مع شمس يوم جديد،،،
صحي قاسم من نومه او بمعنى أصح من غفوته
فالنوم لم يعرف طريق لعيونه فهذا الصوت الملائكي يتردد باذُنه طول الليل ومنعه من النوم
قاسم كان طول الليل بيتخيل شكل صاحبه الصوت
هل هي جميله حقاً مثل صوتها الملائكي
وبعد فتره من التفكير الطويل اتجه قاسم لغرفه الرياضه الخاصه به
شغل موسيقى اجنبيه بأعلى صوت
وبدأ يمارس بعض التمارين لعل و عسى الرياضه تقدر تنسيه الصوت اللي شغل تفكيره.
وبعد ما خلص تمارينه اخد دوش بارد و لبس هدومه الكلاسكيه و نزل من بيته قاصد المستشفى.
اما في مستشفى الدكتور يزيد...
و بغرفة مكتب طارق..
طارق قاعد على مكتبه و قدامه أوراق بيمضي عليها
بيخبط الباب وبتدخل منه شيماء
شيماء : صباح الخير يا طارق
طارق بيسيب القلم و بيبتسم : صباح الخير يا شيماء تعالي اقعدي
شيماء بابتسامه: ايه ياحبيبي عامل ايه ماشوفتكش الصبح وانت ماشي يعني
طارق : معلش يا حبيبتي زي ما انتي شايفه عندي شغل كتير وكنت مضطر انزل بدري عشان اخلصه
شيماء : ربنا يقويك يا حبيبي
طارق بتنهيده : بابا كان شايل عني كتير من ساعه ما تعب وانا شلت الليله كلها لوحدي
شيماء : ياحبيبي انا معاك شوف انا اقدر اساعدك بايه وانا اعمله
طارق : والله انتي جيتي في وقتك يا شيماء في طلبيه ادويه للمستشفى المفروض استلمها انهارده بس المشكله ان عندي عمليه كمان ساعه ياريت لو تستلميها انتي
شيماء بجديه : خلاص يا حبيبي روح انت لعمليتك و انا حستلمها
طارق شرح لشيماء كل التفاصيل الخاصه بطلبيه الادويه وسابها في غرفه مكتبه في انتظار طلبيه الأدوية
وبداخل قسم الأسنان...
في عياده الدكتوره اسماء
ريم و اسماء بيستعدوا لاستقبال المرضي
ريم : بباكي عامل ايه دلوقتي يا أسماء
اسماء بحزن شديد : حالته مش مستقره و امبارح دخل العنايه المركزه
ريم بطبطب على كتف اسماء: متقلقش ان شاء الله حيبقى كويس
اسماء : يارب ياريم انا ماليش غيره
ريم : انتي حتسافري ليه امتى
اسماء : بعد بكره ان شاء الله
أنت تقرأ
القاسم
Romanceيعيش حياه مزدوجة في الصباح طبيب أسنان ماهر الكل يشهد له بالالتزام ولكن عندما يأتي المساء يصبح انسان متهور لا يخشى شيء بني اسواراً من حديد حول قلبه حتى لا يدخله احد فهل ستأتي من تخترق أسوار قلبه العاليه...؟
