مع دقات الساعه السادسه صباحاً بداخل شقه باراقي مناطق المدينه المزدحمه القاهره
بيصحي قاسم زي كل يوم وبيلبس هدومه الرياضيه و سماعات الرأس اللي شغال فيها موسيقى غريي صاخبه وبينزل يجري حوالين البيت كالعاده
وبعد مرور ساعه بيرجع البيت و هو عرقان وبينهج
ممارسه قاسم للرياضه باستمرار هي السبب في جسمه المتناسق وعضلاته البارزه اللي كأنها مرسومه بأيد رسام.
بعد ما انتهى قاسم من اخد دوش بارد بالرغم من بروده الجو لبس هدوم كلاسيكيه بحته
وتناول فطاره اليومي اللي مش بيتغير نسكافيه من غير سكر مع كرواسون ساده ودي عاده اكتسابها من عيشته في ألمانيا
وبعدها نزل ركب عربيته وراح على شغله
قاسم بيشتغل في أكبر مركز لطب الأسنان دكتور شاطر ملتزم جدا بمواعيده ديما حجزه مكتمل لمده شهر مقبل
كل اللي بيشتغل في المركز من دكاتره وممرضين و موظفين بيحبوا قاسم وبيحترموا جداً
في أكبر وأشهر مركز لطب الاسنان
بيدخل قاسم المركز وهو بيوزع ابتسامته الساحره على كل الموجودين وريحه برفانه الرجوليه ماليه المكان
عيون الممرضات بتبصله بهيام
داخل عياده قاسم بتبدأ ساعات عمله ومع دخول اول مريضه
المريضه بدلع : صباح الخير يا دكتور قاسم
قاسم بابتسامه : صباح الخير اتفضلي
المريضه : ميرسي يا دكتور
قاسم : ايه الاخبار حاسه بألم في الضرس اللي اتعمله علاج عصب
المريضه : لا خالص يا دكتور ما فيش اي ألم بجد انت اول دكتور تخليني ما احسيش بأي ألم كان ايديك ديه في سحر
كان معظم مرضى دكتور قاسم من النساء بغض النظر عن أن هو دكتور شاطر بس كان ليه ابتسامة ساحره وأسلوبه بيسلب العقول
ومعاملته لمرضاه كلها احترام
في نفس الوقت وفي مكان تاني ومدينه تانيه
بداخل شقه متوسطه صوت ملائكي بيدندن اغنيه قديمه لعبد الحليم
بتلومني ليه لو شفتم عنيه حلوين قد ايه ......
....... : ريم يا ريم
ريم : ايوه يا حسن انا هنا في المطبخ
حسن : صباح الخير يا دكتوره ريم ايه الريحه الحلوه دي
ريم : صباح الفل يا سونه انا عملالك طبق فول بالسدق إنما ايه حتأكل صوبعك وراه
حسن : ده انا الريحه صحتني من النوم على ملا وشي
ريم : خد انت بس العيش سخنه ويلا عشان تفطر قبل ما تروح الشغل بتاعك
حسن بياخد العيش ويسخنه وبيدأ في الأكل هو و ريم
أنت تقرأ
القاسم
Romanceيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
