ي بنات قلت التنزيل ماعنديش نت راه ،، انزل بنت شفرة ،، ونحاول نخلي الحلقة طويلة ،،
رواية #جميلة_في_عالم_الذئاب للكاتبه الهميل الشارد هميلو ،،
الحلقة /6 ,, قراءة طيبة ،،،
اما فراس ليلته ماهي ليله مغير يفكر في روعه وحاسس بغيييرة مش عاديه عليها وكم مرة يطلب من امه تجيبها لحوشهم لو مش مرتاحه ونجاة قالاله البنت عند عمها ومرات يزعل خليها نين انشوفو لو اضايقت نجيبوها ،،
وكالعادة وين انخمد جاته في الاحلام 😁 قيسها ليلة ولا ؟
ومرو اربع ايام روعه كل يوم تمشي للمدرسة مع رتاج وحسين طبعا يوصل فيهن لكن عقلها مش مع القرايا بكككل لدرجه معلماتها فطنن لسرحانها وعدم تركيزها ونظرة الحزن في عيونها ولما نشدو حسين حكالهم باالي صار لرقيه ،،
و طبعا الكل تعاطف معاها من المعلمات والمدير والمعلمين وحتى الطلبة والطالبات ،،
وهالشي زاد كره رتاج فيها ،، ولان روعة ممتازة في قرايتها عادولها امتحانتاها اللي ماجاوبت فيهن والمعلمات يشجعن فيها ان امها حتكون بخير ولازم تكون قويه وماتضعف ،
وبعد تروح روعه ورتاج مع حسين يحطو رتاج في الحوش ويمشي حسين بروعه للمستشفى ،،
يطمنو علي رقيه ومرة لقت عمتها حليمة وعمتها سميرة وحنان بنت حليمة جايبهن اسماعيل روعة حضنتها حليمة وبعدها حنان وكانت تلقا في خضنهن الامن والحب عن باقي العيلة ،،
اسماعيل لحسين : قتلك ي حسين مرت المرحوم حالتها ماطمنش ،
حسين : عليش ؟ شن صار ؟
اسماعيل تباعد من الصبايا ولحقه حسين وشاف لروعه وهمس لحسين وقال : بعد جينا القينا الدكتور دوبا طالع من عند مرت خوك وقالي انها خشت في غيبوبه والله اعلم تنوض منها والا لا ،
حسين انصدم واعيونه دمعن وقبل طاح نين امسكه خوه ،
اسماعيل بخوف علي خوه : حسين كنك ؟
حسين بعبرة: غي .. غيبووبه !! وكنه ماخبرنا ؟
اسماعيل : مش عارف ،، هو قال ان حالتها مستقرة بس لتوا ماتواعت وامس بس عرفو انها في غيبوبه ،، ريت وضعها يبي من يوقفلها الافضل نتصلو بحد من هلها ،
حسين بصدمة من كلام خوه : هلها ؟ انت شن تقول ؟ الوليه من يوم اسلمت وتجوزها المرحوم قعدنا نحن هلها وام بنتنا ،
اسماعيل : بنتها صغيرة ولا تقدر تعانيها ولا تعاجلها والوليه تبي من يسافر بيها وتتعالج برا ،،
حسين قعد حاير وبعدها قال : لكن .. نحن مانعرفوش حد من هلها و.. وروعه شن بيصير فيها ؟
اسماعيل : معناها ننشدو البنت بالك امها تحكي مع هلها والا عندها علم بحد من عيلة امها ،
واسماعيل قرب من الصبايا وكانت روعه تبكي وتنشد علي امها ،
اسماعيل لروعه : روعه ي بنتي تعالي نبيك شويه ،
