قبل الهجوم والدفاع كنت بدون رصيد 😁
اقرن وبعدها عاركن 🙄
_________________________
رواية #جميلة_في_عالم_الذئاب للكاتبه الهميل الشارد هميلو
الحلقه /14
___________❤قراءة طيبة ❤____________
وفكر فراس ليش لا عبدو رفيقي واكثر شخص يستحق روعه شاب يشتغل وكويس وعنده مستقبل ورفيقي ونعرفه ماعنداش لف ودوران لكن ليش حاس بقلبي يوجع فيا ان روعه تكون له او لاي شخص ثاني ليييش ؟
هذين افكار عمكن فراس اللي عبدو يعزم عليه في القهوة وهو سااااارح ،
عبدو : فـرااااااااس ،، انت ياااااا،
فراس،: عبدو ،
عبدو نعم ؟
فراس : سمعت انك خطبت بنت عمي ؟
عبدو توتر : اها .. انا الحقيقه كنت نبي نحكيلك قبل بس ..
فراس : انا بننشدك بس ، منين عرفتها قبل ؟
عبدو حك شعر راسه بيده وقال : يوم وصلنكم للمطار بتسافرو لروسيا ، ومن يوم شفتها ونا معجب بيها الحق ، ماتقوليش زعلت ؟
فراس : وعليش بنزعل ؟ لا عادي ،، مغير استغربت كلمتو باتي والموضوع جدي ونا ماعنديش علم ! اخسارة لو ماني رفيقك !
عبدو بضحكة : مش هكي ي راجل بس انت عارفني انا راجل دغري وبعد نشدت عليها من برا وهكي عجبتني وللعلم كنت بنقولك بس حبيت تعلم وانا جاي من الباب بس ،
فراس ابتسم بدون نية وقال : ولا يهمك . ومبروك مقدما ،
عبدو: الله يبارك فيك ، مغير توافق قبل ،
فراس سكت ويخمم ( زعما ترفض والا توافق ؟ ونا شندخلني بيها توا ؟ البنت بنت عمي وتربت قدام اعيوني حتى في القرايا نتعمد السقاط عشان تكون قدام عيوني ،، لا لا ي فراس انت تضرب فيها ديما وتهين فيها وتنابش فيها وديما تهرب مني تي البنت خاف مني اكثر من خوفها من بوها لو كان عايش ، يوووه بس عبدو رفيقي من طفولتي وهو شاب كويس ،، عليش متضايق نا من خطبته لها ؟ )
وفاق علي يد عبدو اللي يهز فيه ،
فراس : هاه .. كلمتني ؟
عبدو باستغراب : تي كنك ليا ساعه انقولك خوذ قهوتك وانت مش معايا بكل ،
فراس خذا الفنجان وقال : ماتواخذني ي راجل مشغول شوية في حاجة هكي ،
وقعدو يهدرزو وعمكن فراس حاسس بقلبه غااام ومااازل ينكر ، ماعندي مانديرله عاد 🤷🏻
المهم ،،
عند روعه وامها مقمعزات في الصالة .
كانت رقية تقرا في كتاب ثقافي وروعه تقرا في الصالة ع الارض طارحة كتاباتها وتقرا ،
رن جرس الباب ، روعه شافت لامها ،
رقيه : خير ان شاءالله ،، من يكون ؟
روعه : مش عارفة حنشوف من ،
وصبت مشت للباب وكالعاده من ورا الباب روعه نادت : من ؟
.......: هضا نا ي روعه ممكن تفتحي ،
