اخبطي لايك ياللي تقرا مش مسامحة راه ،🙄
وقلت التنزيل من التغطية ،، يا اما تضعف او تريح بكككل ،،
✒✒✒✒✒✒✒✒✒✒✒✒✒✒
رواية #جميلة_في_عالم_الذئاب للكاتبه #الهميل_الشارد
الحلقه /26 ,,
,__________🌺قراءة ممتعه🌺_____________،
وجا حسين خش ومعاه خالد وشخص ثاني واول ماروعه شافاته شهقت ببل طاحت وارتبكت خشت للمطبخ تجري
ورقيه شافتلها : عمك هسين جا ؟
روعه بلعت ريقها وقالت : اها ومعاهم واحد اخرا ،
رقيه : اوكي تعالي زيدي كاشيك ثاني وزيدي لحم ،
وروعه ترررعش قريب ادوخ ودارت اللي طلباته امها وجا حسين : شنو الغداء واتي ؟
رقيه بابتسامة : ياس ،
حسين تنحنح وبلع ريقه وخذا الصفرة وطلع قارن حواجبه ياشرينتي مش معدل وهو قريب طاح علي وجه وروعه زارقه عليه ضحكت بالخفيف ماتبيش امها تشوفها ،
ورقيه ياروحي فرحانه قريب اطير ،
وحسين كل مرة خاش ياخذ في باقي الغداء لان الفواكة مجهزتهن رقيه يحطهن يالاهم بعد يتغدو ياخذوهن بالمرة ،
ورقيه وروعه خذن غداهن وخشن لدار روعه االي فيها حنان وتغدن وهن يهدرزن وجوهم سمح ،الا روعه في وجواج ثاني ،
_______________________
انجو لعيلة لنجاة واسماعيل ،،
العيلة يتغدو مع بعضهم ونجاة لاوية وجهها والبنات معاها وجايتهم بنتهم المتجوزة الكبيرة بعويلتها وجايبة معاها موالح وكيكة العشية ،
واسماعيل لاحظ مراته جوها مش تمام ، وبعد الغداء
نجاة نادت بناتها
نجاة : ي بنات وحدة منكن تجيبلي متشف العالة ،
والعويل الصغار يتبارمو يالا جدودهم ،
اسماعيل صايرله مصار الشايب اللي يعيط مع ضنوة اعياله ، ي ليد قمعز ،، ياليد خاطا التلفزيون ، راهو نجيك والضنوة يلعبو ويجارو ،
وجت نسمة جايبة صفرة فيها سفنز بالسكر الناعم ومعاه منديل امها وخبزة حوش ،
نسمة : اهو جبته لكي ،
نجاة : هاكي الطواسي اغسليهن زين ،
نسمة : بنتريح تعبت ،
نجاة : خوذي وانتي ساكته قبل ما نصبيلك ،
اسماعيل : كنك مع البنت اجعري منها ،
نسمة : قوللها ي بابا والله تعبت ونا نازلة عليا اجعرو مني نا اخر العنقود ،
اسماعيل : بلاش كثرة دوة حطي وامشي شوفي شغلك ،
نسمة : عليك تزليطه ي حاج ،
ومشت تغسل في الطواسي وهي تسب وتهزب لكن في سرها طبعا ،
اسماعيل لمراته : كنك ي نجاة غامتلك ومش متحملة حد هضا من بدري ونا فاطنلك ،
