسماعيل : خلاص راسي ، روعه بنتي روحي معانا الليلة وباتي مع البنات وبكره ان شاءالله تمشي لحوش حسين
وافقت روعه بس كانت خايفة من فراس نظراته لها مش مطمناتها .
وفعلا اول ماوصلو يادوب سلمو عالعيلة وتعشو وخشو رقدو من الارهاق ،
المهم
ثاني يوم نجاة مسكت روعه للغدا وكلمو عيت حسين وعماتها الاثنين وكان غدا كبير وفؤاد بعد علم بمرواحهم وانهم تكو علي حوش عمه غمتله ولام في عقله روعه كيف تبات غادي ،
وماباش يمشي لحوش عيت عمه وطبعا جايب اسماعيل هدايا للعيلة وخال روعه شرالها هدايا لعيلتهم وكانت علي حسب ، اللي حصل كبوط واللي ساعه واللي فستان واللي علبة مكاج واللي عطر وغيره
روعه كانت شارية هدية لفؤاد وبعد ماجاش خشت لدار نسمة وتنسيم عشان اتحطها في شنطتها ،
ولحظة اللي تطلع خش فراس ،
روعه : نعم ؟
فراس : نبي نسمة
روعه : نسمة تحت مع باقي البنات ،
طبعا الحوش علي دورين الغرف فوق والمعيشة والاكل والاستقبال تحت ،
فراس : اها ، باهي قولي بنروحي اليوم ؟
