رواية #جميلة_في_عالم_الذئاب_الرابعه للكاتبه الهميل الشارد هميلو
الحلقه / الرابعة ،
وعند رقيه اللي قعدت ترررجف وتبلع في ريقها سمعت الحرس يرن اخرا ،،
رقيه : لو سمحت امشي انا مش حقدر افتح الباب ،
قاسم : مغير افتحي نتفاهمو ،،
رقيه : استاذ قاسم انت مش ممكن ابدا ،، ياريت تمشي بليز .
قاسم : توا كنتي فاتحة وماكنش عندك مانع ، والا بجوك الموضوع ،
رقيه عرفاته شاف حسين وقالت : هادا قريب مش براني واصلا مادخلته داخل ،، جاب امانه وراح ،،
قاسم : باهي افتحي نتفاهمو ماتصيرش نحكي قدام الباب .. واللي تبيها حاضر .
رقيه : بليييز مستر قاسم انت بتضايقني ،، خلاااص خليني في حالي .
قاسم غمتله وهمسلها بصوت سمعاته من ورا الباب : صيورك اتجيني وبروووحك يارقيه وحندمك علي رفضك ليا ، مش قاسم اللي يبي شي ومايحصله ،
رقيه خافت وبدت توخر لعند قمعزت عالصالون ومعش سمعت قاسم شكله روح ،،
وهي بدت تفكر شن ادير بيش تفتك منه البليد قاسم ،،
وفي نفس الوقت تفكر كيف بتلاقي حسين وشن يبي منها ،،
✒✒✒✒✒✒✒✒✒
نخلوها توا ونجو لحوش حسين واللي حنعرفكم بعيلته ،،
زوجته خولة وليه رقيقه عووود ومسمووومة اعيونها كبار وشعرها ناعم واسود وطويل لكن اعيونها قريب يلصقن في بعضهن من رق وجهها ،،
وبشرتها حنطيه شوي وهي تقربله من عيلة امه قرابه بعيده وكان ماخذت حسين راهي خطفاته ،، وجايبه منه ثلاث بنات وولدين ،،
وحسين الحق احلى منها طويل وجسمه حلو يحب يلبس العربي شعره ناعم واسود ملامحها جذابه ولحية وشناب وطييييب وحنون وطبعا بعد شاف رقيه عجباته وحاول مايفكر فيها بس طول هالسنين زاد اعجابه بيها و هالموضوع مخليه بينه وبين نفسه ومش حاكي بيه الا لرفيق عمره بس ،،
المهم
نكملو عقاب عيلته ،، نبدوا من الاول ،،
الولد الكبير فؤاد شاب في ٢٠ من عمره طويل وجسمه حلو ويقرا في ثالثه جامعه شاب طيب وخلوق ابيض البشره وملامحه عاديه بس جذاب نقشه عالبني ويحاول يحفظ القرآن بس مقعد بسبب حادث قديم مع خواله مات خاله وهو انشل ،،
وبعده بنت اسمها مهيبه وعمرها ١٩ تقرا في الجامعه ومازال ماتجوزت ونقشها زي امها شي نسخ لصق وقلبها اسووود و مسمومه ،، ماهو نفس مينتها عاد 😒
انكملو ،،
وبعدها شاب عمره ١٨ سنة اسمه خالد يقرا ثالثه ثانوي بحكم عاد سنه وملامحه اسمر وشعره اسود واعيونه سود وطوله وسط وعيل رمرام غاليه عليه بطنه ،، دبدوب شوي ويحب باته وخوه ،،
وبعده اخته انتصار عمرها ١٧ سنة تقرا ثالثه ثانوي زي خوها خالد هي الاحلى في خواتها اتريد روحعا لانها بيضا وشعرها طويل لنص ظهرها وجسمها حلو وطولعا وسط بس اعيونها بنيات زي خوها فؤاد ،، وماتبي حد احلى منها ،
