اسفة عالتأخير حبيباتي ،،
رواية #جميلة_في_عالم_الذئاب للكاتبه الهميل الشارد هميلو
الحلقة /،33 ,,
________________ قراءة طيبة_______________
ونزلت تلاقت مع صحباتها وفراس روح لفيلتهم ،
وتسمة اول ماخشت لحديقة الجامعه سمعت واحد ينادي فيها وبعد التفتت لقاته مراد وقعدت اتشوفله ماتكرش انه جنتل وشخصيته حلوة ،، خلوني نوصفلكن مراد ،
بشرته بيضا اعيونه بنيات وشعره بني غامق مش ناعم ومش خرش غليظ شوي بس يحلق فيه تحليقة اتهبببل وطولة 180 جسمه مليان بس معضل وفيه غمازات وديما يغمض في عينه اليسار بعد تعجبه حاجة بطريقة حلوة بالذات لما يبتسم نسونجي ايحب البنات 😁 طبيعه الشاب الليبي عاد ،، وقريب يتخرج هضا كااان تخرج ،،
عيلته حالتهم ممتازة عنده اخين واحد اكبر منه وواحد اصغر واربع خوات وحدة هي الكبيرة في خوتها والباقي بعد خوهن الثالث ،، مالهمش دور في الرواية 😁
وهو شبوب غاليه عليه روحه ويحب اللبس والجكترة وصاحب مواقف ويقدر الصحبة ،
وكبد في عمتكن نسمة من اول ماشافها ،، ومن بخته خطبها مرتين ونسمة ترفض فيه ، وطبعا قرر ايجيها في الجامعه عشان يفهم منها ليش ترفض فيه ،
نسمة شافت لمراد وارتبكت بحكم معاها صحباتها ،
ومراد قرب وكان مبتسم وطلق السلام عالبنات وهن ردن عليه ،
ونسمة جت بتمشي ، فناداها ،
مراد : انسة نسمة ؟؟
نسمة لفتت ليه : نعم !
مراد : معليش ممكن تعطيني عشر دقايق من وقتك ،؟
نسمة : اسفة ورايا محاضرة مانقدرش ،
مراد : عشر دقايق ونخليك تمشي ، لو سمحتي بعدها معش نضايقك ،
صحباتها مشن ونسمة تشوفلهن وبعد تباعدن منهم شافتله بقرنت حواجب وقالت : نعم ! شن تبي ؟
مراد : انتي عارفة اني خطبتك وكلمت خوك عليك ،
نسمة : عارفة فراس حكالي ،
مراد : باهي ورفضتيني ،
نسمة سكتت وهي منزلة اعيونها ،
مراد : وخطبتك من مراد من جديد وطلب نظرة شرعية وانتي رفضتي ممكن نعرف ليش ؟
نسمة انحرجت وقالت : مافيش سبب ،
مراد : بس انا بنعرف ،، تبي الحق انا مانعرفكش ولا عمري شفتك رغم اني نجي لفراس ديما ، لكن بعد شفتك خذيتي تفكيري ومعش قدرت نرقد الليل ، وانا ي بنت الناس شاريك ، انتي بس عطيني فرصة تعرفيني ويشىفني نعرفك ،
نسمة انحرجت من كلامه وتوترت وقالت : ب. بس انا مانفكرش في الزواج توا ،، عندي شهادتي هي هدفي ،
مراد بصوت رومانسي : ومن بيمنعك تحققي هدفك بس ؟ بالعكس انا حندعمك تكملي دراستك وحتى تشتغلي عادي ،
